Matiu 25:24 - Buka Blahi Ka Cheke Holo

²⁴ “Aonu mae gloku teke hata kaisei duku sileni igne ne mei ka mae funei na. Mana mei ne cheke eghu, ‘Mae funei, iara lase nigho iagho kaisei mae ninhigrana fara. Naugna iagho jateula kaisei mae te rouronu te mala tei hata gano ka nagare aheva teke theome joꞌu thegna na.

Matiu 25:24 ပူးပေါင်းရင်းမြစ်များ

Luku 15:29

Mana diꞌatagna ne cheke eghu ka mae kmagna na, ‘Filo sagho, iara loku ranghigho kmana finogha. Iara theome saosakloni kaisei nou vetula. Nu iagho theome falelehe kaisei sua sipu mala ghamu mala gleale'a iara baludi mae kheragu fofodu gre.

Profet Jeremaea 2:31

“Ghotilo maemi Israel ra, fanomho ka nogna cheke Lord igne! “Iara neke theome tei koko ghami ghotilo ka namono nagou ia. Theo! Naugna unha si ghotilo ne snaglahi themi teu te tirodi leghu ghau iara gnea?

Letas Teke Riso Tei Mae Pol Ka Khiloau Rom 9:20

Nu nogu cheke tughu iara na, iagho ihei sia te mala cheke fapulo ka God na? Iagho naikno kolho! Gaoghathogu iara na igne. Tapera teke hohoro mare ka glose na theome tangomana teke cheke eghu fapulo ka mae ihei teke hohorogna na, “Naugna unha sagho teke hohoro eghu ghau iara gnea?”

Letas Teke Riso Tei Mae Pol Ka Khiloau Rom 8:7

Naugna mae te ghathoni fara puhi te diꞌa na, mana nogna naoka God. Mana theome leghuni nogna vetula God na, eigna mana theome tangomana te eni igne na.

Luku 6:46

“Naugna unha ne cheke eghu nga ghotilo ka iara, ‘Lord, Lord,’ nu ghotilo theome edi kolho unha te chekedi iara re?

Matiu 7:21

“Naikno te cheke eghu, ‘Lord, Lord,’ teu ka iara igre ginauna na theome kafe naikno te funei frunidi God re. Nu naikno nate funei frunidi God igre ngala nate edi unha te magnahaghedi mae Kmagu iara te au kligna na.

Profet Isaia 58:3

Nu mare cheke eghu koba ka iara, ‘Lord, filo mei ghami ka vido te theome ima nei nhaꞌa fapari ghami themi teu gre, naugna unha sagho te theome eni kaisei glepo te mala togho ghami ghehati gnea?’ ” Nu iara Lord ne cheke eghu ka mare, “Uve, tutuani fara te theome ima ghotilo te mala ghatho tahu ghau iara teu nu eni fabrahu ghotilo unha te magnahagheni themi na teuna, ghotilo paradi fabrahu nomi mae glokure.

Matiu 18:24

Ka narane te funu eni mana igne, hatimare hata ne mei kaisei nogna mae gloku mana teke kaoni ka mana mola mola dola.

Matiu 25:25

Eghume iara mhaghu nogu nigho ne tei titifuni nou sileni iagho re ke lamna glose. Igne duku sileni iagho te tusu mei ka iara tifa ia.’

Matiu 25:26

“Nogna mae funei na ne cheke eghu ka mana, ‘Ghema, iagho kaisei mae gloku diꞌa fara, nei mae thodo eghu! Uve, te chekeni iagho ia, iagho lase ghauhi iara ne jateula kaisei mae te rouronu te mala tei hata gano ka nagare aheva teke theome joꞌu thegna teuna.

Luku 19:13

Ame tei nga teuna, mana ne kilo meidi nabotho nogna mae glokure. Aonu mana ne tufa nabotho duku sileni kaisei mae neu ka mare. Mana ne cheke eghu ka mare, ‘Loku ka sileni igre ghotilo ia ghilei ke pulo mei iara.’ Aonu mana jifla ne tei.