Matiu 26:55 - Buka Blahi Ka Cheke Holo

⁵⁵ Mae Jisas ne cheke eghu ka naiknore, “Ba, ne mae blau iara eghu mei balu naflahi nei nanala eghu mala mei loki ghau iara si ghotilo ia? Leuleghu narane iara gnokro farirhiudi koba naiknore ke lamna Sugablahi, nu ghotilo theome mei loki ghau ngala iara jare.

Matiu 26:55 ပူးပေါင်းရင်းမြစ်များ

Jone 8:2

Hamerane boibongi ka keha narane na, mae Jisas neke pulo Jerusalem ne ruma ka Sugablahi na. Ka narane tuana, kmana naikno filoni mana ne mei khapru faligohoni mana. Eghuteuna mana gnokro soru ne toutonu ranghidi Nonomho te Keli na.

Nonomho Te Keli Teke Risoi Mae Mak 12:35

Kate farirhiu mae Jisas ke lamnagna Sugablahi na, mana ne ghusna eghu ka naiknore, “Naugna unha si mae velepuhigna vetula nogna mae Moses gre te chekeni mae Kraes na ginauna karha mei ka vikegna mae Devet teu ignea?

Jone 7:28

Kate farirhiudi naiknore teu ka Sugablahi na mae Jisas ne cheke eghu fabiꞌo, “Uve, ghotilo lase ghau iara, eghuteuna ghotilo laseni funu aheva teke mei iara na. Nu iara theome mei ka nogu gaoghatho thegu. Mae ihei te tutuani na teke kuru mei ghau iara na. Ghotilo theome laseni mana!

Jone 7:14

Kate thoke farihoteigna gaghamu na, mae Jisas ne ruma ka Sugablahi na ne funu farirhiudi naiknore.

Matiu 21:23

Mae Jisas pulo ka Sugablahi na Jerusalem ne farirhiudi naiknore. Kate farirhiu teu mana jare na, mae pris ulu nei mae biꞌo mala baubatudi naiknore eghu ne mei ka mana. Mare ne ghusna eghu ka mana, “Ghema, unha nafnata nolaghi site au ka iagho te edi iagho glepo igrea? Eghuteuna mae ihei teke tusu ari nolaghi ka iagho na?”

Matiu 26:47

Kate cheke teu mae Jisas igne, mae Judas ne posa mei. Mae Judas gne kaisei mae ka hatimare nabotho phei mae fanomho igre. Kmana naikno hata ne mei naflahi nei nanala eghu balugna mae Judas. Eghuteuna mae pris ulu nei keha mae biꞌo eghu teke kuru meidire.

Nonomho Te Keli Teke Risoi Mae Mak 10:1

Ke leghugna igne, mae Jisas jifla jare ne tei ka nohi Judia eghuteuna ke kasa ke maghati Kho'u Jordan. Aonu, kmana naikno fara ne mei ka mana jare. Eghuteuna mana jateula nafnata puhi te edi thegna ra neu ne funu farirhiudi naiknore.

Luku 4:20

Mae Jisas fofotho buka na neke tusu fapulo ka mae te loku ka suga tharai na. Eghuteuna mana ne gnokro pari ne farirhiudi naiknore. Naikno te gnafa te au ke lamnagna suga tharai na ne filo tutu ka mana nei fanomho fakeli ka mana.

Luku 19:47

Leuleghu narane na mae Jisas farirhiudi naiknore ke lamna Sugablahi. Nu hatimare mae pris ulu, nei mae velepuhigna vetula nogna mae Moses, nei mae mala baubatu ka naiknore eghu ne fariuriu hara keha phoge mala faleheni mana.

Luku 20:1

Kaisei narane, mae Jisas ne farirhiudi neu naiknore ka Sugablahi na. Kate toutonuni mana Nonomho te Keli na, hatimare mae pris ulu nei hatimare mae velepuhigna vetula nogna mae Moses, nei keha mae biꞌo langau eghu ne mei ka mana.

Jone 8:20

Mae Jisas neke chekedi u cheke igre ka teke farirhiudi mana naiknore kau Sugablahi na, rhegna vido mala lilisei sileni ka God naiknore. Eghuteuna, theo kaisei mae te mei lokini mae Jisas na, naugna nogna narane mana teke lilisei God na theome thoke mei ngau.