Matiu 4:15 - Buka Blahi Ka Cheke Holo

¹⁵ “Ka namonogna Sebulun nei Naftali, ka nabrou te tei posa ke tongna, ka keha phile Kho'u Jordan, te au Galili namonodi naikno te theome Jiu.

Matiu 4:15 ပူးပေါင်းရင်းမြစ်များ

Profet Isaia 9:1

Neuba, namono te autagna puhi biꞌo igne, gromno na ginauna theome au fabrahu tagna. Tifa na, Lord neke eni vikegna Sebulun, nei vikegna Naftali teu igre ginauna au mamaja. Eghuteuna nanghagna nodi namono na ginauna thono diꞌa fara. Nu ka narane nate mei ginauna, Lord ginauna fafnaknoni nanghagna namono igne. Mare kiloni namono igne Galili, kmana naikno te theome Jiu na au tagna. Funu ka Thongna biꞌo Mediterenian tei posa ka keha philegna Khoꞌu biꞌo Jordan.

Josua 21:32

Eghuteuna ke lamnagna nogna vido Naftali, mare khotodi thilo namono baludi glose te au faligoho ka mala lilisei buluka, nei sipu nei nanigot. Nanghadi thilo namono igre: Hamot-Doa, nei Katan, nei Kedes jare Galili. Kedes gne kaisei ka namono te mala poru igre.

Fapea Kings 15:29

Ka narane tuare, King Tiglat-Pilesa gna Asiria mei ne magra Israel. Mana uluni magra igne ne hata namono igre: Ijon, Abel-Bet-Maka, Janoa, Kedes, Haso. Mana jaola ne uludi namono te au ka thilo nohi Gilead, Galili nei ka nohi Naftali, eghuteuna mana hata naiknore ne tei Asiria.

Ululahu Kings 9:11

Eghuteuna King Hiram gna Taea ne famei thaba gaju sida nei keha famane nafnata gaju balu gol ka King Solomon, mala tangomana mana te eni gloku igne. Kate ari te gnafa gloku na, King Solomon ne snakre lao varadaki namono ke lamnagna provins Galili ka King Hiram.

Josua 20:7

Aonu naiknodi Israel igre ne vahidi thilo namono mala poru ke mosu Khoꞌu biꞌo Jordan. Nanghadi re Kedes jare Galili te au ka thogele ka nogna rijon Naftali, nei Sekem te au ka thogele ka nogna rijon Efrem, eghuteuna Hebron te au ka thogele ka nohi Juda.

Matiu 4:13

Mana ne kulu tei Nasaret, eghuteuna mana theome au raugha jare. Nu mana jifla neke tei au Kapanam, kaisei namono rhegna Kholo Galili, ke lamnagna nohi Sebulun nei Naftali.

Matiu 4:14

Igne ne horoghoto ka unha teke cheke eghu mae profet Isaia tifa ia,

Matiu 4:25

Kmana naikno mei funudi ka Provins Galili, nohi Dikapolis, ka namono biꞌo Jerusalem, ka Provins Judia nei ka keha phile Kho'u Jordan ne tei leghuni mae Jisas.

Luku 24:27

Aonu mae Jisas ne funu rurutha fakeli ka phiamare gobigna lepo teke rioriso mare eigna thegna ka grioriso te blahi ra. Mana ne fufunu ka nogna grioriso mae Moses nei ka chekedi hatimare mae profet te gnafare.