Matiu 25:8 - Buka Blahi Ka Cheke Holo

⁸ Thau te theome lalase igre ne cheke eghu ka thau te lalase re, ‘Famei keha nomi keraseni. Nomi juta ghehati gre namo lehe.’

Matiu 25:8 ပူးပေါင်းရင်းမြစ်များ

Luku 12:35

Mae Jisas ne cheke eghu, “Ghotilo tarabana nomi koba leghu fata jateula kaisei mae gloku te kulu fakasa nogna juta na nei kulu famamhaku nogna phipichi na teu ia eghu.

Proveb 13:9

Nakarhagna naikno te doglo na jateula juta eghu famane agha fara. Nu nakarhagna naikno te diꞌa na, jateula juta te falehe te romno ra eghu.

Hibru 4:1

Tutuani fara, God neke nhaꞌa soru nhaꞌa cheke igne mala tei gnafa tahati balugna mana. Eghume fiofilo ghitai eghu, na eghunu keha ka ghotilo theome ari thokeni namono mala gnafa na jateula mae Israel tifa ra eghu.

Thakle 3:9

Filo si ghotilo! Nogna tothoghei mae Satan te kilodi thedi naiknodi Jiu teu are theome thofno nogu naikno iara. Mare chaichaghi kolho. Uve, iara ginauna huhurudi mare mala mei pogho soru ke ulumi ghotilo, eghuteuna mare na cheke eghu, ‘Tutuani, God thofno namha ghami ghotilo!’

Luku 16:24

Mana ne eha eghu ka mae Ebraham, ‘Mama Ebraham! Kokhoni ghau iara! Kuru meini mae Lasaros mala titihi geghesugna na ka khoꞌu mala farifuni glapigu gne. Naugna iara la para ghau fara ke lamnagna khaꞌaghi igne!’

Luku 8:18

Naugna te eghu tuana me, ghotilo faghano fanomho fakeli ka cheke igre. Naugna mae ihei te au nogna glepo na, God ginauna nake tusu ranghini mana keha glepoi. Nu mae ihei te theo nogna glepo na, neubane katha ikoi kolho te au ka mana na, God ginauna nake hata fadelei ka mana.”

Matiu 3:9

Thosei chekeni koba ghotilo ne doglohi ke ulugna God naugna ne vikegna mae Ebraham themi teuna. Naugna te chekeni iara ka ghotilo na, God na tangomana te ei vikegna mae Ebraham ka thina te filodi ghotilo igre!

Proveb 20:20

Ihei te cheke fadiꞌadi idogna kmagna re, mana ginauna lehe, jateula juta te lehe ka vido te thono romno ra eghu.

Thoutonu Eigna Mae Job 21:17

“Naikno te diꞌa igre theome lehe kate majaghani teu mare na. Eghuteuna puhi biꞌo te jifla mei kate diꞌatagna God na, theome thokedi mae igre.

Thoutonu Eigna Mae Job 18:5

“Tutuani fara, nogna juta naikno te diꞌa na ginauna lehe, eghuteuna khaꞌaghigna na ginauna jaola lehe.

Mae Khuru 8:24

Mae Simon ne cheke eghu ka mae Pita ghe mae Jone, “Phia mae, iara magnahaghei ghami ghopa te tarai ghau iara ka Lord. Tarai mala theome thoke ghau iara glepo te diꞌa te chekedi ghopa gre!”

Nodi Khoje Hatimare Mae Jiu 49:7

Filo sagho, theo kaisei naikno te tangomana te foli fapuloni thegna ka sileni na. Tutuani, mana theome tangomana te tusu lao sileni ka God te mala ke foli fapuloni nakarhagna na.

Matiu 25:1

Mae Jisas ne cheke eghu, “Ka narane leghu lahu na, nafnata puhi God te funei frunidi nogna naiknore igne jateula cheke nabadi nabotho gaꞌase te mala loku sisi ka tholaghi ia eghu. Uve, nabotho gaꞌase igre neke tei ofoni mae mala tolaghi na. Rehati ne hata nodi jutare baludi.

Matiu 25:7

“Rehati kafe dofra haghe ne tarabana nodi jutare.

Matiu 25:9

“Rehati ne cheke eghu ka reꞌe, ‘Theo. Keraseni ghehati gre jame theome kafe nabada tahati. Tei si ghotilo ka naikno te foli keraseni are mala foli keha nomi themi.’