Matiu 27:19 - Buka Blahi Ka Cheke Holo

¹⁹ Mae Paelat chekedi glepo igre kate gnokro mana ka sape fate na. Kate gnokro mae Paelat te fateni mae Jisas na, khetogna gavana igne ne famei kaisei nonomho. Nonomho igne cheke eghu, “Thosei eni kaisei glepo ranghini thau te theo kaisei nakhibogna tuana. Naugna ginei iara ne mifi eigna naꞌa ne theome thuru fakeli nogu.”

Matiu 27:19 ပူးပေါင်းရင်းမြစ်များ

Matiu 27:24

Mae Paelat laseni mana theome tangomana te eni kaisei glepo eigna igne. Naugna magra na la fufunuhi, mana hata keha khoꞌu ne titihi khame ke uludi naiknore. Aonu mana ne cheke eghu, “Iara theo kaisei nakhibogu ka glehegna mae te doglo igne! Nu nakhibomi ghotilo themi te eni na!”

Ululahu Pita 2:22

“Mana neke theome eni kaisei nakhibo, eghuteuna theo kaisei cheke chaichaghi te jifla mei ka foflogna na.”

Jone 19:13

Mae Paelat nomhidi unha te chekedi mae Jiu igre ne atha fajiflani mae Jisas ke kosi suga. Mae Paelat ne gnokro ka sape mala fate te kiloi “Thabasoa” na, ka cheke Hibru na “Gabatha”.

Luku 23:47

Mae pha'u mae di hatimare mae soldia di Rom kegra neu jare ne filoni unha te eni igne. Mana ne kilo fnaknoni God, ne cheke eghu, “Tuani fara, mae igne kaisei mae doglo fara!”

Proveb 29:1

Mae ihei te patugama fabrahu neuba mare ne cheke faheta kmana fata tagna, mae tuana ginauna parani fara, eghuteuna theo kaisei glepo nate toghoni mana na.

Ululahu Jone 2:1

Uve thuguro, iara riso ari letas igne ka ghotilo mala thosei tapla jafra ka nakhibo. Nu jame ihei te tapla jafra ka nakhibo na, tahati au mae Jisas Kraes kaisei mae te doglo fara mala togho ghita. Mana mala tore ghita ke ulugna God Mama.

Matiu 27:4

Mae Judas ne cheke eghu ka mare, “Iara la jafrahi, naugna iara ne majorani mae te theo kaisei nakhibogna na ka glehe.” Mare ne cheke eghu ka mana, “Tuana nou puhi iagho themu kolho, theome nomi puhi ghehati.”

Matiu 2:22

Kate nomhini mana mae Akelaus teke mae King Judia tughuni mae kmagna Herod teke lehe na, mae Josep ne mhaghu te tei au jare. Aonu, ke leghugna te cheke God ranghini mae Josep kau mifi na, retilo neke tei ka namono Nasaret te au ke lamnagna Provins Galili. Igne ne horoghoto fara ka unha teke cheke eghu hatimare mae profet tifa eigna mae Kraes ia, “Mare na kiloni mana mae gna Nasaret.”

Matiu 2:19

Ke leghugna te lehe mae Herod na, kaisei engel nogna Lord ne thakle ranghini mae Josep kau mifi na ka namono biꞌo Ijep,

Matiu 1:20

Kate ghathoni teu mana igne, mana ne mifi. Aonu kaisei engel nogna Lord ne thakle ka mana, ne cheke eghu, “Ghema Josep, iagho mae vikegna mae Devet, thosei mhaghu te hata khetomu Meri ana naugna u sua na neke au mei kau nogna nolaghi mae Tharunga te Blahi.

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Profet Isaia 53:11

Ke leghugna te au papara na, mana ginauna nake gleale'au, naugna mana laseni la mana theome fiti au papara kolho. Puhigna nogu mae gloku iara igne thofno doglo fara, mana ginauna toghodi kmana naikno mala jaola doglo, eghuteuna mana au papara eidi nakhibodi naiknore.

Naba 12:6

Aonu Lord ne cheke eghu ka repa, “Ghopa fanomho fakeli ka nogu cheke iara gre! “Ne au nga kaisei mae profet balumi ghotilo nu, iara ginauna mei ka nogna mifi mana re, eghuteuna iara ginauna facheke balugna ka nogna mifi mana tuare.

Jenesis 31:29

Iara jame neke fadiꞌa ghami ghotilo, nu bongi na God mae ihei te tufru soruni mae kmamu iagho na neke cheke eghu ka iara, ‘Fiofilo nighoi! Thosei eni kaisei glepo mala mhaghu mae Jekop.’

Jenesis 31:24

Ka bongi tuana mae Laban ne mifi, eghuteuna God ne thakle ka mana ne cheke eghu, “Ghema Laban, iagho thosei chekeni kaisei cheke, na eghu nu cheke faheta fara iagho ka mana eghu.”

Luku 23:41

Tapa nabada te mala lehe na. Lehe tughudi unha puhi te diꞌa teke edi theda tifa ra. Nu mae igne theo kaisei nakhibogna.”

Jenesis 31:11

Ka mifi igne, nogna engel God na ne cheke eghu ka iara, ‘Jekop!’ Iara ne cheke eghu, ‘Hoe.’

Matiu 27:18

Mae Paelat kulu lasenihi hatimare mae pris ulu nei hatimare mae biꞌo te hatani mae Jisas te mei ka mana na, naugna mare goghotuni mae Jisas.

Mae Khuru 12:21

Kau narane tuthuana na mae Herod ne fahaghe phoko funei na, ne gnokro soru ka sape nafnakno na ne cheke ranghidi naiknore.

Mae Khuru 18:12

Ka finogha te Primia mae Galio ka Provins Akaia, goro mae biꞌo Jiure khapru ne lokini mae Pol ne hatani mana ka fate.

Mae Khuru 18:16

Aonu mae Galio ne brue fajifladi mare ka suga mala fate na.

Mae Khuru 18:17

Naiknore lokini mae Sostinis mae biꞌogna suga tharai na ne purini mana ke ulugna suga mala fate na. Nu mae Galio ne tirogna nangani kolho u puhi te eni mare igne.

Mae Khuru 25:6

Ke leghugna te au Jerusalem nhanai ba nabotho narane baludi mare na, mae Festas neke pulo Sisaria. Ka keha narane na, mana ne gnokro ka vido mala fate na, eghuteuna chekedi keha mae soldia mala hata meini mae Pol.

Mae Khuru 25:10

Mae Pol ne cheke eghu ka mana, “Theo! Iara gognaro na kegra ke ulumu iagho agne ka nogna fate mae funei biꞌogna Rom. Eghume igne ngala namono nabami ghotilo te mala fate ghau iara na! Iagho laseni igne eigna iara theome eni kaisei najafra ranghidi hatimare mae Jiu.

Mae Khuru 25:17

Kate mei mae Jiu gre agne na, iara ne theome ofo, nu ka keha narane na iara ne gnokro ka sape mala fate na ne kilodi keha mae soldia mala hata meini mana ka chogho mala fate na.