Matiu 26:73 - Buka Blahi Ka Cheke Holo

⁷³ Kaisei vido ikoi ke leghugna igne keha naikno kegra teu jare na ne tei ka mae Pita, ne cheke eghu ka mana, “Tutuani fara, iagho kaisei maemu Galili baludi mae te leghuni mae Jisas igre, naugna ghehati lase nigho iagho ka naogladi nafnata facheke te edi iagho igre.”

Matiu 26:73 ပူးပေါင်းရင်းမြစ်များ

Jajis 12:6

aonu mare na cheke eghu ka mana, “Iagho na cheke eghu, ‘Shibolet.’ ” Nu jame te cheke eghu mana na, “Sibolet” mare na lokini faleheni mae igne. Mare eni igne naugna mare laseni vikegna Efrem igne theome cheke fadoglo, “Shibolet.” Eghuteuna ka narane tuare, mare ne aknu falehe phiatutu phei thogha mae ka vikegna Efrem.

Nehemaea 13:24

Eghuteuna keha thudi mare igre theome lase cheke ka chekegna Juda. Keha ka mare cheke ka chekegna Asdod, eghuteuna keha ka mare cheke ka keha nafnata chekei.

Matiu 26:72

Ka vido tuana mae Pita chaghi ne cheke eghu balu baubahu, “Iara theome laseni mae Jisas!”

Matiu 26:74

Mae Pita ne funu tibri balu naghoni thegna, ne cheke eghu, “Tutuani fara kligna ka God! Te chaghi iara na God ginauna fate ghau iara! Iara theome laseni mae igne!” Theome raugha ke leghugna te cheke teu mae Pita igne, kaisei khokorako ne taitanhi.

Nonomho Te Keli Teke Risoi Mae Mak 14:70

Mae Pita ne cheke eghu, “Theo, iara theome laseni mae tuana.” Katha vido ikoi ke leghugna igne, keha naikno te kegra teu jare ka vido tuana na ne cheke eghu ka mae Pita, “Uve, tutuani fara, iagho kaisei mae baludi mae igre, naugna iagho maemu Galili.”

Mae Khuru 2:7

Naiknore ne thono jaglo nodi fara ne cheke eghu, “Tore, mae te cheke teu igre, maedi Galili kolho!