Matiu 28:17 - Buka Blahi Ka Cheke Holo

¹⁷ Aonu, kate filoni mana ka thogele na, mare turupuku soru ne kilo fnaknoni ka mana. Nu keha mae fanomhore pogho soru balu ghatho peapea.

Matiu 28:17 ပူးပေါင်းရင်းမြစ်များ

Nodi Khoje Hatimare Mae Jiu 45:11

Te eghu iagho na, king ginauna filo nigho nei magnahaghei nigho eghu iagho, naugna iagho kaisei famane gaꞌase fara. Mana mala nou mae funei iagho, eghume iagho mala ghatho tahuni mana.

Nodi Khoje Hatimare Mae Jiu 2:12

Ghotilo mala mhaghuni nei tufru soruni eghu mana. Te theo ghotilo na, ghotilo ginauna ghosei lehe kate diꞌatagna fara mana na. Nu ihei te fatutuani God nei au famaku ka mana teuna, mae tuana keli tagna fara.

Jone 5:23

Mae Mama ne eni igne mala ghatho tahu ghau iara mae Thugna na naikno te gnafare, jateula ngau mare te ghatho tahu nila mae Kmagu iara na. Mae ihei te theome ghatho tahu ghau iara na, naikno tuana theome ghatho tahu nila mae Mama mae ihei teke kuru mei ghau iara na.”

Matiu 28:9

Nu mae Jisas megei nga ne thakle ka repa ne cheke eghu, “Pharikeli!” Eghuteuna repa tei ne loku ka ghahegna mana re, ne cheke fakelini mana.

Matiu 16:28

“Tutuani fara te chekeni iara ka ghotilo na. Keha mae ka ghotilo au teu balugu iara gognaro igre, mare ginauna na theome leheu ghilei filo ghau iara mae teke mei funu ka God nate mei te mala funei frunidi nogu naiknore.”

Ululahu Korin 15:6

Ke leghugna tuana, mae Jisas neke fatakleni thegna ka hatimare sala'uni glima gobi naikno khiloau teke khapru fodu teku kaisei vido ngala. Tutuani, kmana ka naikno igre mare karhau ngala gognaro na. Nu kehare la lehehi.

Nonomho Te Keli Teke Risoi Mae Mak 16:11

Kate nomhini mare cheke naꞌa ne filoni mae Jisas na kela karha fapulohi teu igne, mare ne theome fatutuani ni kolho naꞌa.

Nonomho Te Keli Teke Risoi Mae Mak 16:13

Phiamare figri neke toutonu ka keha mae fanomhore. Eghuteuna mae fanomhore jaola ne theome fatutuanidi kolho nodi cheke phiamare re.

Nonomho Te Keli Teke Risoi Mae Mak 16:14

Ke leghu na mae Jisas mei ne thakle ka nabotho kaisei mae fanomhore, ka vido te ima teu mare na. Mana mei ne cheke faheta ka mare, naugna mare ne theome biꞌo nodi fatutuani na. Mare ne maku fara nagnafadire ne theome fatutuanidi iheire teke filoni mana ke leghugna teke karha fapulo mana ka glehe na.

Mae Khuru 1:3

Ke leghugna teke lehe nei ke karha fapulo teku na, mae Jisas neke fatakleni thegna ranghidi mare ka kmana fagaglana tutuani leuleghu fata ke lamnadi phiatutu narane igre. Mare neke filo tathadi mae Jisas na, eghuteuna mana neke toutonu ka mare eigna nakarha te funei frunini God na.