Matiu 26:18 - Buka Blahi Ka Cheke Holo

¹⁸ Mae Jisas ne cheke eghu ka mare, “Ghotilo tei ka kaisei mae te au ka namono ke ulu ana mala cheke eghu ka mana, ‘Mae velepuhi na ne cheke eghu, nogu narane iara na la namohi. Iara na mei baludi nogu mae fanomho gre mala ima Gaghamu Ghasa-Polho na ka sugamu iagho na.’ ”

Matiu 26:18 ပူးပေါင်းရင်းမြစ်များ

Jone 7:6

Mae Jisas ne cheke eghu ka mare, “U thofno nogu narane iara te mala tei jare na theome mei ngau. Nu ghotilo na lelheghu kolho ka themi te tei eni unha te magnahagheni na.

Jone 17:1

Ke leghugna te chekedi mae Jisas glepo igre, mana filo haghe kligna ne tarai, “Mama, narane na la meihi. Fatakle meini nou nolaghi biꞌo na ka iara mae Thumu gne mala fatakle ari langau iara mae Thumu gne nolaghi biꞌo na ka iagho.

Jone 13:1

Ka grafi gna Gaghamu Ghasa-Polho na mae Jisas la kulu lasenihi narane na la namohi te mala jifla kokoni nauthoglu igne teke pulo ka mae Kmagna na. Funu ka vuvuhagna na te ghilei thoke ka narane glehegna na, mae Jisas ne namhadi fara naikno teke leghuni mana re.

Jone 7:30

Kate chekeni mae Jisas igne, mae Jiure ne fariuriu lokini mana. Nu theo kaisei mae ka mare tangomana te lokini mana na, naugna nogna narane mana na theome mei au.

Jone 7:8

Tei si ghotilo kau narane gaghamu tuana. Nu iara na theome tei gognaro, naugna u nogu narane iara te mala tei jare na theome thoke mei ngau.”

Jone 12:23

Mae Jisas ne cheke eghu ka mare, “Narane na la thoke meihi te mala hata nolaghi biꞌo iara mae teke mei funu ka God na. Eghuteuna naiknore ginauna filo meini igne ka iara.

Luku 22:53

Leuleghu narane na iara au balumi ghotilo fabrahu ke lamna Sugablahi, eghuteuna ghotilo theome mei loki ghau ngala iara. Nu igne ngala nomi narane ghotilo te mala loku ka nogna nolaghi Satan, mae ihei te funei frunini gromno na.”

Jone 11:28

Ke leghugna te chekeni igne, Mafa neke pulo ka suga na ne cheke eghu faꞌikoi ka Meri, “Meri, mae velepuhi na la meihi. Mana neke ghusna nigho iagho mala tei ka mana.”

Nonomho Te Keli Teke Risoi Mae Mak 5:35

Kate facheke nga teu mae Jisas ka naꞌa na, keha naikno ne mei funudi ka sugagna mae Jaerus mae biꞌo gna suga tharai na. Mare mei ne cheke eghu ka mae Jaerus, “Ghema, thumu gaꞌase iagho na la lehehi! Thosei fagloku biꞌoni mae velepuhi na.”

Matiu 26:2

“Ghotilo lasenihi, nauriha na narane Gaghamu Ghasa-Polho. Ka narane tuana mae te majora ghau iara na ginauna snakre lao ghau iara ka khamedi nogu naoka iara re mala tupijuru ghau iara ka gaju fafatha.”

Matiu 23:10

Eghuteuna thosei snakre dila mare mala kilo ghami ‘Mae Funei,’ naugna nomi funei ghotilo te hui na kaisei mae Kraes ngala.

Matiu 23:8

“Nu te chekeni iara ka ghotilo na, thosei jateula mare eghu snakreni kaisei naikno mala kilo ghami ‘Mae Velepuhi’. Naugna ghotilo kafe thabusigna nei thabureghagna eghu ngala. Eghuteuna iara ngala nomi mae velepuhi ghotilo na.

Matiu 21:3

Jame kaisei naikno chekeni unha te eni ghopa na, ghopa cheke eghu, ‘Lord ne magnahaghedi’. Mana ginauna ghosei nake kuru meidi.”

Jone 20:16

Mae Jisas ne cheke eghu ka naꞌa, “Meri.” Meri figri ne filo glanini mae Jisas ne cheke eghu, “Raboni!” Gaoghathogna ka cheke Hibru na “Velepuhi”.

Matiu 26:49

Aonu, mae Judas doglo ne tei ka mae Jisas ne cheke eghu ka mana, “Pharikeli, mae velepuhi!” Mae Judas ne gnanghoni mana.

Matiu 26:19

Mae fanomhore leghuni unha te chekeni mae Jisas na ne tei tarabana gaghamu na ka suga teke magnahagheni mana na.