Matiu 25:29 - Buka Blahi Ka Cheke Holo

²⁹ Eghume ihei te loku fakeli ka unha te tusu ranghini iara na, iara nake fabruara ranghini. Eghuteuna ihei te theome loku fakeli ka unha teke tusu ranghini iara na, iara nake hata fadelei ka mana.’

Matiu 25:29 ပူးပေါင်းရင်းမြစ်များ

Matiu 13:12

Naugna mae ihei te au tagna glalase na, God ginauna nake tusu ranghini mana keha glalase te biꞌo. Nu mae ihei te theome magnahaghei lalase na, neubane au katha glalase ikoi ka mana, God ginauna nake hata fadelei ka mana.

Luku 8:18

Naugna te eghu tuana me, ghotilo faghano fanomho fakeli ka cheke igre. Naugna mae ihei te au nogna glepo na, God ginauna nake tusu ranghini mana keha glepoi. Nu mae ihei te theo nogna glepo na, neubane katha ikoi kolho te au ka mana na, God ginauna nake hata fadelei ka mana.”

Nonomho Te Keli Teke Risoi Mae Mak 4:25

Mae ihei te au nogna glepo na, God ginauna nake tusu ranghini mana keha glepo. Nu mae ihei te theo nogna glepo na, neubane katha ikoi kolho te au ka mana na, God ginauna nake hata fadelei ka mana.”

Jone 15:2

Mana na kato koko grege te au ka iara te theome ure. Mae Mama na tatasrei, nei fagagae eghu grege te au ka iara re, mala tangomana reꞌe teke ure ginauna.

Luku 10:42

Kaisei glepo ngala te ulu na. Meri gne ne vahini ngala glepo te doglo na, eghuteuna theo kaisei naikno nate hata fadelei igne ka naꞌa na.”

Thakle 2:5

Iara tore ghami mala ke ghatho fapuloni aheva te ari te jafrani ghotilo na. Tughu nagnafa nei ke pulo ka iara eghu mala tangomana ghotilo te namha ghau iara na, jateula teke eni ghotilo tifa ia eghu. Jame te theome tughu ghotilo na, iara ginauna ari hata fadelei nomi juta ghotilo na.

Jone 11:48

Jame te lisa laoni tahati te eni fabrahu mana igne na, naiknore ginauna kafe fatutuani ni mana. Aonu, mae armi di Rom gre ginauna na mei goigoni ni noda Sugablahi gne nei goigoni nila noda namono gne eghu!”

Matiu 21:41

Hatimare mae pris nei hatimare mae biꞌo teure ne cheke eghu ka mana, “Mana na kafe falelehe naikno te diꞌa tuare. Eghuteuna mana na snakre lao ka keha mae delei nagare tuana. Mare ginauna na tusu fapulo ka mana unha teke nabagna mana ka narane te ghanogna nagare tuana.”

Lamentations 2:6

Lord ne paꞌe soru nogna Sugablahi na, jateula grorofe ka thobi ra neu. Narane biꞌo nei narane Sabat teu igre, mana bobotho nagnafadi naiknodi Saion mala ghatho ihodi narane biꞌo igre. Naugna mana diꞌatagna fara ka mare, eghuteuna mana theome magnahaghedi mae king nei mae pris teu igre.

Profet Hosia 2:9

“Eghume iara ginauna nake hata fadelei ka naꞌa, ghegu gano ka nagare, nei sisi ka nogu nagare grep. Iara ginauna jaola hata fadelei phoko nei famane pohe eghu te lalaoni thegna naꞌa are mala soesole tafriu naꞌa ke uludi naiknore.

Matiu 25:28

“Aonu mae funei na ne cheke eghu ka nogna mae glokure, ‘Hata ka mana duku sileni tuana mala ke tusu lao ka mae ihei te au nabotho duku sileni are.