Matiu 27:46 - Buka Blahi Ka Cheke Holo

⁴⁶ Naba tanhi thiloi, mae Jisas ne eha eghu fabiꞌo, “Eli, Eli, lema sabakatani?” Gaoghathogna na, “Nogu God, nogu God, naugna unha sagho te tei koko ghau iara gnea?”

Matiu 27:46 ပူးပေါင်းရင်းမြစ်များ

Nodi Khoje Hatimare Mae Jiu 22:1

Nogu God, nogu God, naugna unha sagho te tei koko ghau iara gnea? Naugna unha sagho te tei au fakhaba ka iara te theome nomhidi nogu tharai iara grea?

Hibru 5:7

Kate au nga tekeu mae Jisas ka nauthoglu gne mana neke tarai balu tanhi fabiꞌo ka God Kmagna mae ihei tangomana te mala toghoni mana te mala theome lehe na. God neke nomhini nogna tharai mana na, naugna mae Jisas neke loku leghuni nagnafagna God na nei ghatho tahuni eghu mana.

Profet Isaia 53:10

Lord ne cheke eghu, “Nogu gaoghatho iara, te mala au papara nei lehe teu mae igne. Glehegna mae igne, kaisei fafara mala atha koko nakhibo, mala tangomana te filoni iheire nate karha mei ke leghugna manare. Nakarhagna mae igne ginauna brahu, eghuteuna naugna unha te edi mana re, nogu gaoghatho iara igne ginauna thoke mei tutuani.

Nonomho Te Keli Teke Risoi Mae Mak 15:34

Tanhi thiloi mae Jisas ne eha eghu fabiꞌo, “Eli, Eli, lema sabakatani?” Gaoghathogna na, “Nogu God, nogu God, naugna unha sagho te tei koko ghau iara gnea?”

Nodi Khoje Hatimare Mae Jiu 71:11

Mare ne cheke eghu, “Tore, God na la tei kokonihi mana! Ngolhi si tahati mala lolhoku! Theo kaisei mae te mala fakarhini mana na.”

Luku 23:46

Ka vido tuana, mae Jisas ne eha eghu fabiꞌo, “Mama, iara snakre ari ka iagho tharungagu na.” Ke leghugna igne mana ne lehe.

Lamentations 1:12

“Ghotilo te salaꞌu ka iara ra, papara biꞌo te thoke ghau iara igne glepo theo nafugna kolho ka ghotilo? Ka narane te diꞌatagna Lord na, iara para ghau fara. Theo kaisei papara te jateula te para ghau iara igne teuna!

Matiu 27:47

Keha naikno te kegra teu jare na ne nomhini igne ne cheke eghu, “Tore! Mana kiloni mae profet Elija!”