Matiu 24:8 - Buka Blahi Ka Cheke Holo

⁸ Glepo igre na jateula khabru ululahu te eni gaꞌase te namo fakarha sua majaghani ia eghu.

Matiu 24:8 ပူးပေါင်းရင်းမြစ်များ

Ululahu Tesalonika 5:3

Kate chekeni naiknore, “Pharikeli nei nasnagla,” God ginauna ghosei roꞌedi, jateula khabru ghosei te mei ka gaꞌase te namo karha sua ia eghu. Eghuteuna naikno tuare ginauna theome rikha.

Diutronomi 28:59

mana ginauna kuru mei fogra te diꞌa tulao ka ghotilo nei thumi teu ka tharaknami ghotilo are. Mana ginauna kuru mei keha fogra te diꞌa mala thoke ghami ghotilo gnafa, fogra igre ginauna theome tangomana nate ari te gnafa dire.

Profet Isaia 10:4

Phei puhi kolho te au teu malami ghotilo na. Ghotilo ginauna lehe ka magra igne, ba mae naoka gre ginauna hata ghami ghotilo tei au ka vido te khaba fara. Nu neuba Lord ne paradi, mana theome gnafa te diꞌatagna ka mare na. Eghuteuna mana tarabana mala paradi mare.

Profet Isaia 9:17

Eghume, Lord na theome kelitagna ka nogna naikno majaghani igre, eghuteuna mana theome kokhonidi naikno biꞌo teke lehehi khetodi nei goro sua glehe kokoi, naugna mare te gnafa na kafe tirodini Mana. Mare theome gnafa te eni puhi te diꞌa na. Eghuteuna leuleghu fata na mare cheke chaichaghi koba. Nu neuba Lord ne paradi, mana theome gnafa te diꞌatagna ka mare na. Eghuteuna mana ginauna tarabana mala paradi naikno igre.

Profet Isaia 9:21

Vikegna mae Manase igre ginauna magra ka vikegna mae Efrem, eghuteuna vikegna mae Efrem igre ginauna magra ka vikegna mae Manase igre. Eghuteuna phei vike igre ginauna loku fodu mala magra ka vikegna mae Juda. Nu neuba Lord ne paradi, mana theome gnafa te diꞌatagna ka mare na. Eghuteuna Lord ginauna tarabana mala paradi naikno igre.

Profet Isaia 9:12

Lord neke kuru meini armi gna Siria ke maghati nei armi gna Filistia ke mosu mala mei goigonidi naiknodi Israel. Nu neuba Lord ne paradi, mana theome gnafa te diꞌatagna ka mare na. Eghuteuna mana ginauna tarabana mala paradi naikno igre.

Profet Hosia 13:13

Mare thono fameomekro fara, naugna mare ne tirodini na au te keli na. Igne jateula sua te au teu ka thiꞌagna idogna na nu tirogna jifla mei teu ia eghu kolho.

Nonomho Te Keli Teke Risoi Mae Mak 13:8

Naiknogna kaisei namono na ginauna na kegra haghe magra ka naiknogna keha namono na. Eghuteuna naiknogna kaisei nohi na ginauna na kegra haghe magra ka naiknogna keha nohi na, heva heva kau nauthoglu igne. Namono te kmana ka nauthoglu na igre ginauna nghali tongana ka nakheu biꞌo. Eghuteuna naiknogna nauthoglu igne ginauna theome naba ghedi gano te mala ghamu na. Glepo igre na jateula khabru ulu lahu te eni gaꞌase te namo fakarha sua majaghani ia eghu.

Luku 21:12

“Nu ame thoke mei nga gobigna lepo igre teuna, naiknore ginauna loki ghami nei para ghami eghu ghotilo, eigna ghotilo ne fatutuani ghau iara. Mare ginauna hata ghami ghotilo tei ka fate ke lamna suga tharai. Eghuteuna mare ginauna na faruma ghami ghotilo ka suga sosolo. Mare ginauna na huhuru ghami ghotilo mala kegra ke uludi hatimare mae funei ba ke uludi hatimare mae king. Mare ginauna na edi glepo igre ka ghotilo, naugna ghotilo ne leghu ghau iara.

Jemes 5:1

Fanomho fakeli ghotilo naikno te dedei ra. Gognaro na ghotilo tanhi nei diꞌanagnafa eghu naugna God ginauna na fate ghami ghotilo eidi glepo diꞌa te eidi ghotilo are.