Matiu 5:12 - Buka Blahi Ka Cheke Holo

¹² Neuba, ghotilo gleꞌa nei keli tami eghu, naugna ginauna Kmada na taba fabiꞌo ghami ghotilo kligna. Naiknore ginauna para ghami ghotilo jateula teke edi hatimare mae Jiu ka nogna mae profet God tifa ra eghu.”

Matiu 5:12 ပူးပေါင်းရင်းမြစ်များ

Luku 6:23

“Ka narane tuana ghotilo gleale'a balu ragi. Naugna God ginauna na taba fabiꞌo ghami ghotilo kligna. Mae kmadire neke eghu dila nogna mae profet God tifa na jateula te eni ka ghotilo gne neku.

Jemes 1:2

Kheraguro, kate au teu ghotilo ka nauthoglu gne, ghotilo na thafodi kmana nafnata puhi biꞌo. Nu kate mei nafnata puhi biꞌo igre ka ghotilo na, ghotilo gleale'a.

Ululahu Pita 4:13

Nu ghotilo gleale'a nomi kolho kate au papara ka puhi igne, naugna mae Kraes na jaola neke au papara. Eghuteuna ghotilo ginauna jaola na gleale'a fara kate filoni mae Kraes te thakle mei balu nolaghi nei nafnakno.

Kolose 1:24

Gognaro na iara keli tagu fara neubane au papara, naugna naꞌau papara te eni iara igne mala togho ghami ghotilo. Tifa na mae Kraes neke papara fara mala toghoni khiloau, thinigna mana na. Eghuteuna, iara jaola au papara ka thinigu na mala fakhaputu nogna gloku mae Kraes te theome gnafa nga teu.

Letas Teke Riso Tei Mae Pol Ka Khiloau Rom 5:3

Eghuteuna tahati jaola gleale'a kate au ke lamnadi hoholo te kmana igre, naugna tahati lasedi hoholo igre togho ghita mala au heta tahati.

Thoutonu Eigna Rut 2:12

God gna Israel ginauna taba nigho eidi unha gloku te keli teke edi iagho ra. Eghuteuna mana ginauna reireghi fakeli nigho, naugna iagho ne mei ka mana jateula kaisei sua nanghaji te deni nogna vido mala poru na ia neu.”

Nodi Khoje Hatimare Mae Jiu 58:11

Naiknore ginauna cheke eghu, “Tutuani fara! God na tabadi naikno te keli re. Eghuteuna mana au na fatedi naiknogna nauthoglu igne!”

Profet Isaia 3:10

Ghotilo cheke ka iheire te leghuni puhi te doglo na, eigna Lord ginauna fablahidi mare, naugna mare ne edi glepo te kelire.

Proveb 11:18

Jame te eni iagho unha te diꞌa na, iagho ginauna hata taba te diꞌa. Nu te eni iagho unha te doglo na, naiknore ginauna tusu ranghi nigho glepo te keli.

Fapea Kronikols 36:16

Nu mare maꞌedi mae profet igre, eghuteuna mare theome magnahaghedi nodi cheke mare re. Mare cheke faparidi mae profet igre, eghuteuna Lord ne ghilei diꞌatagna fara ka mare mala theo kaisei nabrou te mala fakarhidi mare na.

Matiu 16:27

Tutuani fara, iara mae teke mei funu ka God na ginauna nake pulo mei ka nauthoglu igne balu nogna nolaghi biꞌo mae Mama. Eghuteuna, nogna engel mae Mama re ginauna mei balugu iara. Ka narane tuana iara ginauna tabadi naiknore eidi unha gloku teke edi mare.

Hibru 11:6

Mae ihei te theome fatutuani ka God na, God ginauna na theome keli tagna ka mana. Naugna mae ihei te magnahaghei mei namo ka God na, mana kulu fatutuani ni God te karha nei jaola fatutuani ni God ginauna na tabadi naikno te hironi mana na.

Ululahu Tesalonika 2:15

Mae Jiu tuare neke faleheni noda Lord Jisas nei hatimare mae profet. Eghuteuna mare jaola huhuru ghita mala jifla ka namono tuana. Mare theome keli ranghini God, eghuteuna mare nodi naoka naikno te gnafa.

Filipae 2:17

Nomi fatutuani ghotilo na jateula kaisei fafara te tusu lao tahati ka God ia eghu. Nu jame falehe ghau iara mare na, dadaragu iara na ginauna thofa jateula kaisei fafara te salofodu baludi nomi fatutuani ghotilo ra eghu. Iara ginauna gleale'a fara kolho balumi ghotilo.

Ululahu Kings 18:13

Jau iagho theome nomhini unha teke eni iara kate falehedi koba Kuin Jesebel nogna Profet Lord ra. Iara neke pophoru kaisei gobi Profet ke lamnadi phei gluma thina. Iara lilisei glimafului ka keha na, eghuteuna glimafului ka keha na. Eghuteuna iara fei ghedi gano nei khoꞌu eghu leuleghu narane ka mare.

Fapea Korin 4:17

Ghehati au papara katha vido te kmoꞌei kolho gognaro na, nu hoholo igne mala togho ghami mala hatani u nakarha te keli te theo ka huigna na ka God kligna! Nakarha igne ke uluni hoholo tuana.

Mae Khuru 5:41

Mae khurure ne jifla ka nodi suga mae mala fate re balu gleale'a naugna God lasedi mae igre nabadi te au papara eigna nanghagna mae Jisas.

Matiu 6:16

Mae Jisas ne cheke eghu, “Gognaro na eigna te theome ghamu gano. Kate dangna na, ghotilo thosei filo uchu jateula te edi mae te chaichaghi ra eghu. Mare fadidiꞌa tathadire ka narane te dangna na. Mare eni igne, mala filo naiknore eghu kolho. Nu tutuani fara te chekeni iara ka ghotilo na, mare la kulu hatahi nodi tabare ka naiknore.

Ululahu Korin 3:8

Eghume mae te joꞌu sisi nei mae te toatofa khoꞌu teu igre kaisei gaoghatho kolho fei gloku na. Aonu God ginauna tabadi phiamare leghuni nodi gloku na.

Luku 6:35

“Nu ghotilo namhadi nomi naokare, nei lolokeli ranghidi. Ghotilo tufa glepo ka keha naikno are, eghuteuna thosei ghathoni nake tughu fapulo mare teuna. Te eghu ghotilo na, God ginauna na taba fabiꞌo ghami ghotilo, naugna puhimi ghotilo re ginauna gaglana fara te goro thugna God ghotilo na. Naugna God na toghodi fabrahu iheire te theome ghatho tahuni mana, nei iheire te diꞌa fara.

Jenesis 15:1

Ke leghudi te edi glepo igre, Lord ne cheke eghu ka mae Ebram ka mifi na, “Ghema Ebram, thosei mhaghu. Iara jateula kaisei nou greoreo eghu iagho mala pophoru nigho, nei iara tangomana te reireghi fakeli nigho iagho. Iara ginauna na tusu ari glepo te keli ka iagho naugna iagho ne namha ghau iara.”

Nehemaea 9:26

“Nu neuba ngau, mare figri tagru nigho nei theome leghu nigho, nei theome magnahaghedi nou vetulare. Mare falehedi nou mae profet, mae iheire te mala cheke ranghidi mala teke pulo mei mare ka iagho. Mare edi thua nafnata glepo te diꞌa mala goigoni nigho iagho.

Mae Khuru 16:25

Farihotei bongiro, mae Pol ghe mae Silas ne tarai balu koje kilo fnaknoni God. Keha mae te sosolo re ne fanomho ka phiamare.

Luku 13:34

Aonu, mae Jisas ne cheke eghu, “Ghotilo naikno te au Jerusalem! Ghotilo falehedi hatimare mae profet ra eghuteuna fada falehedi ka thina mae teke kuru mei God ra. Kmana fata iara magnahaghei ghami ghotilo mala mei ka iara. Iara magnahaghei reireghi ghami ghotilo jateula khokorako gaꞌasegna te opo tafru thugnare ke pari baghignara eghu. Nu ghotilo tiromi magnahagheni ngala.

Profet Jeremaea 2:30

Iara neke para ghami ghotilo, naugna iara magnahaghei te fadoglodi puhimi ghotilore, nu ghotilo tiromi tughu puhimi te diꞌare. Eghuteuna ghotilo jateula lion te rofo ra neu ne falehedi koba nogu mae profet iara ra.

Nodi Khoje Hatimare Mae Jiu 19:11

Lord, nou farirhiu iagho gre tusu ranghi ghau iara gaoghatho te keli, eigna iara gne nou naikno gloku iagho. Iagho taba ghau iara, naugna iara ne leghudi nou cheke iagho na.

Fapea Kronikols 16:10

Kate nomhini cheke igne, King Asa ne diꞌatagna fara ka Profet Hanani ne koko laoni mana ka suga sosolo. Eghuteuna funu ka narane tuana, mana ne goigonidi keha nogna naiknore.

Ululahu Kings 18:4

Kate aknu falehe te gnafa Kuin Jesebel nogna profet Lord igre na, mae Obadaea ne hata kaisei gobi mae profet te karha teure ne tei pophoru ke lamnadi phei gluma thina. Mana tufa mae profet igre ne glimafulu mae ka keha na, eghuteuna glimafulu mae ka keha na neu. Eghuteuna mana ne faghamudi nei fakoꞌudi neu koba mae profet igre leuleghu narane.

Profet Jeremaea 26:8

Nu kate cheke te gnafa mae Jeremaea gobigna lepo teke chekedi Lord ka mana igre na, mae pris, mae profet nei naikno te gnafa teu igre ne lokini mae Jeremaea ne eha eghu fabiꞌo, “Iagho mala lehe!

Ululahu Kings 22:8

Aonu King Ehab ne cheke eghu, “Uve, kaisei nogna profet Lord na au agne, nanghagna na mae Maekaea, thugna mae Imla. Tapa tangomana te ghusnani mana te mala nomhini gaoghathogna Lord na. Nu iara tiroguni mae igne eigna leuleghu fata na mana theome chekeni kaisei glepo te keli ka iara, nu nonomho diꞌa eigu iara kolho!” Mae Jehosafat ne cheke eghu ka mana, “Iagho theome tangomana te cheke jateula tuana teuna. Fanomho sagho ka unha te chekeni mana na!”

Ululahu Kings 21:20

Kate filoni mae Elija na, King Ehab ne cheke eghu, “Sei! Nogu naoka iara gne kela mei filo ghauhi iara!” Mae Elija ne cheke eghu ka mana, “Uve, iara mei filo nigho iagho, naugna iagho ne eni puhi te thono diꞌa fara na ka tathagna Lord.

Hibru 11:26

Mana magnahaghei te au papara malagna Mesia mae ihei God nate kuru mei kau nauthoglu igne. Mana ghathoni naꞌau papara igne ke keli gnai te snori ka dedei fateo gna Ijep. Naugna mana filo faꞌulu kau taba nate tusu ranghini God nathuꞌu nauriha na.

Fapea Kings 1:9

Aonu king ne kuruni kaisei mae komanda balugna glimafulu soldia, mala tei hata meini mae Elija. Eghuteuna kate posa mare ka mana na, mana gnokro neu ke kligna gna kaisei thogele. Aonu mae komanda igne ne cheke eghu ka mana, “Ei, iagho mae mala toutonuni chekegna God ia, king magnahaghei nigho iagho te soru mei mala tei filoni king.”

Ululahu Kings 19:2

Aonu Kuin ne fatei cheke igne ka mae Elija, “Iara ginauna falehe nigho iagho jateula teke falehedi iagho nogna profet Baal ra eghu. Nathuꞌu jateula gognarogne teuna, iagho ginauna lehe. Jame te theome eni iara igne na, god tuare tangomana te falehe ghau iara na.”

Profet Jeremaea 37:14

Mae Jeremaea ne cheke eghu, “Theo! Iara theome tei mala au baludi mare!” Nu mae Iraeja ne theome fanomho ka mana. Mana lokini mae Jeremaea atha ne tei ka hatimare nogna ofisa mae king igre.

Filipae 1:29

Tutuani fara, God la tusu arihi ka ghotilo u nafnakno te mala loku ranghini nei fatutuani ni mae Kraes nei au papara malagna mana teuna.

Hibru 10:34

Ghotilo diꞌanagnafa baludi keha ka ghotilo te au ka suga sosolo. Eghuteuna kate hata keha naiknore gobigna lepo teke khotodi ghotilo re, ghotilo gleale'a kolho, naugna ghotilo lasenihi glepo te keli fara na ofo ghami ghotilo teu kligna. Eghuteuna glepo igre te au fabrahu tifa tifa.

Hibru 11:33

Hatimare neke fatutuani ni God. Naugna igne mare neke edi kmana nafnata glepo te biꞌo. Mare magra neke tapla sorudi kmana mae king nei kmana namono biꞌo. Mare neke funei ka puhi te doglo, nei hata unha glepo te keli teke nhaꞌa cheke ranghidi. Naugna igne mare ne fofotho foflodi lion nei falehedi khaꞌaghi te biꞌo fara, eghuteuna nodi naflahi mae te magnahaghei mei falehedi mare re theome thokedi mare. Neuba mare ne nigra, mare ginauna nake nheta. Eghuteuna mare heta fara ka magra ka hatimare mae thara te mei funudi ka namono delei nei tapla sorudi.

Jemes 5:10

Ke ghathodi si ghotilo hatimare mae profet teke chekeni chekegna God na tifa ra. Neubane naiknore ne edi kmana nafnata puhi te diꞌa ka mare, mare kegra heta ka nodi fatutuani na.