Matiu 4:18 - Buka Blahi Ka Cheke Holo

¹⁸ Kate lilihi te tei mae Jisas ka grathagna Kholo Galili, mana ne filodi phei mae thabusigna te ugra sasa, mae Simon mae te kiloi Pita ghe mae Aduru. Phiamare ugra sasa ka nodi fangna na.

Matiu 4:18 ပူးပေါင်းရင်းမြစ်များ

Matiu 10:2

Igre nanghadi nabotho phei mae nogna khuru mana re: Ulu lahu na mae Simon, te kiloni mae Pita ghe mae Aduru tahigna na; mae Jemes ghe mae Jone, phei thugna mae Sebedi;

Luku 6:14

Nanghadi nabotho phei mae khurure igre. Mae Simon, fapea nanghagna na mae Pita, nei Aduru tahigna mana na; mae Jemes ghe mae Jone; mae Filip ghe mae Batolomiu;

Matiu 16:18

Eghume te chekeni iara ka iagho na, iagho mae Pita jateula kaisei thina eghu. Kate babana iara nogu khiloau na, thina igne ginauna na famamhaku hi. Eghuteuna, nogna nolaghi glehe na ginauna na theome tangomana nate tapla soruni nogu khiloau iara na.

Matiu 15:29

Mae Jisas jifla jare ratha ne tei ka glilihigna Kholo Galili. Mana haghe ka thogele na ne gnokro pari.

Jone 6:1

Kaisei fata ke leghugna igne mae Jisas ne kasa baludi nogna mae fanomhore ka keha phile Kholo Galili te kiloni jaola Kholo Taebirias.

Jone 21:1

Kaisei fata ke leghugna igne, mae Jisas neke fatakleni thegna ka nogna mae fanomhore ka grathagna Kholo Galili. Igne neke eghu.

Jone 6:8

Kaisei nogna mae fanomho mae Jisas, nanghagna na mae Aduru, tahigna mae Simon Pita, mana ne cheke eghu ka mae Jisas,

Nonomho Te Keli Teke Risoi Mae Mak 7:31

Mae Jisas jifla ka nohi Taea, eghuteuna sala'u Saedon ne thoke ka Kholo Galili, ka nohi Dikapolis.

Diutronomi 3:17

Eghuteuna ke maghatigna glogu Khoꞌu biꞌo Jordan igne iara neke jaola neke tusu lao ka mare. Eghuteuna fofotagna nodi glose mare ke mosu na ka Khoꞌu biꞌo Jordan, iara neke tusu lao glose funu ke raru Kholo Galili ke posa fei Thongna Lehe ke mata, eghuteuna tei posa ke maghati pesi thogele Pisga.

Naba 34:11

Aonu ke tei thoke Ribla, ke maghati Aen, eghuteuna ginauna tei thoke ka thogele ke maghati rhegna Kholo Galili.

Eksodas 3:10

Eghume gognarona iara magnahaghei nigho iagho te tei ka king gna Ijep, mala batu fajifladi iagho nogu naikno iara ra ka nogna kantri mana na.”

Eksodas 3:1

Moses ne reireghidi nogna sipu nei nanigot teu nanghogna mana Jetro igre, mae ihei te pris gna Midian. Kaisei narane Moses ne batudi sipu nei nanigot teu igre ne tei ka namono nagou na, eghuteuna mana tei ne posa ka thogele blahi Sanai.

Profet Esikiel 47:10

Vido te gnafa Israel, funu ka glokha khoꞌu En-Gedi tei posa ka glokha khoꞌu En-Eglaem, naiknore ginauna ugra korho haghe sasa ka nusu na, eghuteuna lilisei nodi fangna re ka nusu na mala moja. Ka vido igne ginauna au kmana nafnata sasa tagna jateula Thongna Mediterenian eghu.

Matiu 4:19

Mae Jisas ne cheke eghu ka phiamare, “Mei ke leghugu. Iara na falalase ka ghopa te mala salo mei naikno ka iara na.”