Matiu 27:26 - Buka Blahi Ka Cheke Holo

²⁶ Mae Paelat ne leghuni unha te toreni naiknore ne snakre fajiflani mae Barabas. Mae Paelat ne chekedi keha nogna mae soldia mala purini mae Jisas ka phukri. Aonu mana ne snakreni mae Jisas ka mae soldiare mala tei tupijuruni mana ka gaju fafatha.

Matiu 27:26 ပူးပေါင်းရင်းမြစ်များ

Profet Isaia 53:5

Nu theo eghu, mare neke faleheni mana eidi nakhiboda tahati re, eghuteuna mare parani mana eidi puhida tahati te diꞌa gre. Mana kabru ka naꞌau papara igne, naugna igne tahati au ka pharikeli. Eghuteuna ka nafneragna mana igre, tahati ke keli fapulo.

Jone 19:1

Aonu, mae Paelat ne chekedi nogna mae soldiare mala purini mae Jisas.

Nonomho Te Keli Teke Risoi Mae Mak 15:15

Mae Paelat magnahaghei te keli tadi naiknore ne hata fajiflani mae Barabas. Eghuteuna mae Paelat ne chekedi mae soldiare mala purini mae Jisas. Aonu mae Paelat ne snakre laoni mae Jisas mala tupijuru ka gaju fafatha.

Luku 23:16

Eghume iara na chekedi mae soldia ra mala purini mana, eghuteuna iara ginauna na snakreni mana mala tei nogna.”

Profet Isaia 50:6

Kate mei mare te purini thagrugu iara na, iara ke figri lao bakoguna mala tungnu mare gremohogure. Iara theome lhotidi tathagu nei foflogu teure, mala kmisudi mare.

Ululahu Pita 2:24

Kate haghe te mala lehe ka gaju fafatha na, mae Kraes neke pala nakhibodare ka thinigna na. Mana neke eni igne mala tangomana tahati te lilisei ke leghuda puhigna nakhibo na nei tangomana leghuni u puhi te doglo ke ulugna God. Naugna ka nafneragna mana na, mana neke fakeli fapulo ghita.

Nonomho Te Keli Teke Risoi Mae Mak 10:34

Naikno tuare ginauna maꞌe ghau, kmisu ghau, puri ghau ka phukri nei falehe ghau eghu iara. Eghuteuna ka fatilo narane na iara nake karha fapulo.”

Matiu 20:19

Mare ginauna snakre lao ghau iara ka khamedi hatimare mae te theome Jiu. Eghuteuna mae igre ginauna maꞌe ghau nei puri ghau ka phukri nei tupi juru ghau eghu iara kau gaju fafatha. Nu ka fatilo narane na, God nake fakarha fapulo ghau iara kau glehe.”

Jone 19:16

Aonu, mae Paelat ne snakreni mae Jisas ka mare mala tupijuruni mana kau gaju fafatha. Mae soldiare ne hatani mae Jisas ne tei.