Matiu 26:39 - Buka Blahi Ka Cheke Holo

³⁹ Mae Jisas ne riu fadelei katha vido ka thilo mare. Mana pogho soru ne tarai, “Mama, jame te tangomana na, thosei snakre ghau iara mala au papara ka nafnata puhi igne. Nu eni unha te magnahagheni iagho themu na, theome leghui unha te magnahagheni iara na.”

Matiu 26:39 ပူးပေါင်းရင်းမြစ်များ

Jone 6:38

Naugna iara neke mei funu kligna mala edi unha te magnahaghedi mae Mama mae ihei teke kuru mei ghau iara na theome mala edi unha te magnahaghedi iara thegu re.

Filipae 2:8

Mana nhaꞌa faparini thegna neke leghuni gaoghathogna God na neke lehe ke kligna gaju fafatha jateula kaisei mae teke blau neku.

Matiu 26:42

Mae Jisas jaola neke tei fapea fata na ne tarai. “Mama, keli fara te theome hata koko iagho ka iara glepo te kabru igne, iara na eni fahui unha te magnahagheni iagho na.”

Hibru 5:7

Kate au nga tekeu mae Jisas ka nauthoglu gne mana neke tarai balu tanhi fabiꞌo ka God Kmagna mae ihei tangomana te mala toghoni mana te mala theome lehe na. God neke nomhini nogna tharai mana na, naugna mae Jisas neke loku leghuni nagnafagna God na nei ghatho tahuni eghu mana.

Jone 5:30

Iara theome tangomana te eni kaisei glepo leghuni u nogu gaoghatho thegu na. Iara tangomana te fateni naikno na leghuni unha te chekeni mae Mama na. Eghume unha te fatedi iara naiknore thofno doglo fara, naugna iara theome fariuriu loku leghudi kolho unha glepo te magnahaghedi iara thegu re, nu iara loku leghudi kolho unha glepo te magnahaghei mae teke kuru mei ghau na.

Jone 14:31

Nu iara magnahaghedi naiknogna nauthoglu igne te lase ghau iara te namhani mae Mama na. Eghume iara edi ngala unha te chekedi mae Mama mala edi iara teku mana re. “Uve, kheraguro, ghotilo kegra haghe mala tei kokoni tahati vido igne.”

Jone 18:11

Mae Jisas ne cheke eghu ka mae Pita, “Ghema Pita, ke nhaꞌa fapulo nou naflahi ana! Iara na leghuni unha teke magnahagheni mae Mama te mala au papara na.”

Jone 11:41

Aonu, mare ne pili fadelei thina biꞌo tuana. Eghuteuna mae Jisas ne filo haghe kligna ne cheke eghu, “Mama, iara cheke fakeli nigho iagho, naugna iagho neke nomhi ghauhi iara.

Matiu 20:22

Mana ne cheke eghu ka retilo, “Ghotilo theome laseni unha te toreni ka iara na. Ba tangomana ngau si ghopa te au papara ka nafnata nate au papara iara gnea?” Phiamare ne cheke eghu ka mana, “Uve, ghepa tangomana.”

Naba 16:22

Nu mae Moses ghe mae pris Eron pogho soru pari ne tarai eghu, “God, iagho ngala teke tusu lao nakarha ka gobigna lepo igre. Jame kaisei mae eni kaisei glepo te diꞌa, iagho ginauna diꞌatamu ka naikno te gnafa igre eghu sia?”

Matiu 24:24

Naugna ginauna hatimare mae Kraes chaichaghi nei hatimare mae profet chaichaghi teu igre ginauna thakle mei. Mare ginauna edi kmana glepo te biꞌo nei kofubobhoi biꞌo eghu ka naiknore, mala fariuriu chaghidi nei baubatu fadiꞌadi eghu naikno te gnafa teke vavahi God re. Nu theome tangomana eghu.

Profet Esikiel 1:28

Juta te siasigla fabiꞌo falithuini mana igne thono famane fara jateula maja eghu. Juta biꞌo igne agha fabiꞌo ka nogna nolaghi biꞌo God na. Kate filodi iara glepo igre, iara ne pogho soru pari ka glose na, aonu ka vido igne, iara ne nomhini kaisei naogla ne cheke mei ka iara.

Fapea Samuel 15:26

Nu jame te theome kelitagna mana ka iara na, iara na lisa lao ghau thegu mala eni mana unha te ghathoni ka iara na.”

Naba 14:5

Aonu mae Moses ghe mae Eron ne pogho soru ke uludi naikno te khapru jare re ne thoke phaꞌudire ka glose na mala tarai ka Lord.

Thakle 19:10

Iara ne tuturupuku soru ke ulugna engel na mala pogho soru ka mana, nu mana ne cheke eghu ka iara, “Thosei pogho soru ka iara! Iagho pogho soruni God kolho! Naugna iara kaisei nogna mae gloku God kolho jateula iagho nei hatimare mae thabusida ka khiloau gne teke fatutuanidi thofno cheke teke toutonudi mae Jisas ra.” Mana ne chekeni igne naugna thofno cheke teke toutonudi mae Jisas igre ngala teke thofno toutonudi la hatimare mae profet ra.

Ululahu Kronikols 21:16

King Devet ne filoni Engel nogna Lord na kegra neu farihotei maloa ghe nauthoglu, eghuteuna mana louloku kaisei naflahi ka khamegna na tarabana mala goigonini Jerusalem. Eghuteuna mae Devet nei hatimare mae lida pogho soru pari ne tei posa ka glosero pari. Ka narane tuana mare ne pipichi ka pohe diꞌanagnafa, fagaglanagna nodi diꞌanagnafa na.

Jenesis 17:3

Mae Ebram ne pogho soru pari, eghuteuna God ne cheke eghu ka mana,

Mae Khuru 10:25

Kate posa meigna mae Pita na, mae Konilias tei ne thafoni mana, mana tuturupuku ne pogho soru ke ulugna mae Pita.

Luku 17:16

Mana mei ne tuturupuku ke ulugna mae Jisas ne tegio ka mana. Mae igne theome mae Jiu, nu mae gna Samaria.

Nonomho Te Keli Teke Risoi Mae Mak 13:22

Naugna mae Kraes chaichaghi nei mae profet chaichaghi teure ginauna na thakle mei. Eghuteuna mare ginauna na eꞌei kmana fagaglana, nei kmana kofubobhoi mala fariuriu chaghidi naikno teke vavahi God. Nu theome tangomana te chaghidi.

Profet Isaia 50:5

Lord God neke tusu mei glalase ka iara. Igne te theome figri tagruni nei thodoni teu iara mana na.

Profet Isaia 53:12

Naugna igne iara ginauna ghatho tahuni mana baludi mae biꞌo te au nodi nolaghi. Mana snakreni thegna mala lehe jateula mae te diꞌa eghu. Nu mana lehe tughudi kmana naikno te tapla jafra ka nakhibo, eghuteuna mana tore ghau iara mala atha koko nakhibodire.”

Jone 5:19

Mae Jisas ne cheke eghu ka mae biꞌodi mae Jiure, “Tutuani fara te chekeni iara ka ghotilo na. Iara mae Thugna God na, theome tangomana te eni kaisei glepo leghuni u gaoghathogu thegu na. Iara edi kolho unha glepo teke filodi thegu te edi mae Mama re. Eghuteuna unha te edi mae Mama re tuare ngala te edi la iara re.