Matiu 24:31 - Buka Blahi Ka Cheke Holo

³¹ Ka naoglagna khufli te inge igne, iara ginauna kurudi nogu engel re mala tei ke maghati, nei ke mosu, nei ke raru, nei ke mata. Mare ginauna salo fodu naikno teke kulu vavahi God Mama heva heva ka nauthoglu igne.”

Matiu 24:31 ပူးပေါင်းရင်းမြစ်များ

Ululahu Tesalonika 4:16

Lord thegna ginauna mei funu kligna. Tahati ginauna nomhini kaisei neha biꞌo balu naoglagna kaisei mae funeidi engel nei balu naogla khufli nogna God. Eghuteuna naikno khiloau teke lehe ra ginauna kulu kegra mala thafoni Lord.

Nonomho Te Keli Teke Risoi Mae Mak 13:27

Iara ginauna kurudi nogu tothoghei engel mala tei ke maghati, nei ke mosu, nei ke raru, nei ke mata. Mare ginauna salo fodu naikno teke kulu vavahi God Mama heva heva kau nauthoglu igne.”

Profet Isaia 27:13

Eghuteuna ka narane igne, kaisei mae ginauna kufli mala kafe kilodi vikeda teke hata teke tei mae naoka teke tei au Asiria nei Ijep, mala ke mei mala pogho soruni Lord ka Thogele Blahi Jerusalem.

Profet Isaia 11:12

Lord ginauna lisei haghe flagi igne mala laseni naiknore na teke hata fapulo mana naiknodi Israel ghe Juda te tei au tafri ka vido te gnafa ka nauthoglu igne.

Matiu 13:41

Iara mae teke mei funu ka God na ginauna kuru fajifladi nogu engel re. Mare ginauna vavahi fadelei ka nogna naikno God igre iheire te eꞌei puhi te diꞌa ba te fariuriu batudi keha naiknore mala theome fatutuani ni God.

Fapea Tesalonika 2:1

Uve kheraguro, ghehati magnahaghei te cheke ka ghotilo eigna narane meigna noda Lord Jisas Kraes mala salo fodu ghita balugna.

Efesus 1:10

Nogna gaoghatho God igne ginauna thokei mei ka thofno narane te mala salofodu ka Kraes gobigna lepo te au kligna ba pari. Eghuteuna Kraes ginauna mala pha'udi gobigna lepore.

Jone 11:52

Eghuteuna mae Jisas theome mala lehe tughudi kolho mae Jiu gre, nu mana jaola maladi nogna naikno God te au heva heva ka namono te kmana ka nauthoglu igne. Mana mala hata fodu meidi mala ke kaisei tothoghei ngala mare.

Matiu 25:31

Aonu mae Jisas ne cheke eghu, “Ka narane na teke pulo mei iara na, iara na mei balu nogu nolaghi biꞌo. Nogu tothoghei engel iara re ginauna mei balugu iara. Eghuteuna iara mae King na ginauna gnokro ka sape nafnakno.

Profet Isaia 45:22

“Ghotilo naikno te gnafa ka nauthoglu ra, ghotilo ke pulo mei ka iara mala fakarhi ghami iara! Naugna iara ngala God na, eghuteuna theo kaisei god ahevanga te au na!

Profet Isaia 43:6

Iara ginauna chekedi naikno te au ke raru ra, mala snakredi thugu iara ra mala ke pulo mei ka iara, eghuteuna naikno te au ke mata ra mala thosei lhotidi ka iara. Mare ginauna batudi thugu nalhaꞌu nei gaꞌase teu iara te au ka vido te khaba ka khukrugna nauthoglu igne mala ke pulo mei ka iara.

Nodi Khoje Hatimare Mae Jiu 22:27

Naikno te gnafa nei kokholo te gnafa teu kau nauthoglu igne ginauna nake pulo mei ka iagho mala tufru soru nigho.

Profet Sekaraea 2:6

Lord ne cheke eghu ka nogna naiknore, “Rikha mei! Jifla jare, naugna iara neke khi ghami ghotilo mala rikha tei Babilonia mala au tafri ka vido te gnafa.

Profet Isaia 60:4

“Ghotilo fadoglo haghe pha'umi are mala efra tafri, eghuteuna ghotilo ginauna filodi thumi nalhaꞌu teke karha ka vikemi ghotilora nake pulo mei funudi ka vido te khaba. Eghuteuna mare ginauna papa mei jateula sua eghu thumi gaꞌase ghotilore.

Profet Isaia 49:18

Ghotilo filo tafri mala filoni unha nate eni gognarogne! Kherami ghotilore ginauna nake pulo mei! Iara Lord mae ihei te karha te tifa te chekeni ka ghotilo igne, ghotilo ginauna glealeꞌa fara ka mare, jateula gaꞌase te tarabana te mala tolaghi, eghuteuna naꞌa glealeꞌa ka glepo te lalaoni naꞌa ra eghu.

Profet Isaia 13:5

Mae soldia igre mei funudi ka kaisei kantri te au khaba fara. Eghuteuna naugna te thono diꞌatagna fara na, mana ginauna snakredi mae naokare mala mei roꞌeni nomi kantri ghotilo igne.

Thakle 7:1

Ke leghugna igne, iara ne filodi fati engel kegra neu ka fati sulukhugna nauthoglu gne. Mare kegra fanogradi fati nuri ka nauthoglu gne mala thosei ghaghafa mei ka namono ba gaju ba ka nhorora.

Profet Sekaraea 9:14

Lord ginauna mei ka nogna naiknore, eghuteuna jata te fada mana na kafli jateula nakafli eghu. Lord ginauna ifu nogna trampet biꞌo na, eghuteuna kate nolo te mei na, mana ginauna jateula nuri biꞌo te ghaghafa mei ke mata ra eghu.

Diutronomi 30:4

Neuba mana neke brue fajifla ghami ghotilo neke tei ka keha phile nauthoglu te khaba fara, nu mana ginauna nake hata fapulo mei ghami ghotilo.

Thakle 8:2

Iara ne filodi fitu engel re ne kegra neu ke ulugna God. Hatimare ne tusu lao fitu khufli ka mare.

Letas Teke Riso Tei Mae Pol Ka Khiloau Rom 10:18

Nu iara na ghusna ka ghotilo, “Ba, naiknodi Israel gre jau theome nomhiu ngala si u Nonomho te Keli gnea?” Uve, mare la nomhihi, jateula te chekeni ka grioriso te blahi na ia eghu, “Nodi chekere la jiflahi ka naikno te gnafa ka nauthoglu gne, nodi chekere la tei thokehi ka namono te gnafa ka nauthoglu gne.”

Matiu 28:18

Ka narane igne, mae Jisas mei ne cheke eghu ka nogna mae fanomho re, “Mae Mama snakre meihi ka iara nolaghi te gnafa kligna nei pari.

Matiu 24:22

“Jame theome hata kokohi God keha narane meuna, ginauna theo kaisei naikno te karha na. Nu naugna God ne ghathodi naikno teke vavahi thegna re ne hata kokohi keha narane.

Profet Sekaraea 14:5

Ghotilo ginau rikha tei salaꞌu ka glogu igne, glogu igne ghilei tei thoke ka namono Asal. Uve, ghotilo ginauna rikha faghose jateula kuꞌemi ghotilo teke rikha ka narane gna King Iusaea, mae ihei teke king gna Juda tifa. Aonu nogu Lord God iara ginauna mei balu nogna engel blahi.

Profet Daniel 7:2

Mae Daniel ne cheke eghu, “Ka mifi igne, iara ne filoni kaisei nuri gna kligna te ghaghafa mei ke maghati, ke mosu, ke raru nei ke mata, ne malu thongna na.

Profet Isaia 42:10

Naikno te gnafa ka nauthoglu igne baludi gobigna lepo te au ke lamnagna! Ghotilo kojeni kaisei khoje majaghani mala kilo fnaknoni Nanghagna Lord! Ghotilo iheire te tei ka vaka ra, ghotilo kilo fnaknoni mana. Ghotilo gobigna lepo te au ba te taotao ke lamna thongna ra, ghotilo kilo fnaknoni mana. Ghotilo naikno te au ka kantri te khaba ra, ghotilo te gnafa na mala kafe kilo fnaknoni mana.

Nodi Khoje Hatimare Mae Jiu 81:3

Kau gaghamu khafa nei kau gaghamu glaba rane teu igre tahati kufli mala fufunu tharai na.

Nodi Khoje Hatimare Mae Jiu 67:7

God te fablahi ghita. Naikno te au heva te heva ka nauthoglu igne mala ghatho tahuni mana.

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Luku 24:47

Ghotilo neke filodi glepo igre. Eghume ghotilo mala toutonu ka naiknore mala tughu nagnafa nei nakarha eghu mare. Jame te eni mare igne na, God ginauna hata fadeleidi nakhibodire. Ghotilo mala fufunu Jerusalem. Toutonu glepo igre ka nanghagu iara ranghidi naikno ka namono te gnafa ka nauthoglu gne.

Profet Sekaraea 9:10

“Iara ginauna hata fadelei hose nei chariot teu igre mala theome magra mae soldia di Israel nei Jerusalem. Iara ginauna goigoni fahui nodi phaloho mala magra mare are. King igne ginauna au fakeli baludi keha kantri are nei king di keha kantri te funu ke maghati Thongna Lehe tei posani thongna ke mosu, eghuteuna funu ke raru Khoꞌu biꞌo Iufretis, tei posa ka khukrugna nauthoglu.”

Thakle 1:20

Iagho filodi fitu nathunu te louloku iara fei khame nhetagu gre, nu iagho theome laseni gaoghathodi fitu nathunu igre. Uve, fitu nathunu igre gaoghathogna na hatimare mae engel ka fitu khiloau gre. Eghuteuna iagho jaola filodi fitu juta teke hohoro ka gol. Fitu juta igre gaoghathogna na eidi fitu khiloau tuare kolho.”

Eksodas 19:16

Hamerane ka fatilo narane na, mare ne filoni te phae nakafli biꞌo na, eghuteuna fila na ne poha, eghuteuna khoveo biꞌo ne toku tafru thogele igne. Eghuteuna naiknore jaola ne nomhini naoglagna khufli na mala laseni God te mei sighodi nogna naiknore. Eghuteuna iheire te gnafa teke au ka vido igne ne thofno mhaghu nodi fara ne fififri fara.

Diutronomi 4:32

“Ghotilo fariuriu ghusnadi thoutonu eidi gobigna lepo teke edi teke mei tifa funu ka narane God teke vuavuha naikno ka nauthoglu igne te ghilei mei posa gognarogne. Ghotilo fariuriu ghusnadi keha god delei heva heva ka nauthoglu igne eidi glepo biꞌo teke edi ka nauthoglu igne.

Profet Sekaraea 6:5

Mana ne cheke eghu, “Gaoghathogna na, igre fati nuridi kligna te jifla mei funu ka Lord mae ihei te mae Funei gna nauthoglu igne.

Matiu 24:24

Naugna ginauna hatimare mae Kraes chaichaghi nei hatimare mae profet chaichaghi teu igre ginauna thakle mei. Mare ginauna edi kmana glepo te biꞌo nei kofubobhoi biꞌo eghu ka naiknore, mala fariuriu chaghidi nei baubatu fadiꞌadi eghu naikno te gnafa teke vavahi God re. Nu theome tangomana eghu.

Matiu 24:32

Mae Jisas ne cheke eghu ka mare, “Famane fanomho fakeli ghotilo ia ka farirhiu te laseni tahati ka gaju te kiloi fig ia. Kate funu kotu seke greghe gnare eghuteuna ke fufusa majaghani khaklagnare teuna, ghotilo laseni hila finogha majaghani na la namohi.

Hibru 12:19

Mare neke nomhini naoglagna khufli nei nomhini naoglagna God te cheke mei ka mare. U cheke igne ne famhaghudi mare fara. Aonu mare ne tore faheta mala thosei ke cheke ranghidi.