Matiu 24:6 - Buka Blahi Ka Cheke Holo

⁶ Ghotilo ginauna nomhidi naogladi magra ka namono kmana te namo, nei thoutonudi magra ka namono delei. Nu thosei nanga nomi eghu. Naugna glepo tuare eghu nodiu ngala, nu narane leghu lahu na theome thoke mei ngau.

Matiu 24:6 ပူးပေါင်းရင်းမြစ်များ

Luku 21:9

Kate nomhidi ghotilo nonomho eidi magra, ba naiknore magridi nodi mae funei thedire teu igre, thosei mhaghu. Naugna glepo igre mala kulu mei ame thoke mei nga narane leghu lahu na eghu.”

Jone 14:1

Mae Jisas ne cheke eghu ka nogna mae fanomhore, “Thosei nanga nomi nei diꞌanagnafami eghu. Fatutuani ni God nei fatutuani ghau la iara.

Fapea Tesalonika 2:2

Ghehati tore ghami ghotilo fara mala thosei ghosei diꞌanagnafami ba rhana nomi kate nomhidi ghotilo nafnata cheke igre, “Narane gna Lord na la meihi.” Glahu chaghi mare cheke eghu, mae Tharunga te Blahi teke cheke eghu na, ba ghehati teke cheke na, ba teke risoni ghehati ka letas na.

Jone 14:27

Iara na lilisei soru nogu pharikeli na balumi ghotilo, nogu pharikeli iara igne tusu ari ka ghotilo. Nogu pharikeli iara igne theome jateula glepo te tusu ari naiknogna nauthoglu igne eghu. Eghume thosei nanga nomi nei thosei mhaghu eghu ghotilo ia.

Nodi Khoje Hatimare Mae Jiu 112:7

Mae igne theome tangomana te mhaghuni u nonomho te diꞌa na, naugna mana rouronu lao kolho ka Lord, nei nogna fatutuani na thono heta fara ka Lord.

Matiu 24:14

Mare ginauna jifla tei toutonuni Nonomho te Keli eigna nafnata puhi God nate funei frunidi nogna naiknore. Mare ginauna toutonuni igne heva heva ke lamnagna nauthoglu igne ka naikno te gnafare. Aonu, ame thoke mei nga narane leghu lahu na eghu.”

Luku 21:19

Ghotilo ginauna hatini thofno nakarha na kate kegra maku fabrahu ghotilo ka nomi fatutuani na.”

Profet Isaia 12:2

Tutuani! Lord na nogu God iara, eghuteuna mana neke fakarhi ghau iara. Iara fatutuani ni mana, eghuteuna iara ginauna theome mhaghu. Lord na farheta ghau iara, eghuteuna iara tangomana te koje ka mana na. Eghuteuna gognarona mana fakarhi ghau iara.”

Luku 22:37

Eghuteuna te chekeni iara ka ghotilo na, grioriso te blahi na cheke eghu, ‘Mana na snakreni thegna mala lehe baludi mae te glalama fara re’. Cheke igne na tutuani fara ka iara nei unha teke risoni mae profet eigu iara tifa ia la horoghoto fara gognaro gne.”

Matiu 26:54

Nu iara theome eni igne, naugna iara mala horoghoto ka unha te chekeni ka grioriso te blahi ia.”

Profet Esikiel 21:28

Lord ne cheke eghu ka iara, “Maegna ka nauthoglu. Iagho chekeni cheke teke cheke iara Lord God eigna naiknodi Amon te cheke faparini Israel. Igne nogu cheke iara na: ‘Ghotilo naiknomi Amon! “ ‘Kaisei naflahi mala magra la tarabanahi te mala aknu falehe naikno na, eghuteuna thono siasigla fara jateula nakafli eghu.

Profet Jeremaea 47:6

“Ghotilo tanhi cheke eghu fabrahu, ‘Lord! Nou naflahi mala magra iagho igne falehe ghami ghehati fabrahu ghilei tei gnafa niha nau? Ke lilisei fapulo sagho ka pipiha gna na mala thosei falehe ghami.’

Profet Isaia 7:4

Iagho cheke eghu ka mana, ‘King Ehas! Iagho thosei nanga nou nei mhaghu eghu! Iagho thosei snakreni gaoghathomu na mala glaꞌe soru. Fanomho mei sagho! Iagho thosei mhaghudi phei mae king tuare. Diꞌatadi phiamare ka iagho tuana jateula gagahudi phei nakrono te namo lehe ra eghu kolho.

Matiu 2:3

Kate nomhini mae King Herod eigna nodi King majaghani mae Jiu gne, mae King Herod ne diꞌanagnafa fara, nei jaola ngau iheire te gnafa te au ka namono Jerusalem.

Thakle 6:4

Aonu keha hose na ne jifla mei. Hose igne ukru fara. Eghuteuna kaisei mae te saghe ka thagrugna hose igne na, mare ne tusu lao kaisei naflahi biꞌo mala magra. Mana jaola ne hata nolaghi te mala fufunu magra ka nauthoglu igne, mala faghoreho fari thedi naiknore.