Matiu 25:37 - Buka Blahi Ka Cheke Holo

³⁷ “Aonu naikno te doglo ke ulugna God igre ginauna cheke eghu ka iara, ‘Lord, niha ghehati teke filo nigho teke rofo nei faghamu nigho teku na? Niha ghehati teke filo nigho teke roi koꞌu nei fakoꞌu nigho teku na?

Matiu 25:37 ပူးပေါင်းရင်းမြစ်များ

Matiu 6:3

Eghume kate tufa glepo ka naikno te kuma na, iagho eni kau nafnata puhi te mala theome tangomana te laseni mae thofno kheramu fofodu na unha te eni iagho na.

Ululahu Kronikols 29:14

“Nu iara nei nou naikno iagho gre eghu, ghehati theo nafumi kolho naugna ghehati gne theo kaisei nomi glepo themi te mala tusu ari ka iagho na. Gobigna lepo te tusu ari ghehati ka iagho igre neke mei funudi ka iagho ngala.

Ululahu Korin 15:10

Nu ka nogna khokofakasai God iara theome fiti au gognaro na. Theo. Nogna khokofakasai na togho ghau iara te mala nogna mae gloku God. Naugna iara loku heta fara ke uludi keha mae khurure, nu theome nogu gloku iara thegu. Nogna khokofakasai God te au balugu iara na mala togho ghau iara.

Profet Isaia 64:6

Ghehati te gnafa na kafe tapla jafra ka nakhibo, eghuteuna ghehati kafe thona fara ka tathamu iagho na. Eghuteuna puhi ne doglo teu te edi ghehati igre nu theome raꞌe keli jateula pohe te thona ra eghu thofno diꞌa parilahu ka tathamu iagho na. Tutuani, ghehati jateula khakla gaju te flalo te tei ka nuri ra eghu kolho.

Proveb 15:33

Mae te ghatho tahuni Lord na, mana leghuni nabrou te mala hata famane gaoghatho te keli nei glalase. Te theome nhaꞌa fapari nigho iagho themu na, iagho na theome fnakno nanghamu na.

Matiu 5:6

Keli tadi iheire te magnahagheni fara te eni unha te keli te magnahagheni God. Naugna God ginauna toghodi mare te mala eni igne.

Matiu 25:36

Kate soesole iara na, ghotilo fapipichi ghau iara. Kate fogra iara na, ghotilo taji ghau iara. Kate au iara ka suga sosolo na, ghotilo mei sigho ghau iara.’

Matiu 25:38

Niha ghehati filo nigho teke posa mei ka sugamire nei taji nigho teku na? Niha ghehati filo nigho teke soesole nei fapipichi nigho teku na?