Matiu 26:37 - Buka Blahi Ka Cheke Holo

³⁷ Mana ne cheke ka mae Pita, mae Jemes ghe mae Jone phei thugna mae Sebedi mala tei balugna. Aonu mae Jisas ne funu diꞌanagnafa ne kokhonini.

Matiu 26:37 ပူးပေါင်းရင်းမြစ်များ

Matiu 4:21

Mana tei ne filodi mae Jemes ghe mae Jone, phei thugna mae Sebedi. Phiamare saghe neu ka mola na balugna mae kmadi na, ghau neu nodi fangnare. Mae Jisas jaola ne kilodi phiamare.

Matiu 17:1

Ka fafamno narane ke leghugna igne, mae Jisas hata mae Pita nei phei mae thabusigna, mae Jemes ghe mae Jone, ne haghe ka kaisei thogele brahu ne au thedi jare.

Nonomho Te Keli Teke Risoi Mae Mak 5:37

Mae Jisas ne snakredi kolho mae Pita, mae Jemes nei mae Jone tahigna mae Jemes te tei balugna ka suga mae Jaerus na.

Jone 12:27

Mae Jisas ne cheke eghu, “Gognaro na iara thono diꞌanagnafagu fara eigna glepo nate mei ginauna. Na cheke faꞌunha eghu iara ka mae Mama? Iara na cheke eghu, ‘Mama, thosei snakre mei ke klignagu iara glepo te biꞌo igne na eghu’? Theo. Naugna igne ngala teke meini iara ka nauthoglu igne na mala ruma ke lamnagna glepo te ninhigrana igne.

Luku 22:44

Mae Jisas ne tarai faheta fara naugna mana ne diꞌanagnafa fara. Eghuteuna buibuhigna mana re ne jateu dadara neu, ne khoko soru ka glose na.

Matiu 20:20

Aonu, kheto mae Sebedi na ne tei ka mae Jisas baludi phei thugnare. Naꞌa pogho soru ke ulugna mae Jisas ne toreni mana mala eni glepo te magnahagheni naꞌa na.

Matiu 4:18

Kate lilihi te tei mae Jisas ka grathagna Kholo Galili, mana ne filodi phei mae thabusigna te ugra sasa, mae Simon mae te kiloi Pita ghe mae Aduru. Phiamare ugra sasa ka nodi fangna na.