Matiu 24:27 - Buka Blahi Ka Cheke Holo

²⁷ Kate meigu iara mae teke mei funu ka God na, naikno kmana ginauna filo ghau iara. Meigu iara ginauna jateula nakafli te kafli ka maloa na ia eghu. Eghuteuna naiknore ginauna tangomana te filoni heva heva.

Matiu 24:27 ပူးပေါင်းရင်းမြစ်များ

Fapea Pita 3:4

Eghuteuna mare ginauna cheke eghu ka ghotilo, “Tore, aheva si mae Jisas na ia? Mana neke nhaꞌa cheke mala ke pulo mei, nu au meu aheva eghu si mana gnea? Mae ku'edara lehe la gnafahi, nu gobigna lepo igre theome ke tughu funu ka narane teke vuavuhagna nauthoglu gne.”

Jemes 5:8

Eghume, jateula tuana eghu ghotilo au kmu ofou. Thosei nanga nomi naugna noda Lord na kela namo pulo meihi.

Profet Malakai 3:2

Nu ihei gne te nabagna te mala au heta teu ka narane nate mei mana na? Uve, theo kaisei mae nate tangomana te kegra heta kate filoni mana na. Mana ginauna na jateula mae ihei te gahu ka khaꞌaghi silva te mala khoko thonara eghu, ba jateula mae ihei te sopu nogna pohe te thona na te mala gaera eghu.

Profet Sekaraea 9:14

Lord ginauna mei ka nogna naiknore, eghuteuna jata te fada mana na kafli jateula nakafli eghu. Lord ginauna ifu nogna trampet biꞌo na, eghuteuna kate nolo te mei na, mana ginauna jateula nuri biꞌo te ghaghafa mei ke mata ra eghu.

Matiu 24:39

Eghuteuna mare theome laseni kaisei glepo nate thoke mei ginauna. Aonu nabritha biꞌo na ne mei. Eghuteuna naiknore ne kafe knoho fahui. Ginauna na jateula tuana eghu ka narane meigu iara na.

Matiu 24:37

Kate mei iara na, ginauna jateula teke eni ka narane gna mae Noa tifa ia eghu.

Matiu 16:28

“Tutuani fara te chekeni iara ka ghotilo na. Keha mae ka ghotilo au teu balugu iara gognaro igre, mare ginauna na theome leheu ghilei filo ghau iara mae teke mei funu ka God nate mei te mala funei frunidi nogu naiknore.”

Profet Malakai 4:5

“Nogu narane biꞌo iara na ginauna mei, eghuteuna naiknore ginauna mhaghu nodi fififri fara kate thokei meigna narane igne. Nu ulu lahu na iara na kuru meini mae profet Elija ka ghotilo ame thoke mei nga narane te mala fatedi naiknore.

Profet Isaia 30:30

Nu Lord mae ihei te noda King tahati igne, mana toghodi nogna naiknore mala nomhini naoglagna mana te biꞌo na. Eghuteuna mana ginauna na fakakhana nogna nolaghi biꞌo te jateula khaꞌaghi te ghamu fahui gobigna lepo fateo ra teuna ka mare. Mana ginauna mei jateula fila eghu soru mei balu nakhete thina.

Thoutonu Eigna Mae Job 37:3

Mana fada tei nakafli na ka vido te gnafa ka maloa gne, funu ka keha phile tei posa ka keha phile na.

Matiu 24:3

Kate gnokro mae Jisas ka Thogele Gaju Olivi, hatimare mae fanomhore mei ne ghusna poru eghu ka mana, “Ghema, niha nau thoke meidire glepo igrea? Eghuteuna unha nafnata fagaglana narane mala ke pulo meimu nei narane mala huigna teu nauthoglu igne?”

Matiu 8:20

Mae Jisas ne cheke eghu ka mana, “Gauhare au nodi vido te mala thuru na eghuteuna nanghajire au nodi gnoku. Nu iara mae teke mei funu ka God na, theo kaisei namono te mala augu na.”

Thoutonu Eigna Mae Job 38:35

Ba, iagho tangomana te cheke faheta ka nakafli are te mala phae na? Ba, iagho gaoghathomu na nakafli gre tangomana te mei te cheke eghu ka iagho, ‘Mae funei, ghehati agneu gognarona’ teuna?

Profet Esikiel 1:14

Glepo karha igre ghosei tugha faꞌulu nei tugha faleghu eghu jateula naphaegna nakafli eghu.

Matiu 16:27

Tutuani fara, iara mae teke mei funu ka God na ginauna nake pulo mei ka nauthoglu igne balu nogna nolaghi biꞌo mae Mama. Eghuteuna, nogna engel mae Mama re ginauna mei balugu iara. Ka narane tuana iara ginauna tabadi naiknore eidi unha gloku teke edi mare.

Matiu 24:26

“Eghume mare jame mei cheke eghu ka ghotilo, ‘Mae Kraes na kela pulo meihi, mana na tei kmiru mata,’ thosei tei jare. Ba mare jame cheke eghu ka ghotilo, ‘Mae Kraes na au lamna chogho,’ thosei fatutuanidi.

Matiu 24:44

Eghume ghotilo jaola tarabana nomi fabrahu, naugna iara mae teke mei funu ka God na ginauna nake pulo mei kau nauthoglu igne ka narane te theome ghathoni ghotilo mala ke pulo meigu iara na.”