Matiu 26:34 - Buka Blahi Ka Cheke Holo

³⁴ Mae Jisas ne cheke eghu ka mae Pita, “Tutuani fara te chekeni iara ka iagho na. Iagho ginau bongi na, iagho na chekeni ne theome lase ghau iara teuna. Iagho na thilo fata chaghi ghau iara ame taitanhi nga khokorako na eghu.”

Matiu 26:34 ပူးပေါင်းရင်းမြစ်များ

Jone 13:38

Mae Jisas ne cheke eghu ka mae Pita, “Ba, iagho na lehe tutuani ranghi ghau iara sia? Tutuani fara te chekeni iara ka iagho na. Ame tanhi nga khokorako na teuna, iagho na thilo fata chekeni ne iho ghau iara teuna.”

Luku 22:34

Mae Jisas ne cheke eghu ka mae Pita, “Iara na cheke ari ka iagho, Pita. Iagho ginau bongi na na theome tanhi ngau khokorako na, na thilo fata chekeni ne theome lase ghau iara teuna.”

Matiu 26:75

Aonu mae Pita neke ghathoni unha teke cheke eghu mae Jisas ia, “Ame taitanhi nga khokorako na teuna, iagho ginauna thilo fata chekeni ne theome lase ghau iara teuna.” Aonu mae Pita jifla kosi ne tanhi ne srudu balu diꞌanagnafa.

Matiu 26:33

Aonu, mae Pita ne cheke eghu ka mae Jisas, “Neubane mae fanomho gre ne kafe tei koko nigho, iara ginauna theome tei koko nigho ka unha nate eni mare ka iagho na!”

Nonomho Te Keli Teke Risoi Mae Mak 14:72

Ka vido te cheke teu mae Pita igne khokorako na neke fapea tanhi. Aonu mae Pita neke ghathoni unha teke cheke eghu mae Jisas ka mana ia, “Ghema Pita, te chekeni iara ka iagho na, iagho ginau bongi na na theome fapea tanhiu khokorako na na thilo fata chekeni te iho ghau iara na.” Mae Pita tanhi ne srudu balu diꞌanagnafa fara.

Luku 22:61

Ka vido tuana la mae Jisas ne figri ne filo lao ka mae Pita. Aonu ka vido tuana mae Pita neke ghatho fapuloni unha teke cheke eghu mae Jisas na, “Iagho ginau bongi na na theome tanhi ngau khokorako na, na thilo fata chekeni ne theome lase ghau iara teuna.”