Matiu 27:45 - Buka Blahi Ka Cheke Holo

⁴⁵ Fari hotei naublatha, namono te gnafa ke lamnagna nauthoglu igne ne kafe romno funu tanhi nabotho phei thoke ka tanhi thiloi.

Matiu 27:45 ပူးပေါင်းရင်းမြစ်များ

Profet Emos 8:9

Igne nogna cheke Lord God na, “Ka narane tuana, iara ginauna chekeni naprai na mala plulu farihotei naublatha, eghuteuna nauthoglu igne ginauna romno soru kate agha teu narane na.

Profet Isaia 50:3

Eghuteuna iara tangomana te eni maloa gne mala ke romno soru, jateula kaisei mae te diꞌanagnafa fara te tanhini ihei te lehe ra eghu.”

Thakle 9:2

Kate tothora mana glave te mamhara igne, gagahu biꞌo na ne jifla mei ka glave na jateula gagahu khaꞌaghi te biꞌo fara neu. Eghuteuna gagahu te jifla mei ka glave na igne ne toku tafruni naphaegna naprai na ne romno fara maloa na.

Nonomho Te Keli Teke Risoi Mae Mak 15:25

Tanhi nhevai hamerane mare ne tupijuruni mae Jisas.

Thakle 8:12

Aonu fafati engel na ne ifu nogna khufli na. Eghuteuna kaisei vido biꞌo ka naprai na nei kaisei vido biꞌo ka glaba na eghu ne kafe blalho. Eghuteuna fatilodi nathunure jaola ne blalho. Eghume kaisei vido biꞌo ka narane na ne theome phae, eghuteuna kaisei vido biꞌo ka bongi na ne jaola.

Jone 19:14

Ka vido tuana la namo naublathahi, eghuteuna nodi narane te mala tarabana eigna nodi Gaghamu Ghasa-polho mae Jiu gre. Mae Paelat ne cheke eghu ka mare, “Filo si ghotilo, igne nomi mae king ghotilo na.”

Mae Khuru 3:1

Kaisei narane, tanhi thiloi fei grafi, mae Pita ghe mae Jone ne tei ka Sugablahi na mala tarai. Igne nodi vido narane mala tarai hatimare mae Jiu.