Matiu 27:63 - Buka Blahi Ka Cheke Holo

⁶³ Mare ne cheke eghu ka mana, “Mae biꞌo, ghehati kela ghathoni teke cheke eghu mae te chaichaghi ia kani karha tekeu mana ia, ‘Iara ginauna nake karha fapulo ka fatilo narane na.’

Matiu 27:63 ပူးပေါင်းရင်းမြစ်များ

Luku 9:22

Eghuteuna mana jaola ne cheke eghu ka mare, “Iara mae teke mei funu ka God na, mare ginauna para ghau fara iara. Ginauna hatimare mae pris ulu, nei hatimare mae velepuhigna vetula nogna mae Moses, nei mae biꞌodi hatimare mae Jiu langau eghu na tirodi ghau iara. Mare ginauna na eꞌei puhi mala falehe ghau iara. Nu ka fatilo narane na God nake fakarha fapulo ghau iara kau glehe.”

Matiu 16:21

Funu ka narane tuana te haghe na mae Jisas ne funu cheke eghu ka nogna mae fanomhore, “Iara na tei Jerusalem. Hatimare mae biꞌodi mae Jiu nei hatimare mae pris ulu nei hatimare mae velepuhigna vetula nogna mae Moses mare ginauna na para ghau nei eꞌei puhi mala falehe ghau iara. Eghuteuna ka fatilo narane na God nake fakarha fapulo ghau iara kau glehe.”

Jone 2:19

Mae Jisas ne cheke eghu ka mare, “Jame paꞌe soru ghotilo Sugablahi igne na, iara ginauna ke babana fapulo ka fatilo narane na.”

Luku 18:33

Mare ginauna puri ghau iara ka phukri, nei falehe ghau iara. Nu ka fatilo narane na iara nake karha fapulo ka glehe.”

Nonomho Te Keli Teke Risoi Mae Mak 10:34

Naikno tuare ginauna maꞌe ghau, kmisu ghau, puri ghau ka phukri nei falehe ghau eghu iara. Eghuteuna ka fatilo narane na iara nake karha fapulo.”

Nonomho Te Keli Teke Risoi Mae Mak 8:31

Aonu mae Jisas ne funu farirhiudi nogna mae fanomhore ne cheke eghu ka mare, “Iara mae teke mei funu ka God na, mare ginauna na para ghau fara iara. Ginauna hatimare mae pris ulu, nei hatimare mae velepuhigna vetula nogna mae Moses, nei mae biꞌodi hatimare mae Jiu langau eghu na tirodi ghau iara. Mare ginauna na eꞌei puhi mala falehe ghau iara. Nu ka fatilo narane na God nake fakarha fapulo ghau iara kau glehe.”

Matiu 20:19

Mare ginauna snakre lao ghau iara ka khamedi hatimare mae te theome Jiu. Eghuteuna mae igre ginauna maꞌe ghau nei puri ghau ka phukri nei tupi juru ghau eghu iara kau gaju fafatha. Nu ka fatilo narane na, God nake fakarha fapulo ghau iara kau glehe.”

Matiu 17:23

Nu ka fatilo narane na iara ginauna nake kegra fapulo kau glehe.” Kate nomhini igne, mae fanomhore ne kafe diꞌanagnafadi fara.

Matiu 26:61

“Ghehati nomhini mae igne neke cheke eghu, ‘Iara tangomana te paꞌe soru nogna Sugablahi God igne, eghuteuna ke babana fapulo ke lamnadi thilo narane.’ ”

Fapea Korin 6:8

Keha naiknore ghatho tahu ghami, nu keha naiknore fapari ghami. Keha naiknore cheke fakeli ghami, nu keha naiknore cheke fadiꞌa ghami. Keha naiknore kilo ghami mae velepuhi chaichaghi, nu ghehati chekeni ngala unha te tutuani na.

Jone 7:12

Kmana naikno ne cheke pouporu eigna mae Jisas. Keha naiknore ne cheke eghu, “Mae igne kaisei mae keli fara puhigna na.” Keha naiknore ne cheke eghu, “Theo, mae igne magnahaghedi naiknore mala leghudi kolho nogna chaghi thegna re.”

Luku 23:2

Kate posa jare na, mare ne funu vuavuha cheke eigna mae Jisas. Mare ne cheke eghu ka mae Paelat, “Ghehati lasenihi puhigna mae igne, mana batu fadiꞌadi nei chaghidi naiknore mala thosei foli takis ka Sisa, king biꞌogna Rom. Mana jaola kiloni thegna ‘Kraes’, kaisei mae king biꞌo.”

Jone 7:47

Mae Farasi gre ne cheke eghu ka mare, “Tutuani fara, ghotilo la fatutuanidi hila nogna chaghi mana re.

Matiu 27:64

Ghehati magnahaghei nigho iagho te chekedi nou mae gloku ra mala reireghi fakeli gluma tuana ghilei thoke ka fatilo narane na. Nogna mae fanomhore jame mei blau thinigna mana na. Eghuteuna mare tangomana te chaghi te cheke eghu ka naiknore, ‘Mana kela karha fapulohi.’ Chaghi tuana na diꞌa fara uluni teke eni tifa ia.”

Matiu 28:6

Mana theome au agne. Mana kela kegra fapulohi glehe, jateula teke chekenihi mana ia eghu. Mei si ghopa filoni aheva teke au thinigna mana na.

Nonomho Te Keli Teke Risoi Mae Mak 9:31

Naugna mana neke farirhiudi nogna mae fanomhore ne cheke eghu ka mare, “Iara mae teke mei funu ka God gne ginauna mare na snakre lao ghau iara ka khamedi naiknore mala falehe ghau iara. Nu ka fatilo narane na iara ginauna nake kegra fapulo kau karha.”

Luku 18:31

Aonu mae Jisas ne hata fadelei nabotho phei nogna mae khurure ne cheke eghu ka mare, “Fanomho fakeli! Tahati na haghe Jerusalem. Ka namono tuana gobigna lepo teke cheke God ka hatimare mae profet ra, mare neke rioriso eigu iara mae teke mei funu ka God ra ginauna khale tutuani.