Matiu 25:5 - Buka Blahi Ka Cheke Holo

⁵ Uve, mae tholaghi igne ne theome ghosei mei. Eghuteuna rehati kafe thuru doka ne ghilei thuru iho.

Matiu 25:5 ပူးပေါင်းရင်းမြစ်များ

Profet Habaku 2:3

Naugna narane te mala thoke meidi gobigna lepo teke fakakhana iara ka iagho igre na theome raugha thoke mei. Jame gaoghathomu iagho na glepo igre ginauna theome ghosei mei eghu. Nu iagho ofou kolho, naugna glepo igre ginauna thoke mei ka thofno narane gna na.

Luku 20:9

Eghuteuna mae Jisas ne toutonu ka naiknore cheke naba igne, “Kaisei mae neke joꞌu kaisei nagare grep. Mana snakre lao ka keha mae nagare igne mala loku ranghini. Eghuteuna mana jifla ne tei au fabrahu ka namono delei.

Matiu 24:48

Nu jame mae gloku tuana kaisei mae diꞌa, mana na cheke eghu ka gaoghathogna thegna na, ‘Nogu mae funei iara ia ginauna nake theome ghosei ke pulo mei.’

Luku 12:45

Nu jame te cheke eghu mae gloku tuana ka nagnafagna na, ‘Nogu mae funei iara ia ginauna theome faghose ke pulo mei sia.’ Aonu mae tuana ginauna ghatho ihoni nogna gloku na, eghuteuna mana na funu puridi keha naikno glokure, gaꞌase ba nalhaꞌu. Eghuteuna mana ne leghuni gaoghathogna thegna na, ne ghamu ghegna nei koꞌu ghegna neu ne ghilei dranga fara.

Matiu 25:19

“Keha finogha ke leghugna igne, mae funei na neke pulo mei. Aonu mana ne kilodi nogna mae glokure ne ghusna eghu ka mare, ‘Faꞌunhadi si ghotilo nogu sileni iara ra?’

Ululahu Pita 5:8

Tarabana koba nei doadofra fakeli eghu! Naugna nomi naoka ghotilo mae Satan, mana tei tafri jateula kaisei lion te rofo eghu nguru tafri hironi ihei mala roꞌeni mana.

Letas Teke Riso Tei Mae Pol Ka Khiloau Rom 13:11

Iara chekeni ka ghotilo eigna nabrou te doglo te mala karha na, naugna ghotilo laseni tahati gognaro na au ka narane te ulu tulao. Uve, gognaro na thokeni narane te mala dofra fakeli tahati na jateula iheire te theome thuru. Naugna gognaro na la namo fara te mala mei God te mala fakarhi ghita na, uluni narane teke funu fatutuani tahati ia.

Luku 18:8

Uve, te chekeni iara ka ghotilo na. Mana ginauna ghosei toghodi ka puhi biꞌo teke edi mare re. Nu narane ke pulo meigu iara na mae teke mei funu ka God, ba, iara nake filodi kmana naikno teke fatutuani ghau iara re ba keha ghu kolho?”

Matiu 26:43

Mae Jisas neke pulo mei ka thilo mae fanomhore. Mana ne filodi thilomare thuru neu ngala, naugna tathadire ne kukape.

Matiu 26:40

Aonu mae Jisas neke pulo ka thilo mae fanomhore ne filodi thilomare te thuru teure. Mana ne cheke eghu ka mae Pita, “Ghotilo theome tangomana te dofra balugu iara kaisei aoa na sia?

Famane Khoje 5:2

Kate thuru na, iara mala ghathoni kolho kheragu na. Iara mifini te filoni mana, te kikidi mei ka nogu grengatha iara na. Fanomho mei! Mana eha mei eghu ka iara, “Kheraguo, tora grengatha! Iagho thofno famane fara filomu na, eghuteuna iagho thofno keli. Snakre ghau mala mei lamna. Phaꞌugu iara na bothu ka khoꞌu bongiro, eghuteuna khaklagu re bothuhi tagna.”

Famane Khoje 3:1

Kaisei bongi kate fadoglo soru teu iara ka sape na, iara leheni fara kheragu na, nu naꞌa theome au balugu iara.

Thakle 2:25

Uve, te chekeni iara ka ghotilo na, loku famaku ka puhi te keli te au ka ghotilo are ghilei thokeni narane nate ke pulo mei iara na.’

Matiu 25:4

Aonu, glima gaꞌase te lalase igre hata nodi jutare nei hata nodi kmana keraseni baludi.

Matiu 25:6

“Fari hotei bongiro, ka bongi tuana kaisei mae ne poapola eghu fabiꞌo, ‘Mae tholaghi na la meihi! Mei ghotilo mala thafoni mana!’

Luku 1:21

Ka vido tuana, naiknore ne ofo neu ke kosigna mae Sekaraea. Eghuteuna, hatimare ne jaglo nodi fara, naugna mana ne au fabrahu ke lamnagna Sugablahi na.

Famane Khoje 5:3

Nu iara ne cheke eghu, “Iara la atha kokohi nogu pohe na eghuteuna iara tarabana mala thuru. Ba, na pipichi ghu iara? Eghuteuna iara la titihi hi ghahegu re. Ba, iara gne thonau signea?”