Matiu 26:15 - Buka Blahi Ka Cheke Holo

¹⁵ Mae Judas ne cheke eghu ka mare, “Jame te snakre arini iara mae Jisas gne ka ghotilo na, niha sileni nate foli ghau iara ghotilo na?” Mare ne tusu ranghini mae Judas tolufulu sileni.

Matiu 26:15 ပူးပေါင်းရင်းမြစ်များ

Eksodas 21:32

Eghuteuna jame buluka nalhaꞌugna igne faleheni kaisei mae sneka ba kaisei gaꞌase sneka, mae khotogna buluka nalhaꞌugna igne mala foli tolufulu silva koen ka mae funeigna mae sneka igne, eghuteuna ghotilo jaola fada falehe buluka nalhaꞌugna igne ka thina.

Fapea Pita 2:3

Mae velepuhi chaichaghi igre na edi kmana thonu chaichaghi, naugna mare magnahaghei hata sileni fara kolho ka ghotilo. Nu God fatedihi mare eidi puhi igre, eghuteuna mana neke ofodi mare funu tifa. Mana theome thuru, nu mana ginauna fatedi mare naugna mana neke kulu chekenihi.

Ululahu Timoti 3:3

Mana theome nafnata naikno te koꞌu fara are, ba te magnahaghei magra koba, ba te magnahaghei sileni fara. Nu mana mae mala au faleghu nei au kmu.

Mae Khuru 1:18

Mae Judas gne neke foli kaisei vido glose ka sileni teke hata mana ka glepo te diꞌa teke eni mana na. Eghuteuna ka vido glose tuana mae Judas uka neke brisna thi'agna na neke thofa ka glose tuana neke lehe.

Jajis 17:10

Aonu Maeka ne cheke eghu ka mana, “Iagho mei au kolho balugu iara agne. Iagho ginauna mala nogu pris iara, eghuteuna iagho ginauna cheke ranghi ghau iara unha te magnahagheni God te mala eni iara na. Iara ginauna tusu ari ka iagho nabotho silva koen nabagna kaisei finogha, eghuteuna iara ginauna tufa pohe nei gano eghula ka iagho.”

Jajis 16:5

Goro mae funeidi Filistia igre tei ka Delila ne cheke eghu ka naꞌa, “Ghehati magnahaghei nigho iagho te chaghini Samson, mala chekeni mana ka iagho unha te eni ka mana te rheta fara mana igne. Iagho hironi kaisei puhi te mala haruni ghehati mana mala theome tangomana mana te eni kaisei glepo na. Jame te eghu iagho na, mae funei te gnafa ka ghehati igre ginauna tusu ari kaisei thogha kaisei gobi silva ka iagho.”

Jenesis 38:16

Aonu mae Juda ne lao ka naꞌa ne cheke eghu, “Iara magnahaghei te thuru balumu iagho.” Mana theome laseni ne thofno nanghogna thegna na ngala teuna. Gaꞌase na ne cheke eghu ka mana, “Uve, te mala thuru balugu iara teu iagho na, unha glepo gne nate kulu tusu mei iagho ka iara na?”

Profet Isaia 56:11

Mare jateula khuma te rofo fara, eghuteuna neuba mare ne ghamu, nu mare theome tangomana te boho na. Mae lida igre theome laseni puhigna Lord te keli na. Mare te gnafa na leghudi kolho gaoghathodi thedi te mala atha unha glepo te keli na.

Matiu 10:4

mae Simon, mae te kiloi Silote, naugna mana kaisei mae ka tothoghei te magnahaghei khidi mae di Rom; nei mae Judas Iskariot. Mae Judas gne mae ihei te snakreni mae Jisas ka khamedi nogna naokare.

Matiu 26:16

Ke leghugna igne, mae Judas ne ofoni narane te mala snakreni mae Jisas ka hatimare mae pris ulu gre.

Levitikas 27:4

Kaisei gaꞌase, praes na tolufulu silva.