Matiu 24:51 - Buka Blahi Ka Cheke Holo

⁵¹ Aonu mae funei igne ginauna parani fara mae gloku te diꞌa tuana. Mae funei na ginauna kuru fadeleini mala au papara fara mana baludi mae te chaichaghire. Mare ginauna au papara fara jare mala tanhi fabiꞌo nei diꞌanagnafa fara eghu.”

Matiu 24:51 ပူးပေါင်းရင်းမြစ်များ

Matiu 8:12

Eghuteuna mae Jiu te theome fatutuani gre, God ginauna na chekedi nogna engel re mala koko fajifladi ka namono te romno te theome au thegna mana na. Mare ginauna naꞌau papara jare mala tanhi nei diꞌanagnafa eghu fara.”

Luku 12:46

Eghuteuna nogna mae funei mana na ginauna nake pulo mei ka narane te theome tarabana nei theome ghathoni teu mana na. Mae funei tuana ginauna parani fara mae gloku tuana baludi keha naikno te theome leghuni mae funei na.

Matiu 22:13

“Mae funei na ne cheke eghu ka keha mae glokure, ‘Haru fodu khamegna ghahegna teu mae igne mala koko fakosi ka vido te romno ana. Ka vido tuana naiknore ginauna tanhi nei diꞌanagnafa fara eghu balu khabru biꞌo.’ ”

Profet Isaia 33:14

Gognarona naiknodi Jerusalem te leghuni puhi nakhibo na mare nanga nodi nei mhaghu nodi eghu fara, eghuteuna mare neke cheke eghu, “Nogna faefate Lord na jateula khaꞌaghi te brana fara te gnhubra fateo gobigna lepora eghu, eghuteuna theome tangomana kaisei naikno naba te lao au namo rhegna khaꞌaghi igne.”

Luku 13:28

Mae Jisas tudu ne cheke eghu, “Ghotilo ginauna na tanhi nei diꞌanagnafa eghu kate filodi mae Ebraham, nei mae Isak, nei mae Jekop baludi hatimare mae profet tifa ra te kegra teu kau nogna nauthoglu majaghani God. Nu mare ginauna koko fakosi ghami ghotilo.

Matiu 25:30

Eghuteuna mae funei na cheke eghu, ‘Koko fakosi mae gloku te theo nafugna tuana mala au mana ka vido te romno ana baludi keha naikno te diꞌa are. Mare ginauna au papara fara jare mala tanhi fabiꞌo nei diꞌanagnafa fara eghu.’ ”

Thoutonu Eigna Mae Job 20:29

Igne kaisei taba te tarabana teu God te mala tusu lao ka naikno te diꞌa na.”

Profet Jeremaea 13:25

Igne puhi biꞌo nate kuru meini iara te mala thoke ghami ghotilo na. Papara igne thofno horoghoto fara, naugna ghotilo ne ghatho iho ghau iara ne fatutuanidi god te chaichaghire.

Matiu 24:50

Eghuteuna nogna mae funei mana na ginauna nake pulo mei ka narane te theome tarabana nei theome ghathoni teu mana na.