Matiu 27:41 - Buka Blahi Ka Cheke Holo

⁴¹ Hatimare mae pris ulu nei hatimare mae velepuhigna vetula nogna mae Moses nei hatimare mae biꞌo teu igre jaola ne maꞌeni Jisas,

Matiu 27:41 ပူးပေါင်းရင်းမြစ်များ

Nodi Khoje Hatimare Mae Jiu 35:26

Iheire te glealeꞌa kate filoni te diꞌanagnafa iara na, te keli na iagho famamajadi nei faꞌihodi eghu mare. Tapla sorudi sagho mae iheire ne au doglohi thedi ke ulugu iara teu are mala mamaja nodi kolho mare.

Luku 23:35

Naiknore kegra jare filo neu. Nodi mae biꞌo hatimare mae Jiu gre ne maꞌeni mae Jisas ne cheke eghu, “Tore, mae igne fakarhidi keha naiknore. Te mana tutuani mae Kraes teke vavahi God na, lisa laoni mala fakarhini mana thegna.”

Luku 22:52

Mae iheire te mei lokini mae Jisas igre neke hatimare mae pris ulu, hatimare mae soldia te mala reireghi gna Sugablahi na nei keha mae biꞌo langau eghu. Mae Jisas ne cheke eghu ka mare, “Ba, ghotilo ne mae blau iara eghu gaoghathomi na mei agne mala loki ghau iara balu naflahi nei nanala eghu sia?

Luku 18:32

Eghuteuna mare ginauna na snakre lao ghau iara ka khamedi naikno te theome mae Jiu. Mare ginauna na maꞌe ghau iara, cheke fadiꞌa ghau iara, nei kmisu ghau iara.

Profet Sekaraea 11:8

Keha thilo mae sipu mala reireghi sipu te loku fodu ghehati igre theome magnahaghei ghau iara, thilo mare theome keli ranghi ghau iara ghilei babaꞌo iara ka thilo mare. Naugna igne, ke lamnagna kaisei nhigra iara ngholhi fajifladi thilo mare.

Profet Isaia 49:7

Lord, God te Blahi mae ihei te fakarhini Israel. Mana cheke ka ihei te tirodini fara naiknore nei nogna mae gloku mae ihei te mala funei fruni. Lord ne cheke eghu, “Hatimare mae king ginauna filo nigho eghuteuna kegra haghe mala fafnakno nigho. Mae biꞌore ginauna jaola pogho soru mala kilo fnakno nigho. Glepo igre ginauna thoke mei, naugna Lord nodi God te Blahi mae Israel igne, theome huhughuni nogna nhaꞌa cheke na, eghuteuna mana vahi nighohi te mala nogna mae gloku na.”

Profet Isaia 28:22

Gognarona ghotilo thosei cheke faparini nogu cheke iara igne, te theo ghotilo na naꞌau papara malami ghotilo teku igne. Eghuteuna ginauna na thono diꞌa fara ka unha Lord mae ihei te au nolaghi fateote'o igne tela chekehi te mala goigonidi vido te gnafa ka noda namono tahati igne.

Thoutonu Eigna Mae Job 13:9

Ba, jame filo fakeli God ka ghotilo meuna, ghotilo thilo mae igre gaoghathomi na ghotilo keliu kolho? Ba, ghotilo thilo mae igre gaoghathomi na ghotilo tangomana te chaghi ka mana, jateula ghotilo te chaghidi keha naiknore eghu?

Matiu 27:40

“Ghema, iagho mae teke chekeni iagho tangomana te paꞌe soru Sugablahi na, eghuteuna ke babana fapulo ke lamnadi thilo narane teku ia. Jame te Thugna God tutuani iagho na fakarhi nigho themu soru mei ka gaju fafatha na!”

Matiu 27:42

ne cheke eghu, “Tore! Mana fakarhidi keha naiknore, nu theome tangomana te fakarhini thegna na! Eghume mana noda king tahati mae Israel. Te king tutuani mana na, lisani mala soru mei ka gaju fafatha na gognarola, eghuteuna tahati ginauna laseni te mae Kraes tutuani mana na.