Matiu 25:44 - Buka Blahi Ka Cheke Holo

⁴⁴ “Mare ginauna jaola cheke eghu ka iara, ‘Lord, niha ghehati filo nigho teke rofo ba roi koꞌu ba jifla kokoni sugamu na ba soesole ba fogra ba au ka suga sosolo, nei theome togho nigho teku na?’

Matiu 25:44 ပူးပေါင်းရင်းမြစ်များ

Luku 10:29

Nu mae igne magnahaghei te falalase ka naiknore puhigna thegna te doglo fara na ne cheke eghu, “Mae ihei gne mae kheragu fofodu iara te mala namhani iara na?”

Matiu 7:22

Kau narane leghu lahu nate fatedi God naiknore, kmana naikno ginauna mei cheke eghu ka iara, ‘Lord, Lord! Ghehati neke toutonuni chekegna God na kau nanghamu iagho na. Nu ka nanghamu iagho na ghehati neke bruedi naiture nei edi kmana nafnata kofubobhoi.’

Profet Malakai 3:13

Lord ne cheke eghu, “Ghotilo edi kmana cheke te diꞌa ranghi ghau iara. “Nu ghotilo cheke eghu ka iara, ‘Ba? Unha cheke te diꞌa gre teke chekedi ghehati ka iagho re?’

Profet Malakai 2:17

Mae profet Malakai ne cheke eghu, “Lord na theome magnahaghei te nomhidi nomi cheke ghotilo are. “Nu ghotilo cheke eghu fabrahu koba, ‘Naugna unha si mana te theome magnahaghedi noda cheke tahati grea?’ “Mana theome magnahaghei nomhidi nomi cheke ghotilo re naugna ghotilo ne cheke eghu fabrahu koba, ‘Lord na theome diꞌatagna ka mae ihei te tapla jafra ka nakhibo na.’ Eghuteuna ghotilo jaola cheke eghu koba, ‘Naugna unha si God te theome fatedi naiknore ka puhi te doglo gnea?’ ”

Profet Malakai 1:6

Igne nogna cheke Lord mae ihei te au nolaghi fateoteꞌo. Mana ne cheke eghu ka hatimare mae pris, “Leuleghu fata na mae sitei na ghatho tahuni mae kmagna na, eghuteuna mae gloku na mana thofno leghuni nogna mae funei na. Eghume iara thofno mae kmami ghotilo. Naugna unha si ghotilo te theome leghudi nogu cheke iara grea? Iara nomi mae funei ghotilo. “Ghotilo mae pris gre cheke fadiꞌani nanghagu iara na. “Nu ghotilo cheke eghu, ‘Ba? Niha ngala si ghehati teke cheke fadiꞌani nanghamu iagho na ia?’

Profet Jeremaea 2:35

Neuba, te chekeni ghotilo na, puhimi ghotilore doglou kolho eghu koba, uve, iara theome diꞌatagu ka ghotilo. Nu iara ginauna na para ghami ghotilo, naugna ghotilo ne cheke chaichaghi koba, eigna iara neke theome eni kaisei najafra.

Profet Jeremaea 2:23

Lord ne cheke eghu, “Naugna unha si ghotilo te chekeni koba ne theome tarai ka god Baal teu gnea? Ghaoghatho fakeli si ghotilo eidi glepo te diꞌa te edi ghotilo jare ka gloha Hinom! Ghotilo jateula kamel gaꞌasegna te hiro kamel nalhaꞌugna teu te tei tafri te theome au snoto ra eghu puhimire.

Matiu 5:6

Keli tadi iheire te magnahagheni fara te eni unha te keli te magnahagheni God. Naugna God ginauna toghodi mare te mala eni igne.

Matiu 10:41

Ihei te taji fakelini kaisei mae profet, naugna te mae profet mana teuna, God ginauna tabani mana jateula ngau God te tabani mae profet tuana eghu. Nu mae ihei te taji fakelini kaisei mae te doglo, naugna te mae doglo mana ke ulugna God na, God ginauna tabani mana jateula God te tabani mae te doglo tuana eghu.

Matiu 25:43

Jifla kokoni iara sugagu na, ghotilo theome taji ghau iara ka sugamire. Iara soesole, ghotilo neke theome fapipichi ghau. Iara fogra, ghotilo neke theome taji ghau. Iara au ka suga sosolo, ghotilo neke theome mei sigho ghau.’

Matiu 25:45

“Iara mae King na ginauna cheke eghu ka mare, ‘Tutuani fara te chekeni iara ka ghotilo na. Kate tiromi toghoni ghotilo kaisei nogu naikno iara te au pari lahu ka igre na, ghotilo jateula te tiromi togho ghau iara eghu.’