Matiu 27:1 - Buka Blahi Ka Cheke Holo

¹ Hamerane boibongi, hatimare mae pris ulu nei hatimare mae biꞌo teu igre ne kafe roghe mala faleheni mae Jisas.

Matiu 27:1 ပူးပေါင်းရင်းမြစ်များ

Nonomho Te Keli Teke Risoi Mae Mak 15:1

Hamerane boibongi hatimare mae pris ulu, hatimare mae velepuhigna vetula nogna mae Moses nei hatimare goro mae biꞌo nei hatimare mae tothoghei fate eghure ne rogheni unha nate eni ka mae Jisas na. Aonu hatimare haru fodu phia khamegna mae Jisas re ne hata ne tei snakre lao ka mae Paelat.

Jone 18:28

Aonu, hamerane boibongi, hatimare mae Jiu hatani mae Jisas funu ka sugagna mae Kaefas na ne tei ka sugagna mae Paelat mae gavana gna Rom. Eghuteuna, goro mae biꞌodi hatimare mae Jiu ne theome ruma lamna ka suga na. Naugna mare magnahaghei blahi teu te ghilei thokei narane Gaghamu Ghasa-Polho na.

Luku 22:66

Hamerane ghagra pasa, hatimare goro mae biꞌo, nei hatimare mae pris ulu, nei hatimare mae velepuhigna vetula nogna mae Moses eghu igre ne salofodu mei. Eghuteuna mare hatani mae Jisas ne mei fakegrani mana ke uludi mare kau vido te mala fate na.

Profet Maeka 2:1

Kokhoni ghami fara ghotilo iheire te edi unha gaoghatho te diꞌa kate thuru teu ka sape na! Eghuteuna hamerane na, ghotilo edi fabrahu nomi gaoghatho te diꞌa tuare, theo kaisei naikno te lhoti ghami ghotilo na.

Nodi Khoje Hatimare Mae Jiu 2:2

Neubane eghu ngau, hatimare mae king ka nauthoglu igne ne tarabana mala magra neu. Hatimare mae funei hironi kaisei nabrou te mala tapla sorudi Lord ghe nogna king.

Matiu 23:13

“Puhi biꞌo ka ghotilo mae Farasi nei mae velepuhigna vetula nogna mae Moses teu igre! Ghotilo chaghi fara! Naugna ghotilo fanagra nabrou te mala tei ka God na. Ghotilo themi na tiromi ruma eghuteuna ghotilo fanagradi naikno te magnahaghe ruma fari hoteidi naikno te funei frunidi God re.

Mae Khuru 5:21

Kate nomhini igne, mare ne leghuni cheke igne ne tei ka Sugablahi na. Hamerane boibongi mare ne funu toutonu ranghidi naiknore. Mae pris biꞌo na nei nogna tothoghei na theome laseni te jifla mae khurure. Aonu mare ne kilo fodudi goro mae biꞌodi Israel re mala eni kaisei faidu biꞌo ka hatimare mae mala fate. Mare jaola ne chekedi keha mae pulis mala tei hata meidi hatimare mae khuru ke uludi mae mala fate.

Ululahu Samuel 19:11

Ka bongi igne, king ne kurudi keha mae mala tei ka sugagna mae Devet na mala tei faleheni mana hamerane ka keha narane na. Nu Mikal, khetogna mae Devet igne ne cheke eghu ka mana, “Jame te theome jifla iagho agne ginau bongi na, iagho ginauna lehe ka mare hamerane na.”

Jajis 16:2

Kate nomhini maedi Gasa igre te au teu Samson ka namono igne, mare kafe mei ne ofo neu ka grengathagna gringnigna namono na mala faleheni mana. Eghuteuna ka bongi igne, mare ne cheke eghu fari thedi, “Tahati ginauna ofou ghilei ghagra pasa, eghuteuna tahati ginauna faleheni mana.”

Nodi Khoje Hatimare Mae Jiu 31:13

Iara nomhidi kmana mae naoka hatimare buiburi ghau iara. Eghuteuna ka vido aheva te tei salaꞌu iara na mare famamhagu ghau iara fara. Mae iheire te magnahaghei tapla soru ghau iara re, mare hiro phoge mala falehe ghau iara.

Nodi Khoje Hatimare Mae Jiu 71:10

Nogu naoka iara gre ei puhi ranghi ghau iara. Mare magnahaghei te falehe ghau iara.

Luku 13:1

Ka narane tuana keha naikno au neu jare balugna mae Jisas. Mare ne toutonu ka mana eidi keha naiknodi ka Provins Galili teke falelehe mae Pontius Paelat ka narane teke fafara mare ka God.