Matiu 27:14 - Buka Blahi Ka Cheke Holo

¹⁴ Nu mae Jisas ne theome cheke tughu ka mae Paelat. Aonu, mae Paelat ne jaglo nogna fara ka igne.

Matiu 27:14 ပူးပေါင်းရင်းမြစ်များ

Profet Isaia 8:18

Tore! Ghotilo fanomho fakeli! Lord mae ihei te au nolaghi fateote'o igne mana au ka Thogele Saion, eghuteuna mana noda king tahati. Iara au agne baludi goro sua teke tusu mei Lord ka iara igre, eghuteuna mana vahi ghami ghehati mala jateula kaisei fagaglana eghu mala tangomana ghotilo naiknomi Israel ra te filoni na.

Ululahu Korin 4:9

Nu gaoghathogu iara na, God lilisei ghami ghehati mae khuru gre leghu lahu. Ghehati jateula mae sosolo tela fate ghamihi mare te mala lehe ra eghu. Ghehati kegra ke uludi engel nei naiknogna nauthoglu gne eghu ka puhimi ghehati re.

Profet Sekaraea 3:8

“ ‘Pris biꞌo Josua, famane fanomho mei ka iara. Eghuteuna ghotilo keha pris te loku ke parigna nogna nolaghi mana ra, ghotilo jaola mala famane fanomho mei ka iara. Ghotilo te gnafa na mala jateula fagaglanadi eghu famane glepo nate thoke mei thogheiro. Nogu mae gloku iara nanghagna Grege igne, iara ginauna falalase ka ghotilo.

Nodi Khoje Hatimare Mae Jiu 71:7

Leuleghu fata na nakarhagu iara gne ngala kaisei te mala filo leghuni naiknore, naugna iagho ngala nogu vido keli te mala poru iara na.

Matiu 26:63

Nu mae Jisas ne theome cheke. Aonu mae pris biꞌo na ne cheke eghu, “Gognarona iagho nhaꞌa cheke ka ghehati. Iara magnahaghei nigho iagho ka nanghagna God te karha, cheke kate tutuani ka ghehati. Iagho ngala si mae Kraes Thugna God na ia?”

Matiu 27:12

Mae Jisas ne theome cheke tughu ka nodi fathoro hatimare mae pris ulu nei hatimare goro mae biꞌo.

Matiu 27:13

Aonu mae Paelat ne cheke eghu ka mana, “Theome nomhidi sagho puhi kmana te fathoro nigho naikno igrea ghema?”

Nonomho Te Keli Teke Risoi Mae Mak 15:5

Nu mae Jisas ne theome ghagrini kaisei cheke. Aonu mae Paelat ne jaglo nogna fara ka igne.

Luku 23:9

Mae Herod ne ghusnani mae Jisas kmana ghusna. Nu mae Jisas ne theome cheke tughu ka mae Herod.

Jone 19:9

Aonu, mana neke ruma lamna suga ne ghusna eghu ka mae Jisas, “Iagho neke mei funumu aheva sia?” Mae Jisas ne theome cheke tughu ka mana.