Matiu 27:16 - Buka Blahi Ka Cheke Holo

¹⁶ Ka narane tuana kaisei mae ihei teke eni puhi te thono diꞌa fara na au jare ka suga sosolo. Nanghagna na mae Barabas. Kmana naikno laseni puhigna mana na.

Matiu 27:16 ပူးပေါင်းရင်းမြစ်များ

Nonomho Te Keli Teke Risoi Mae Mak 15:7

Kaisei mae, nanghagna na Barabas, mana au ka suga sosolo baludi iheire teke falehe naikno kau magra teke eni mare ranghini gavman.

Letas Teke Riso Tei Mae Pol Ka Khiloau Rom 1:32

Mare lasenihi nogna vetula God na la cheke eidihi iheire te edi glepo igre, mare nabadi na mala lehe kolho. Neuba, naiknore heta ghedi fara ka puhi te diꞌare, nei jaola keli tadi ka keha naikno te edila puhi te diꞌare.

Mae Khuru 3:14

Tutuani, mana kaisei mae blahi nei doglo eghu, nu te chekeni ghotilo na ghotilo theome magnahagheni mana. Nu ghotilo toreni mae Paelat mala snakre ranghi ghau mae Barabas, kaisei mae te diꞌa teke falehe naikno ia.

Jone 18:40

Mare ne cheke tughu balu eha fabiꞌo, “Theo! Theome mae igne! Ghehati magnahagheni mae Barabas!” Mae Barabas gne kaisei mae neke blau nei aknu poru eghu.

Luku 23:25

Mae Paelat ne hata fajifla ka mare mae Barabas te au ka suga sosolo na. Eghuteuna mana ne lisa laoni mae Jisas ka mare mala leghuni unha te magnahagheni mare na.

Matiu 27:15

Leuleghu finogha ka narane Gaghamu Ghasa-Polho na, mae gavana tangomana te snakre fajiflani kaisei mae sosolo. Ihei te toreni hatimare mae Jiu ka mae gavana igne ngala te snakre fajiflani na.

Matiu 27:17

Naiknore ne kafe khapru mei ke kosi suga mae Paelat. Aonu mae Paelat ne ghusna eghu, “Mae ihei ka phei mae igre te magnahagheni ghotilo te mala snakre fajiflani iara tami na? Mae Barabas ba Jisas te kiloi mae Kraes?”

Letas Teke Riso Tei Mae Pol Ka Khiloau Rom 16:7

Eghuteuna ghotilo kubaedi mae Adronika ghe mae Junia, eigna phiamare mae Jiu, jateula iara eghu, eghuteuna phiamare neke au balugu iara ka suga sosolo. Hatimare mae khuru filo faꞌuludi phiamare ke lamnadi mae khuru, eghuteuna phiamare neke kulu fatutuani ni Kraes ke ulugu iara.