Matiu 28:2 - Buka Blahi Ka Cheke Holo

² Aonu, kaisei nakheu biꞌo ne nghali ne kheu tongana gobigna lepore ka vido tuana. Eghuteuna, nogna engel Lord na ne soru mei funu kligna ne tei ka gluma na, ne pili fadelei thina biꞌo teke fofothogna gluma na ne gnokro ke kligna thina.

Matiu 28:2 ပူးပေါင်းရင်းမြစ်များ

Mae Khuru 16:26

Kaisei nakheu biꞌo megei nga ne nghali ka khotogna u suga sosolo na. Aonu grengathagna suga na ne kafe thora. Eghuteuna chenire ne kafe khusu ne khoko soru ka khamedi mae te sosolore.

Ululahu Timoti 3:16

Tutuani fara, nogna thofno farirhiu khiloau na kaisei glepo biꞌo fara. Eghuteuna thofno farirhiu tuana cheke eghu, Mae Kraes neke vuha mei thini jateula naikno. Mae Tharunga te Blahi neke fatakleni puhigna mae Kraes na thono doglo fara. Engel re neke filoni mana. Naiknore neke tei toutonu eigna mana ka namono te kmanare. Naikno heva heva ka nauthoglu igne neke fatutuani ni mana. God neke hata hagheni mana kligna ka siasigla.

Jone 20:1

Ghagra pasa hamerane Sade, Meri gna Makidala jifla ne tei ka gluma aheva teke lilisei mare thinigna mae Jisas na. Kate thoke lao ka gluma na, naꞌa ne filoni thina biꞌo teke fofothogna gluma na la pili fadeleihi.

Thakle 11:19

Aonu grengathagna nogna Sugablahi God te au kligna na ne thora, eghuteuna iara ne filoni bokis te au nogna nhaꞌa cheke God teke rioriso ranghidi nogna naiknore. Ka vido tuana nakafli, fila, nakheu, nei nakhete thina eghu ne khoko soru mei ka maloa na.

Ululahu Pita 1:12

Eghume, God neke falalase ka mare u thofno gaoghathogna cheke igne, theome mala toghodi kolho thedi kate toutonu na, nu mala togho ghami ghotilo. Gognaro na mae Tharunga te Blahi teke kuru mei God funu kligna na tusu lao nolaghi ka keha naiknore mala toutonu ka ghotilo. Naikno igre neke toutonu eigna u Nonomho te Keli na ka ghotilo glepo teke toutonu dila hatimare mae profet ra. Tutuani fara hatimare mae engel, mare magnahaghei te lase fakeli nila Nonomho te Keli igne.

Matiu 27:60

Mana lilisei thinigna mae Jisas na ka nogna gluma majaghani thegna teke jou mare ka thina biꞌo na. Aonu ke leghu, mae Josep ne pili kaisei thina biꞌo mala fofotho gluma na ne tei nogna.

Matiu 27:66

Aonu, mare ne kafe tei ka gluma na ne famane bibilakhi famaku thina biꞌo teke fofothogna gluma na mala theome tangomana kaisei naikno te mei blau thinigna mae Jisas. Eghuteuna mare ne lilisei keha mae soldia mala reireghi fakeli gluma na.

Mae Khuru 5:19

Nu ka bongi tuana na kaisei engel nogna Lord na ne tora grengathagna suga sosolo na. Engel na ne batu fajifladi mae khurure ke kosi ne cheke eghu,