Matiu 5:10 - Buka Blahi Ka Cheke Holo

¹⁰ Keli tadi iheire te au papara eigna te eni unha te magnahagheni God na. Naugna God ginauna funei frunidi nafnata naikno igre.

Matiu 5:10 ပူးပေါင်းရင်းမြစ်များ

Jemes 1:12

Mae ihei te kegra heta nei theome snakreni thegna teu ka fariuriu te mala eni puhi te diꞌa na, mana keli tagna fara. Mana ginauna na hata nogna taba na, karha fei tifa teke kulu nhaꞌa cheke God ranghidi iheire te namhani mana re.

Fapea Korin 4:17

Ghehati au papara katha vido te kmoꞌei kolho gognaro na, nu hoholo igne mala togho ghami mala hatani u nakarha te keli te theo ka huigna na ka God kligna! Nakarha igne ke uluni hoholo tuana.

Matiu 5:3

“Keli tadi iheire te laseni te fnota ka God na, mare ginauna theome ludeni nakarha te tutuani na. Naugna God ginauna funei frunidi nafnata naikno igre.

Luku 6:22

Ghotilo te susuku ghami, lalama ghami, cheke fapari ghami ba cheke fadiꞌadi nanghamire teu keha naikno ra naugna ghotilo nogu iara, mae teke mei funu ka God gne, ghotilo tangomana te gleale'a na.

Fapea Timoti 2:12

Jame te fatutuani ni fabrahu tahati mae Jisas Kraes na, neubane au papara, tahati ginauna funei balugna mana ka nogna nauthoglu te theo ka huigna. Nu jame te chekeni tahati ne theome laseni mana teuna, mana ginauna jaola chekeni ne theome lase ghita teuna.

Filipae 1:28

Eghuteuna thosei mhaghudi iheire te theome magnahaghei ghami ghotilo na, nu te keli na kegra maku koba. Te eni ghotilo tuana na, mare ginauna laseni te theo kaisei nodi nolaghi te mala falehe ghami ghotilo na. Nu mare ginauna laseni God ngala te au nolaghi te mala fakarhi ghami ghotilo na nei paradi mare.

Luku 21:12

“Nu ame thoke mei nga gobigna lepo igre teuna, naiknore ginauna loki ghami nei para ghami eghu ghotilo, eigna ghotilo ne fatutuani ghau iara. Mare ginauna hata ghami ghotilo tei ka fate ke lamna suga tharai. Eghuteuna mare ginauna na faruma ghami ghotilo ka suga sosolo. Mare ginauna na huhuru ghami ghotilo mala kegra ke uludi hatimare mae funei ba ke uludi hatimare mae king. Mare ginauna na edi glepo igre ka ghotilo, naugna ghotilo ne leghu ghau iara.

Jone 15:20

Thosei ghatho ihoni cheke teke cheke eghu iara ka ghotilo tifeiro ia, ‘Mae gloku na theome tangomana te uluni nogna mae funei na.’ Te theome magnahaghei ghau iara mare na, naiknore ginau nake theome magnahaghei ghami la ghotilo. Te leghudi mare nogu cheke iara re, mare ginauna leghudi la nomi cheke ghotilo re.

Thakle 2:10

Ghotilo thosei mhaghuni kaisei glepo neubane para ghami mare. Filo si ghotilo! Satan ginauna fariuriu ghami ghotilo mala laseni te thofno leghuni mana kate lilisei ka suga sosolo keha naikno ka tothoghei ghotilo gne. Eghuteuna ghotilo ginauna au papara jare nabagna nabotho narane. Nu ghotilo mala fatutuani ghau iara ngala, neuba mare falelehe ghami ghotilo. Eghuteuna naugna te eni iagho igne, iara ginauna tusu ari nakarha te theo huigna na ka ghotilo, jateula mare te tusu lao taba biꞌo ka mae ihei te uluni fangenghele ia eghu.

Fapea Timoti 3:11

Uve, iagho lasenihi, iara neke kabru nei au papara fara kani au teku ka namono Antiok, Aekoniam nei Listra. Nu noda Lord neke togho ghau nei fakarhi ghau ka puhi te gnafa igre.

Matiu 25:34

“Aonu iara mae King na ginauna cheke eghu ka naikno te keli fei nhetagure, ‘Mei, ghotilo naikno teke fablahi ghamihi mae Mama ra mala ruma ka nogna nauthoglu majaghani mana teke kulu tarabana malami ghotilo teku ka fufunu gna nauthoglu pari igne.

Nodi Khoje Hatimare Mae Jiu 37:12

Mae te diꞌa na gaoghatho mala eni puhi te diꞌa na ranghini mae te doglo na, nei diꞌatagna eghu ka mana.

Nonomho Te Keli Teke Risoi Mae Mak 10:30

mana ginauna na tangomana te thokei kaisei gobi fata ghilei sala'udi gobigna lepo teke jifla kokodi mana re. Ka nauthoglu igne na mana au nogna suga nei tahigna nei greghagna nei idogna nei thugna nei nogna vido glose, eghuteuna mare jaola ginauna na paraniu mana. Nu kau nogna nauthoglu majaghani God nate mei nathuꞌu nauriha na mana na hatini karha fei tifa na.

Luku 6:20

Mae Jisas filo ka nogna mae fanomhore ne cheke eghu ka mare. “Ghotilo te kuma ra, ghotilo tangomana te gleale'a na. Naugna ghotilo la auhi baludi naikno te funei frunidi God re.

Matiu 10:23

Kate para ghami naiknogna kaisei namono na, rikha tei ka keha namono na. Tutuani fara te chekeni iara ka ghotilo na, ame gnafa nga ghotilo nomi gloku na ka namono te kmana Israel igre teuna, iara mae teke mei funu ka God na nake pulo mei.

Ululahu Jone 3:12

Thosei jateula mae Kein, mana nogna mae Satan neke faleheni mae tahigna na. Mana faleheni mae tahigna naugna glepo te edi mana re diꞌa fara, eghuteuna glepo te edi mae tahignare keli fara.

Mae Khuru 8:1

Nu ka gaoghathogna mae Sol na, glepo keli kolho mare te faleheni mae Stivin na.

Mae Khuru 5:40

Mare kilo fapulodi mae khurure ne puphuri. Eghuteuna mare ne cheke faheta ranghidi mare mala thosei ke cheke ka nanghagna mae Jisas. Ke leghugna igne mare ne snakre teidi mae khurure.

Profet Isaia 66:5

“Ghotilo naikno te leghu ghau nei ghatho tahu ghau teu iara ra, fanomho fakeli ka nogu cheke iara Lord. Naugna ghotilo ghatho tahu ghau iara fabrahu, eghuteuna keha naikno ka ghotilo theome magnahaghei te loku fodu balumi ghotilo. Eghuteuna mare maꞌe ghami ghotilo cheke eghu, ‘Snakreni Lord mala mei mana balu nogna nolaghi biꞌo mala filoni ghehati te glealeꞌa fara ghotilo na.’ Nu mare ginauna mamaja nodi fara.

Matiu 19:14

Nu mae Jisas ne cheke eghu ka mare, “Snakre meidi goro suare ka iara. Thosei lhotidi, naugna naikno te funei frunidi God re jateula sua igre eghu.”

Nonomho Te Keli Teke Risoi Mae Mak 10:14

Kate filoni mae Jisas igne, mana ne diꞌatagna fara ka mae fanomhore, ne cheke eghu ka mare, “Snakre meidi goro suare ka iara. Thosei lhotidi, naugna naikno te funei frunidi God re jateula sua igre eghu.

Luku 22:29

Eghume iara gognarona tusu ari nolaghi ka ghotilo mala funei frunidi naikno gre balugu iara, jateula mae Mama teke tusu mei nolaghi igne ka iara.

Jemes 5:11

Eghuteuna te ghathoni tahati te chekeni na mare thono keli tadi fara naugna mare kegra heta fabrahu ne ghilei thoke ka narane leghu lahu na. Eghuteuna ghotilo neke nomhi nila eigna mae Job ia. Kmana nafnata puhi biꞌo thokeni mana, nu mana biꞌo nogna fatutuani na ka God. Eghuteuna ke leghudi puhi igre Lord neke toghoni mana neke tusu ranghini mana gobigna lepo te keli teke magnahaghedi mana re. Naugna Lord na kafe namha ghita nei kokhoni ghita nei magnahaghei toghodi eghu nogna naikno te gnafare.