Matiu 27:42 - Buka Blahi Ka Cheke Holo

⁴² ne cheke eghu, “Tore! Mana fakarhidi keha naiknore, nu theome tangomana te fakarhini thegna na! Eghume mana noda king tahati mae Israel. Te king tutuani mana na, lisani mala soru mei ka gaju fafatha na gognarola, eghuteuna tahati ginauna laseni te mae Kraes tutuani mana na.

Matiu 27:42 ပူးပေါင်းရင်းမြစ်များ

Jone 1:49

Mae Natanel ne cheke eghu ka mana, “Mae velepuhi, iagho thofno Thugna God! Iagho nodi King hatimare mae Israel!”

Matiu 27:37

Mare lilisei fagaglana ke kligna pha'ugna mae Jisas ka gaju fafatha na balu fathoro teke edi mare ka mana. Mare ne rioriso cheke igre: “JISAS NODI KING HATIMARE MAE JIU.”

Mae Khuru 4:14

Eghuteuna kate filoni mare mae teke la keli fapulo igne, mana kegra baludi phiamare, mare theome tangomana te chekeni kaisei glepo na.

Jone 12:47

“Ihei te nomhidi nogu cheke iara igre, eghuteuna theome leghudi nei theome fatutuani ghau iara teuna, iara na theome fateni mana. Naugna iara theome mei mala fatedi naikno te au ka nauthoglu igne, nu mei mala fakarhidi naikno te au ka nauthoglu igne.

Jone 12:13

Eghume, mare ne tei pulei grege thubo mala tei thafoni mana ka nabrou na. Aonu, mare ne gleale'a fara kate filoni te mei mae Jisas na ne thagru eghu fabiꞌo, “Hosanna! Kilo fnaknoni God!” “God fablahini mana te mei ka nanghagna Lord!” “God fablahini nodi King mae Israel!”

Jone 9:24

Hatimare ne fapea kilo meini mae teke dofu tifa na ne cheke eghu ka mana, “Ghema, iagho mei agne mala nhaꞌa cheke ke ulugna God, mala chekeni iagho unha te tutuani na! Ghehati laseni mae te fakelidi phei tathamu iagho gre mana kaisei mae diꞌa fara puhigna na.”

Luku 19:38

Hatimare ne cheke eghu: “God, fablahini mae funei igne! Mana te mei ka nanghagna Lord God!” “Pharikeli nei siasiglagna nogna nolaghi biꞌo God te au ka maloa kligna!”

Matiu 2:2

Mare ne ghusna eghu, “Ne karha aheva si mae sua nalhaꞌu te mala nomi mae King ghotilo mae Jiu grea? Ghehati ne filoni nogna nathunu mana te haghe ke maghati. Eghume, ghehati mei mala pogho soru ranghini mana.”

Matiu 27:40

“Ghema, iagho mae teke chekeni iagho tangomana te paꞌe soru Sugablahi na, eghuteuna ke babana fapulo ke lamnadi thilo narane teku ia. Jame te Thugna God tutuani iagho na fakarhi nigho themu soru mei ka gaju fafatha na!”

Matiu 27:41

Hatimare mae pris ulu nei hatimare mae velepuhigna vetula nogna mae Moses nei hatimare mae biꞌo teu igre jaola ne maꞌeni Jisas,

Nonomho Te Keli Teke Risoi Mae Mak 15:31

Hatimare mae pris ulu nei hatimare mae velepuhigna vetula nogna mae Moses teu igre ne aula neu jare. Mare jaola ne maꞌeni mae Jisas ne cheke eghu fari thedi, “Tore! Mana fakarhidi keha naiknore kolho, nu mana theome tangomana te fakarhini thegna na!

Nonomho Te Keli Teke Risoi Mae Mak 15:32

Lisa laoni mae Kraes nodi King mae Israel ana, mala soru mei ka gaju fafatha na gognarogne. Jame te filoni tahati igne na, tahati ginauna na fatutuani ni mana!” Keha phia mae teke blau te tupijuru balugna mana re ne jaola ne cheke faparini mana.

Luku 23:35

Naiknore kegra jare filo neu. Nodi mae biꞌo hatimare mae Jiu gre ne maꞌeni mae Jisas ne cheke eghu, “Tore, mae igne fakarhidi keha naiknore. Te mana tutuani mae Kraes teke vavahi God na, lisa laoni mala fakarhini mana thegna.”

Luku 23:37

Aonu mare ne cheke eghu ka mana, “Te nodi mae funei mae Jiu gre teu iagho na, iagho fakarhi nigho themu!”