Matiu 27:22 - Buka Blahi Ka Cheke Holo

²² Mae Paelat neke ghusna eghu, “Unha nate eni iara ranghini mae Jisas te kiloi mae Kraes igne?” Mare ne kafe thagru fabiꞌo, “Tupijuruni ka gaju fafatha!”

Matiu 27:22 ပူးပေါင်းရင်းမြစ်များ

Mae Khuru 13:38

“Uve, kheraguro, iara magnahaghei ghami ghotilo te lase fakelini unha te chekeni ghehati ka ghotilo eigna mae Jisas igne. God tangomana te hata fadeleidi nakhibomi ghotilo re ka mae Jisas ngala. Eghuteuna mae ihei te fatutuani ni mae Jisas na, mana ginauna doglo fara ke ulugna God. Eghuteuna God ginauna hata fadeleidi nakhibogna mana re mala snagla mana. Uve, God theome hata fadeleidi nakhibognare mala snagla mana kate leghuni kolho nogna vetula mae Moses na.

Profet Isaia 49:7

Lord, God te Blahi mae ihei te fakarhini Israel. Mana cheke ka ihei te tirodini fara naiknore nei nogna mae gloku mae ihei te mala funei fruni. Lord ne cheke eghu, “Hatimare mae king ginauna filo nigho eghuteuna kegra haghe mala fafnakno nigho. Mae biꞌore ginauna jaola pogho soru mala kilo fnakno nigho. Glepo igre ginauna thoke mei, naugna Lord nodi God te Blahi mae Israel igne, theome huhughuni nogna nhaꞌa cheke na, eghuteuna mana vahi nighohi te mala nogna mae gloku na.”

Nonomho Te Keli Teke Risoi Mae Mak 14:55

Hatimare mae pris ulu nei hatimare mae tothoghei fate teure ne fariuriu hirodi keha glepo teke edi fadiꞌa mae Jisas re mala tangomana mare te faleheni mana na. Nu mare ne theome filoni kaisei glepo te mala faleheni mana na.

Matiu 27:17

Naiknore ne kafe khapru mei ke kosi suga mae Paelat. Aonu mae Paelat ne ghusna eghu, “Mae ihei ka phei mae igre te magnahagheni ghotilo te mala snakre fajiflani iara tami na? Mae Barabas ba Jisas te kiloi mae Kraes?”

Matiu 1:16

mae Jekop na neke kmagna mae Josep khetogna Meri, idogna mae Jisas mae te kiloni Kraes.

Profet Sekaraea 11:8

Keha thilo mae sipu mala reireghi sipu te loku fodu ghehati igre theome magnahaghei ghau iara, thilo mare theome keli ranghi ghau iara ghilei babaꞌo iara ka thilo mare. Naugna igne, ke lamnagna kaisei nhigra iara ngholhi fajifladi thilo mare.

Thoutonu Eigna Mae Job 31:31

Nogu mae gloku iara igre lasenihi te leuleghu fata na mare te gnafa na ghamu fakeli ka nogu suga tapuale iara na.

Matiu 27:21

Mae Paelat ne ghusna eghu ka naiknore, “Mae ihei ka phei mae igre te magnahagheni ghotilo te mala snakre fajiflani iara tami na?” Naiknore ne eha eghu fapulo ka mana, “Mae Barabas!”

Matiu 27:23

Mae Paelat neke ghusna eghui ka mare, “Naugna unha te mala faleheni iara mae igne? Unha najafra biꞌo teke eni mana na?” Mare ne kafe thagru eghu fabiꞌo fara, “Tupijuruni ka gaju fafatha!”

Jone 4:25

Gaꞌase na ne cheke eghu ka mae Jisas, “Iara laseni mae fakarhai te kiloni mae Kraes na na mei. Kate mei mae Kraes na mana ginauna famane rurutha ranghi ghita tahati gobigna lepore.”

Mae Khuru 13:28

Neubane theome filoni mare kaisei nafugna te mala fate faleheni mae Jisas na, mare ne toreni mae Paelat mala faleheni mana.