Matiu 27:60 - Buka Blahi Ka Cheke Holo

⁶⁰ Mana lilisei thinigna mae Jisas na ka nogna gluma majaghani thegna teke jou mare ka thina biꞌo na. Aonu ke leghu, mae Josep ne pili kaisei thina biꞌo mala fofotho gluma na ne tei nogna.

Matiu 27:60 ပူးပေါင်းရင်းမြစ်များ

Profet Isaia 53:9

Neuba mana ne theome eni kaisei najafra biꞌo, ba chekeni kaisei cheke te chaichaghi, nu mare faleheni mana baludi mae te diꞌare, eghuteuna giugilui baludi mae iheire te dedei.”

Matiu 28:2

Aonu, kaisei nakheu biꞌo ne nghali ne kheu tongana gobigna lepore ka vido tuana. Eghuteuna, nogna engel Lord na ne soru mei funu kligna ne tei ka gluma na, ne pili fadelei thina biꞌo teke fofothogna gluma na ne gnokro ke kligna thina.

Matiu 27:66

Aonu, mare ne kafe tei ka gluma na ne famane bibilakhi famaku thina biꞌo teke fofothogna gluma na mala theome tangomana kaisei naikno te mei blau thinigna mae Jisas. Eghuteuna mare ne lilisei keha mae soldia mala reireghi fakeli gluma na.

Jone 20:1

Ghagra pasa hamerane Sade, Meri gna Makidala jifla ne tei ka gluma aheva teke lilisei mare thinigna mae Jisas na. Kate thoke lao ka gluma na, naꞌa ne filoni thina biꞌo teke fofothogna gluma na la pili fadeleihi.

Luku 24:2

Rehati ne filoni thina biꞌo na la kulu pili fadeleihi ka foflogna gluma na.

Jenesis 50:5

‘King, kani karha nga teku mae kmagu iara na, mana neke tore ghau iara mala nhaꞌa cheke iara mala ke hata fapulo thinigna mana na mala ke tei giugilui ka gluma teke eni mana ka kantri Kenan. Eghume iara thofno tore nigho iagho king, mala snakre ghau iara mala tei giugilui iara mae kmagu gne ame ke pulo mei nga iara eghu.’ ”

Profet Isaia 22:16

‘Ghema Sebna! Iagho theo glosemu nei vikemu eghu agne. Naugna unha sagho te chekedi mae igre te jou kaisei khora lamna thina rhegna thogele ignea, eghuteuna tarabana kaisei vido mala giugilu nigho tagna? Mae ihei teke snakreni ka iagho te mala khotogna vido glose igne?

Matiu 27:59

Mae Josep hata thinigna mae Jisas na ne pipiha ka pohe vegha majaghani.

Jone 11:38

Mae Jisas ne posa ka gluma na ne thono diꞌanagnafagna fara. Gluma igne mare neke jou ka thina tataba, eghuteuna kaisei thina biꞌo teke fofothogna gluma tuana.

Jone 11:41

Aonu, mare ne pili fadelei thina biꞌo tuana. Eghuteuna mae Jisas ne filo haghe kligna ne cheke eghu, “Mama, iara cheke fakeli nigho iagho, naugna iagho neke nomhi ghauhi iara.

Jone 19:41

Ka vido aheva te tupijuruni mare mae Jisas na jare au kaisei nagare sisi. Ka nagare tuana au kaisei gluma majaghani te theome giugilui nga teu kaisei naikno tagna.