Matiu 4:24 - Buka Blahi Ka Cheke Holo

²⁴ Thoutonu eigna mae Jisas na ne tei tongana heva heva ka Provins Siria, eghuteuna mare hata ne mei ka mana naikno te gnafa te fogra re. Naikno igre au tadi soasopai khabru. Keha au naitu, keha snosnogho, nei keha lehe ghahedi nei khamedi teure. Tutuani, mae Jisas ne kafe fakarhadi.

Matiu 4:24 ပူးပေါင်းရင်းမြစ်များ

Matiu 17:15

Mana ne cheke eghu, “Lord, toghoni mae thugu nalhaꞌu iara gne! Mana au tagna khabru snosnogho ne thono au papara fara. Eghuteuna mana uka soru koba ke lamna khaꞌaghi ba ke lamna khoꞌu.

Matiu 8:6

“Mae biꞌo, kaisei nogu mae gloku iara te au ka sugagu na. Mana kabru biꞌo fara thuru au kolho ka sape na. Naugna mana blughu theome tangomana te tugha tafri na.”

Luku 5:15

Nu neuba ngau, nonomho gna mae Jisas gne ne tei tongana heva heva ka namono te kmanare. Aonu kmana naikno fara ne mei fanomho ka chekegna mana re nei mala fakarhidi mana ka thua khabru te au ka thinidire.

Luku 2:2

Igne ngala riso nangha ulu lahu teke eni kate gavana teku mae Kurenas ka Provins Siria.

Matiu 17:18

Mae Jisas ne cheke faheta ka naitu te au ka mae sitei na. Aonu naitu na ne jifla mei. Eghuteuna ka vido tuana mae sitei na ghosei neke keli fapulo.

Matiu 15:22

Kaisei naikno biꞌogna Kenan te mei au ka nohi tuana mei ne eha eghu ka mae Jisas, “Lord, vikegna mae King Devet! Kokhoni ghau iara! Thugu gaꞌase iara na kaisei naitu ne parani fara.”

Matiu 12:22

Ke leghugna igne keha naiknore hata ne mei kaisei mae ka mae Jisas. Mae igne dofu nei iho cheke eghu, naugna kaisei naitu au ka mana. Aonu mae Jisas fakelini mae igne neke tangomana teke fifilo nei ke facheke teuna.

Mae Khuru 10:38

Eghuteuna ghotilo lasenihila u thoutonu eigna mae Jisas gna Nasaret. Tutuani, God Mama neke kuruni mae Tharunga te Blahi na mala toghoni mana nei tusu ranghini mana u nolaghi te biꞌo tulao. Ghotilo jaola laseni mae Jisas gne neke tei tongana heva heva neke edi koba glepo te kelire, nei fakelidi naikno te gnafa te au ke parigna nogna nolaghi mae Satan. Mae Jisas tangomana te eni igne naugna God au balugna mana.

Mae Khuru 15:23

Hatimare ne tusu lao letas igne ka phiamare: Ghehati mae khuru nei mae mala baubatu ka khiloau nei kherami fofodu ka khiloau agne Jerusalem, Magnahaghei te kubae ghami ghotilo naikno khiloau te theome Jiu te au ka namono Antiok nei ka phei Provins Siria nei Silisia.

Nonomho Te Keli Teke Risoi Mae Mak 2:3

hatimare fati mae pala ne mei kaisei mae te blughu.

Nonomho Te Keli Teke Risoi Mae Mak 1:32

Ka grafi tuana, ke leghugna tela pluluhi naprai na, naiknore hata ne mei ka mana naikno te gnafa te fogra ba te au naitu tadi.

Matiu 4:23

Mae Jisas ne tei tongana ka Provins Galili, ne ruma ka nodi suga tharai mae Jiu ne farirhiu, nei toutonu thakleni Nonomho te Keli eigna narane God nate funei frunidi nogna naiknore, nei fakarhidi naikno te gnafa te fogra nei khabru biꞌo teure.

Eksodas 15:26

Aonu God ne cheke eghu ranghidi naiknore, “Iara nomi Lord God ghotilo, iara neke famafodi khabrumi ghotilo ra. Jame te leghu ghau iara ghotilo te edi glepo te keli ka gaoghathogu iara re, nei leghudi nogu vetula iara re teuna, iara na theome tusu ari ka ghotilo nafnata khabru teke edi iara ranghidi mae Ijep ra teke au papara mare ra.”

Mae Khuru 15:41

Phiamare ne tei sala'u ka phei provins Siria nei Silisia, neke farerheta khiloau jare re.

Luku 4:14

Ke leghugna igne mae Jisas neke pulo Galili, balugna u nogna nolaghi Tharunga te Blahi na. Eghuteuna, u nonomho eigna mae Jisas na ne tei tongana ka nohi te gnafa ke lamnagna provins tuana.

Nonomho Te Keli Teke Risoi Mae Mak 1:28

Funu ka narane tuana nonomho eigna mae Jisas na ghosei ne tei posa ka namono te gnafa ka Provins Galili.

Matiu 14:1

Ka narane te King Herod Antipas ka Provins Galili, mana nomhidi kmana thoutonu eigna mae Jisas.

Ululahu Kronikols 14:17

Eghuteuna naikno te gnafa te au heva heva ka namono te gnafa ka nauthoglu igne ne nomhini thoutonu eigna unha te eni mae Devet igne ne fafnaknoni mana, Lord neke eni igne ka mae naokare mala mhaghuni mana.

Ululahu Kings 10:1

Kate nomhini Kuin gna Seba thoutonu eigna Lord te tusu lao nafnakno biꞌo ka King Solomon igne, naꞌa mei ne filoni mana Jerusalem. Naꞌa magnahaghei te fariuriuni nogna glalase king na ne edi kmana faghusna te ninhigrana fara.

Ululahu Kings 4:31

Nogna gaoghatho te keli mana igne salaꞌu fara, salaꞌudi keha mae re, tulao, mae Etan vikegna mae Esra, nei salaꞌuni mae Heman, nei mae Kalkol, nei mae Dada, thilo thugna mae Mahol. Eghuteuna thoutonu eigna mana na tei posa ka kantri te gnafa te falithuini Israel.

Josua 6:27

Mae Josua ne fnakno fara heva heva Kenan eidi glepo te edi mana igre. Eghuteuna Lord na ne au fabrahu balugna mana.

Jone 10:21

Keha naiknore ne cheke eghu, “Theo. Mae te au naitu na theome tangomana te cheke eghu na. Naugna naitu na theome tangomana te fakelini tathagna mae te dofu na.”

Matiu 9:35

Mae Jisas ne tei tongana ka namono biꞌo ba namono te ikodi ke lamnagna Provins Galili. Mana ruma ke lamnadi nodi suga tharai mae Jiure, ne farirhiudi naiknore. Eghuteuna mana ne toutonuni Nonomho te Keli eigna narane God te funei frunidi nogna naiknore. Mana ne fakarhidi naikno te au thua nafnata khabru nei fogra teu tadire.

Matiu 9:26

Nonomho gna igne ne tei tongana heva heva ka namono te kmana ke lamnagna provins tuana.

Matiu 8:28

Hatimare tei ne longa ka keha phile kholo na, ka nohi te kiloni Gadara. Phei mae te au naiture mei ne ludeni mae Jisas. Phei mae igre au ka gluma aheva te mala giugiludi naikno te lehere. Eghuteuna, naiknore theome tangomana te liu ka vido te au phiamare na, naugna phiamare thono diꞌa tadi fara ka naiknore.

Fapea Samuel 8:6

Aonu mae Devet ne lilisei kmana soldia Damaskas. Eghuteuna naiknodi Aram igre ne au ke parigna mana, aonu mare ne foli takis ka mana. Ka vido aheva te tei magra mae Devet na, Lord na toghoni mana te mala uluni mana magra na.

Ululahu Kronikols 29:2

Eghume, iara neke loku heta mala tarabana gobi lepogna nogna Sugablahi noda God. Iara la tarabanahi gol, silva, bras, aean, nei thaba. Eghuteuna iara la tarabanahi kmana thofno famane thina te kiloi soham nei onikis, nei kmana nafnata thina te famane kala. Eghuteuna iara tarabanahi kmana famane thina te kiloi mabol te mala lalaoni ka suga ra.

Matiu 8:33

Mae teke ohodi bosure ne kafe rikha ne posa ka namono Gadara, ne toutonuni unha te eni mae Jisas ranghidi phia mae te au naiture.

Nonomho Te Keli Teke Risoi Mae Mak 2:4

Nu mare theome tangomana te palani mana te mei ka mae Jisas na naugna ne kmana fara naikno na. Aonu mare pala ne haghe ke tagru suga ne hohoro kaisei khora ghoghodogna te au mae Jisas na. Eghume mare ne farurhu soruni mana balugna nogna sape na ke ulugna mae Jisas.

Nonomho Te Keli Teke Risoi Mae Mak 2:9

Thono bligi fara te cheke eghu na, ‘Thuguo, iara la hata fadeleihi nakhibomure’, naugna theo kaisei naikno tangomana te filoni te au nolaghi ka iara te mala eni gloku igne. Nu ninhigrana fara te cheke eghu na, ‘Kegra haghe, hata nou khifra na tei,’ naugna naikno na tangomana te filoni jame te au nolaghi iara te mala eni igne.

Luku 4:38

Ke leghugna igne, mae Jisas jifla ka suga tharai na ne tei ka sugagna mae Simon. Ka narane tuana, nanghogna mae Simon na ne fogra naugna fagrutu na biꞌo fara ka naꞌa. Aonu hatimare ne toreni mae Jisas mala toghoni naꞌa.

Luku 5:24

Nu gognarona iara na falase arini ka ghotilo, iara mae teke mei funu ka God na au nolaghi ka nauthoglu igne te mala hata fadeleidi nakhibore!” Aonu, mae Jisas ne cheke eghu ka mae te blughu na, “Te chekeni iara ka iagho na, kegra haghe. Hata nou khifra na tei ka sugamu na!”

Mae Khuru 8:7

Kmana naiknodi Samaria ne au naitu tadi. Nu mae Filip ne brue fajifladi tadi. Eghuteuna naiture ne eha fabiꞌo ne jifla mei ka naiknore. Mae Filip jaola ne fakelidi naikno te lehe ghahedi nei blughu teu ka namono tuana.

Luku 7:17

Nonomho eigna mae Jisas igne ne tei tongana ka namono te gnafa ka Provins Judia nei ka keha namono langau ka keha provins rhegna Judia.

Mae Khuru 28:9

Ke leghugna igne, keha naikno te fogra ka moumolu igne ne kafe mei ka mae Pol, eghuteuna mana ne kafe fakeli dila.