Matiu 25:35 - Buka Blahi Ka Cheke Holo

³⁵ Naugna kate rofo iara na, ghotilo faghamu ghau iara. Kate roi koꞌu iara na, ghotilo fakoꞌu ghau iara. Kate jifla kokoni iara sugagu na te tei delei na, ghotilo taji ghau iara ka sugamire.

Matiu 25:35 ပူးပေါင်းရင်းမြစ်များ

Profet Esikiel 18:16

Mana theome parani ihei, eghuteuna kate hata sileni ghu kolho ka mae te kuma na, mana theome tangomana te lilisei faraugha keha glepo, nu mana ke foli fapulo sileni tuana. Mana theome blau, eghuteuna mana tufa gano ka ihei te theo ghegna gano na, eghuteuna tufa pohe ka ihei te theo nogna pohe na.

Profet Esikiel 18:7

Mana theome tangomana te parani ihei na. Mana theome tangomana teke loku faleghu kaisei glepo teke lilisei ihei balugna mana mala enighu kaisei nogna glepo teku mana na. Ka teke hata fapulo mae igne unha teke nogna mana re, mana ke tusu fapulo unha teke au balugna mana re. Mana theome tangomana te blau na. Mana tangomana tufa gano ka ihei te theo ghegna gano na, eghuteuna tangomana te tufa pohe ka ihei te theo nogna pohe na.

Hibru 13:16

Nu thosei ghatho ihoni te mala edi gloku te keli tangomana te mala toghodi keha naiknore, naugna fafara jateula tuana eghu te keli tagnani God na.

Jemes 1:27

Nu puhi te doglo ka God Kmada na igne. Taji fakelidi goro sua te glehe kokoi ba goro naikno biꞌo tela lehehi khetodi ra. Naugna phei tothoghei igre ngaguni noda thotogho tahati na. Eghuteuna taji fakelini thegna ka gobigna lepo te diꞌa ka nauthoglu gne. Igne u nafnata naikno khiloau te magnahagheni God na.

Letas Teke Riso Tei Mae Pol Ka Khiloau Rom 12:13

Tufa nodi naikno khiloau te theo nodi. Eghuteuna tajidi iheire te posa mei ka sugamire.

Thoutonu Eigna Mae Job 31:32

Iara toredi naikno phosa te mei ka namonogu iara na mala au ka nogu suga tapuale iara na. Eghuteuna mare te gnafa na kaisei thei, mei ruma lamna ka nogu suga tapuale iara na.

Letas Teke Riso Tei Mae Pol Ka Khiloau Rom 12:20

Eghuteuna u grioriso te blahi na jaola cheke eghu, “Jame te rofo nogna nou naoka na, iagho fei ghegna. Eghuteuna jame te rogna koꞌu na, iagho fakoꞌuni. Jame te eni iagho igne na, iagho ginauna famamajani fara mana mala ke tughu mana puhignare ka iagho.”

Hibru 6:10

God theome lolodiadi nei theome ghatho ihodi nomi gloku te keli nei nomi namha eghu ghotilo ranghini mana ka teke toghodi ghotilo nogna naiknore. Eghuteuna mana ginauna ghathoniu ngala te toghodi fabrahu ghotilo re na taba ghami ghotilo.

Filimon 1:7

Ghema thabusigna, nogna naikno God igre mare keli tadi fara eigna puhi te namhadi iagho. Eghuteuna glepo te edi iagho tuare iara keli tagu fara nei farhetani nagnafagu na.

Ululahu Timoti 5:10

Eghuteuna naiknore filo glani naꞌa tangomana te edi gloku te kelire. Nafnata gloku jateula igre eghu te mala reireghi fakeli thugna, nei farumadi naikno phosa ka sugagna na, nei fafnaknodi naikno khiloaure kate titihi ghahedire, nei mala toghodi naikno te au puhi biꞌo ka nakarhadire. Uve, nafnata thau te fariuriu edi fabrahu thua nafnata gloku te keli.

Efesus 4:28

Mae ihei te blau koba na, lilisei nafnata puhi tuana mala ke funu loku fakeli. Te keli na mana loku heta mala tangomana te toghoni thegna ka puhi te keli nei tangomana te toghodi iheire te kuma.

Letas Teke Riso Tei Mae Pol Ka Khiloau Rom 16:23

Mae Gaeasi jaola kubae ghami ghotilo. Iara au ka sugagna mana gognaro na. Khiloau na salo fodu koba ka sugagna mana. Erastus mae mala reireghi sileni gna namono biꞌo Korin gne, nei mae kherada Kuotasi phiamare kubae ghami ghotilo.

Mae Khuru 16:15

Naꞌa nei naikno te gnafa te au ka nogna suga na ne kafe apublahi. Aonu Lidia ne tore ghami ghehati mala tei ka sugagna na. Naꞌa ne cheke eghu ka ghehati, “Ne thofno kaisei naikno khiloau iara teu ghotilo gaoghathomi na, mei au ghotilo ka sugagu iara gne eghu.” Naꞌa ne cheke fara ka ghehati mala au balugna.

Mae Khuru 11:29

Aonu mae fanomhore ne kaisei gaoghatho ngala mala toghodi naikno khiloau te kmo'e ka glepo ka Provins Judia. Igne lelheghu ka ihei te tangomana te toghodi mare na.

Mae Khuru 10:31

ne cheke eghu, ‘Ghema Konilias, God na la nomhidihi nou tharai iagho ra nei la filodihi unha teke edi iagho te mala toghodi naikno te kuma ra.

Mae Khuru 4:32

Naikno te fatutuani ni mae Jisas re ne kaisei nagnafa ngala nei kaisei gaoghatho ngala. Theo kaisei naikno te chekeni ne khotogna thegna ngala kaisei glepo teuna. Nu mare tufa gobigna lepore.

Jone 13:29

Mae Judas gne mae ihei te reireghi gna gloi sileni mare na. Eghume keha mae fanomhore te ghathoi na mae Jisas gne jame chekeni mana mala atha fajifla keha sileni mala tei foli gano malagna gaghamu na. Ba mae Jisas gne magnahagheni mae Judas mala tufa ka nodi sileni naikno te kumare.

Luku 11:41

Tutuani, ghotilo mala tufa ka naikno te kumare gano teke au ke lamnadi tapera re, eghuteuna God ginauna thono fagae ghami la ghotilo.

Nonomho Te Keli Teke Risoi Mae Mak 14:7

Naikno te kuma gre au fabrahu balumi ghotilo, eghume ghotilo tangomana te mala toghodire nafnata naikno igre ka narane aheva te magnahaghei ghotilo na. Nu iara gne ginauna na theome au fabrahu balumi ghotilo.

Matiu 26:11

Naikno te kuma gre au fabrahu balumi ghotilo, eghume ghotilo tangomana te mala toghodire nafnata naikno igre ka vido aheva te magnahaghei ghotilo na. Nu iara ginauna theome au fabrahu balumi ghotilo.

Matiu 25:40

“Iara mae King ginauna cheke eghu ranghidi, ‘Tutuani fara, te chekeni iara na. Kate eni ghotilo ranghini kaisei nogu naikno iara te au pari lahu ka igre, ghotilo jateula te eni ranghi ghau la iara eghu!’

Profet Maeka 6:8

Lord la chekehi ka tahati unha te keli te magnahaghedi fara mana te mala edi tahati: Tahati mala leghuni puhi te doglo na. Tahati mala thofno namhani nei ghatho tahuni noda God te au baludi nogna naiknore, nei tahati mala theome leghudi noda puhi theda tahati re, nu thofno leghuni noda God.

Profet Daniel 4:27

Eghume king, iagho te leghu fakelidi nogu cheke iara igre. Iagho thosei ke edi puhi te diꞌa teke edi iagho ra. Iagho kokhonidi iheire te kuma nei eni ranghidi unha puhi te doglo. Jame te eghu iagho na, iagho ginauna na au fakeli eghuteuna unha te edi iaghore ginauna na thofno keli fara.”

Proveb 25:21

Jame te rofo nou naoka iagho na, iagho faghamuni. Jame te rogna koꞌu mana na, iagho fakoꞌuni.

Proveb 22:9

Mae te tufa gano ka mae te kuma na, ginauna kelitagna fara.

Proveb 19:17

Kate namhani nei toghoni teu iagho naikno te kuma na, Lord ginauna taba nigho eidi unha teke edi iagho re.

Proveb 14:31

Mae te fakokhoanani naikno te kuma na, mana theome ghatho tahuni Lord mae ihei teke vuavuhani naikno na. Nu mae te keli ranghini naikno te kuma na, mana ghatho tahuni Lord.

Proveb 14:21

Mae te sukuni kheragna fofodu na, mana tapla jafra ka nakhibo. Nu mae te kokhoni ni naikno te kuma na, mana kelitagna fara.

Ululahu Kings 17:11

Eghuteuna kate tei naikno biꞌo na te mala hata khoꞌu teuna, mae Elija ne eha eghu tei ka naꞌa, “Iagho jaola hata mei keha bret.”