Matiu 24:35 - Buka Blahi Ka Cheke Holo

³⁵ Maloa ghe nauthoglu igre ginauna hui kolho, nu chekegu iara na ginauna na theo ka huigna.”

Matiu 24:35 ပူးပေါင်းရင်းမြစ်များ

Profet Isaia 40:8

Uve, buburu na tangomana te gnhagha na, eghuteuna chechenge na tangomana te khoko pari na, nu chekegna noda God na ginauna au fabrahu tifa tifa.”

Ululahu Pita 1:25

Nu chekegna Lord na ginauna au fabrahu tifa tifa.” Eghuteuna igne cheke te toutonuni mare ka ghotilo na.

Naba 23:19

God na theome jateula naikno te lase chaghi ra eghu. Mana theome jateula tahati te lase tughu gaoghatho ra eghu. Unha glepo te nhaꞌa chekedi mana re, mana ginauna edi. Eghuteuna unha te chekedi mana re, ginauna thoke mei tutuani.

Profet Isaia 55:11

Chekegu iara na ginauna jateula tuana eghu. Gobigna lepo te chekedi iara igre ginauna thoke mei tutuani jateula teke ghathoni iara na eghu. Eghuteuna unha te chekeni iara na, na theome theo. Uve, gobigna lepo te chekedi iara igre ginauna thoke mei jateula te magnahagheni iara na eghu.

Matiu 5:18

Nu tutuani fara te chekeni iara ka ghotilo na, kate au nga teu nauthoglu ghe maloa gre baludi gobigna lepo igre, ginauna theome hata koko kaisei phugra cheke ikoi kau nogna vetula mae Moses na, ghilei horoghoto ka gaoghathodire.

Proveb 30:5

“Chekegna God na thofno tutuani fara. Mana tangomana te bara fothidi iheire te mei hiro vido mala poru ka mana na.

Profet Isaia 51:6

Ghotilo filo haghe kligna, eghuteuna ghotilo jaola filo ka nauthoglu igne. Maloa igne ginauna dofini jateula khoveo eghu, eghuteuna nauthoglu igne ginauna thono diꞌa fara jateula kaisei pohe te thona eghu. Eghuteuna naiknore ginauna kafe lehe jateula sisimi eghu. Nu puhigu iara te mala toghodi nei atha fapulodi teu naiknore ginauna theome gnafa.

Profet Isaia 54:10

Neuba thogele nei gukhu teu igre ne bruja ne vuhai nakrofu, puhigu iara te ghatho ghami ghotilo fabrahu igne theo ka gnafa gna. Nhaꞌa cheke teke eni iara te au fakeli ghotilo ka pharikeli igne, iara ginauna tathaji fabrahu.” Igne chekegna Lord mae ihei te kokhoni ghami ghotilo.

Nodi Khoje Hatimare Mae Jiu 89:34

Uve, iara ginauna na theome ari fadidiꞌa nogu nhaꞌa cheke balugna mana na, eghuteuna iara ginauna na theome tuthughu kaisei glepo ka nhaꞌa cheke tuana.

Taetus 1:2

Mana magnahaghei ghita tahati te mala hata u karha te theo ka huigna na. Eghuteuna, tahati rouronu eigna u nakarha igne naugna God neke kulu nhaꞌa chekenihi igne funu tifa kani theome vuvuha nga tekeu u nauthoglu igne. Nu tahati kafe laseni God na theome tangomana te chaghi ghita tahati na.

Nodi Khoje Hatimare Mae Jiu 102:26

Gobigna lepo igre ginau hui, nu iagho themu ngala nate au fabrahu na. Uve, gobigna lepo igre ginauna na theome raugha diꞌa jateula pohe tiatifa te koko teke tughu kate majaghani ra eghu.

Nodi Khoje Hatimare Mae Jiu 19:7

Nogna vetula Lord na thofno doglo fara, eghuteuna tangomana te tusu mei nakarha majaghani ka tahati. Tahati tangomana te fatutuanidi nogna cheke mana re. Eghuteuna nogna cheke mana igre tangomana te tusu lao gaoghatho te keli ka iheire te theome lalase.

Thakle 3:14

Mae igne neke cheke eghu ka iara, “Iagho rioriso tei kaisei letas ranghini engel gna khiloau Leodisia, eghuteuna iagho cheke eghu ka mana: Igne nogu cheke iara na mae ihei te mala falalase ari nogna nhaꞌa cheke God gre thofno tutuani fara. Eghuteuna iara kaisei mae mala toutonudi nogna cheke mana re ka thofno puhi te tutuani fabrahu tifa tifa. Eghuteuna gobigna lepo teke vuavuha God igre, neke mei funu ka iara.

Thakle 6:14

Eghuteuna u maloa na jaola ne pipiri jateula khifra neu ne tei delei. Eghuteuna thogele te gnafa nei moumolu te gnafa teure ne riu fadelei ka mala au dire.

Thakle 20:11

Aonu iara ne filoni kaisei nogna sape nafnakno biꞌo mae King te vegha fara na, eghuteuna iara jaola filoni mae te gnokro teu tagna na. Eghuteuna nauthoglu ghe maloa re ne rikha kokoni mana ne dofidi.

Profet Isaia 34:4

Naprai, glaba, nei nathunu teu ka maloa na are ginauna dofidi, eghuteuna maloa gne ginauna pipiri jateula vido pepa eghu. Eghuteuna nathunure ginauna khoko soru funu kligna jateula khakla grep ba gaju fig te moja ra eghu.

Nodi Khoje Hatimare Mae Jiu 119:89

Lord God, chekemu iagho na ginauna au fabrahu tifa e tifa. Uve, ginauna na au fabrahu kligna tifa e tifa.

Nonomho Te Keli Teke Risoi Mae Mak 13:31

Maloa ghe nauthoglu gre ginauna na hui kolho, nu chekegu iara na ginauna na theo ka huigna.”

Luku 21:33

Maloa ghe nauthoglu gre ginauna hui, nu chekegu iara na ginauna theo ka huigna.”

Profet Daniel 4:28

Gobigna lepo igre ne thoke mei tutuani fara ka King Nebukadnesa.