Matiu 28:9 - Buka Blahi Ka Cheke Holo

⁹ Nu mae Jisas megei nga ne thakle ka repa ne cheke eghu, “Pharikeli!” Eghuteuna repa tei ne loku ka ghahegna mana re, ne cheke fakelini mana.

Matiu 28:9 ပူးပေါင်းရင်းမြစ်များ

Matiu 28:17

Aonu, kate filoni mana ka thogele na, mare turupuku soru ne kilo fnaknoni ka mana. Nu keha mae fanomhore pogho soru balu ghatho peapea.

Matiu 14:33

Aonu mae fanomhore pogho soru ka mae Jisas ne cheke eghu, “Tutuani fara, iagho thofno Thugna God!”

Jone 20:28

Mae Tomas ne cheke eghu ka mana, “Tutuani fara, iagho nogu Lord nei nogu God!”

Luku 24:52

Hatimare ne turupuku soru ranghini mana. Eghuteuna mare neke pulo Jerusalem balu gleale'a biꞌo fara.

Jone 12:3

Ka vido tuana Meri ne hata ne mei kaisei botol sedi te ninhigrana fara foligna na nei famane sisiri keligna teuna, ne totofa ka phia ghahegna mae Jisas re ne famomoja ka khaklagna thegna te brahure. Eghuteuna suga thongana na ne fodu ka sisirigna sedi na.

Luku 7:38

Naꞌa kegra ke leghugna mae Jisas ne tanhi neu. Naꞌa ne fabobothu ka kholo tathagnare phei ghahegna mae Jisas re. Eghuteuna naꞌa tuturupuku soru ne famomoja ka khaklagna thegna te brahure ne gnangho fabrahu. Jaola naꞌa totofa kholo te sisiri keligna na ke klignadi.

Thakle 3:9

Filo si ghotilo! Nogna tothoghei mae Satan te kilodi thedi naiknodi Jiu teu are theome thofno nogu naikno iara. Mare chaichaghi kolho. Uve, iara ginauna huhurudi mare mala mei pogho soru ke ulumi ghotilo, eghuteuna mare na cheke eghu, ‘Tutuani, God thofno namha ghami ghotilo!’

Fapea Korin 13:11

Uve kheraguro, ghehati magnahaghe ghami ghotilo te gleale'a. Fariuriu edi unha te chekedi iara ka ghotilo gre mala thofno au klino. Eghuteuna ghotilo te gnafa na mala kaisei gaoghatho ngala nei mala kaisei au ngala kau pharikeli. Ka puhi igne God mae ihei te tusu ranghi ghita u namha nei pharikeli teu igne ginauna au balumi ghotilo.

Jone 20:19

Kau grafi Sade, mae fanomhore kafe au neu ka suga na. Mare ne kafe bibilakhi famaku grengathare, naugna mare ne mhaghudi mae biꞌodi hatimare mae Jiu. Eghuteuna, kau vido tuana mae Jisas mei ne kegra farihoteidi mare. Mana ne cheke eghu ka mare, “Pharikeli na au ka ghotilo!”

Luku 1:28

Aonu engel na mei posa ka Meri ne cheke eghu, “Pharikeli nogna God na au balumu mala fablahi nigho!”

Profet Isaia 64:5

Leuleghu fata na, iagho tarabanau kolho mala toghodi iheire te keli tadi fara te mala eni unha te doglo na, nei iheire te leghuni puhimu iagho te doglo na. Nu ghehati tapla jafra fabrahu ka nakhibo, eghume iagho diꞌatamu fara ka ghehati. Nu jame te leghu nigho ghehati na iagho ginauna fakarhi ghami ghehati.

Matiu 23:7

Mare magnahaghedi naiknore te ghatho tahudi nei kilodi ‘Mae Velepuhi’ ke lamna glalaba. Gaoghatho te edi mare glepo te keli igre mala filo naiknore eghu kolho.

Matiu 28:8

Aonu, repa ghosei chari ne tei funu ka gluma na. Repa mhaghu nodi fara, nu repa jaola thono gleale'a fara. Aonu repa chari ne tei ne toutonu ka nogna fanomho mae Jisas re.

Matiu 28:10

Mae Jisas ne cheke eghu ka repa, “Thosei mhaghu! Tei cheke ka nogu mae fanomho iara ra mala tei Galili, eghuteuna mare ginauna filo ghau iara jare.”