Matiu 23:8 - Buka Blahi Ka Cheke Holo

⁸ “Nu te chekeni iara ka ghotilo na, thosei jateula mare eghu snakreni kaisei naikno mala kilo ghami ‘Mae Velepuhi’. Naugna ghotilo kafe thabusigna nei thabureghagna eghu ngala. Eghuteuna iara ngala nomi mae velepuhi ghotilo na.

Matiu 23:8 ပူးပေါင်းရင်းမြစ်များ

Jemes 3:1

Kheraguro, theome kmana mae ka ghotilo te magnahaghei mae velepuhi ka khiloau gne. Naugna ghotilo laseni God ginauna na fate ghita tahati mae velepuhi gre ke tulaodi keha naikno te theome velepuhi are.

Ululahu Pita 5:3

Thosei kegra me poapola kolho jateula kaisei mae funei eghu ke klignadi naikno te au ka khamemi ghotilo are. Nu te keli na ghotilo loku fodu batudi ka puhi te keli mala tangomana mare te leghu ghami ghotilo na.

Luku 22:32

Nu iara tarai eimu iagho mala theome blogho iagho ka nou fatutuani na. Eghuteuna kate figri mei iagho ka iara na, iagho ke toghodi mae kheramu are mala ke heta fapulo mare nodi fatutuani na ka iara.”

Matiu 23:10

Eghuteuna thosei snakre dila mare mala kilo ghami ‘Mae Funei,’ naugna nomi funei ghotilo te hui na kaisei mae Kraes ngala.

Matiu 17:5

Kate cheke mae Pita na, kaisei khoveo te siasigla ne kafe toku tafrudi mare. Eghuteuna ka vido tuana kaisei naogla ne mei funu ka khoveo na, ne cheke eghu, “Igne thofno mae Thugu iara na. Iara namhani mana nei keli taguni eghu mana. Ghotilo fanomho fakeli nei leghuni eghu mana!”

Thakle 1:9

Iara mae Jone, kaisei mae kherami ghotilo ka khiloau eigna tahati te gnafa na kafe fatutuani ni mae Jisas. Kraes na noda King eghuteuna tahati mala kegra heta fodu, neubane para ghita naiknore. Tutuani, mare lilisei ghau iara ka suga sosolo ka moumolu ikoi Patmos, eigna iara ne toutonuni chekegna God na nei cheke ka tutuani eigna mae Jisas.

Thakle 22:9

Nu mana ne cheke eghu ka iara, “Ghema, theo, thosei pogho soru ka iara! Pogho soruni God kolho! Naugna iara kaisei mae gloku jateula iagho eghu kolho, nei mae thabusimu hatimare mae profet ra. Iara kaisei mae gloku jateula iheire te gnafa te leghudi u cheke te au ke lamnagna buka igne.”

Thakle 19:10

Iara ne tuturupuku soru ke ulugna engel na mala pogho soru ka mana, nu mana ne cheke eghu ka iara, “Thosei pogho soru ka iara! Iagho pogho soruni God kolho! Naugna iara kaisei nogna mae gloku God kolho jateula iagho nei hatimare mae thabusida ka khiloau gne teke fatutuanidi thofno cheke teke toutonudi mae Jisas ra.” Mana ne chekeni igne naugna thofno cheke teke toutonudi mae Jisas igre ngala teke thofno toutonudi la hatimare mae profet ra.

Efesus 3:15

Eigna mae fatutuani te gnafa te au nga teu ka nauthoglu gne, ba iheire te au teu kligna gognaro gne mana kilodi goro thugna.

Fapea Korin 4:5

Ghehati theome toutonu eimi themi, nu ghehati toutonu eigna mae Jisas Kraes na Lord. Eghuteuna ghehati nomi mae gloku ghotilo mala toutonu eigna mae Jisas.

Fapea Korin 1:24

Ghehati theome magnahagheni te sagheleghudi nomi fatutuani ghotilo re, naugna ghehati lase ghami ghotilo tela kegra hetahi ka nomi fatutuani na ka God. Nu ghehati magnahagheni te loku balumi ghotilo mala tangomana ghotilo te gleale'a na.

Matiu 26:49

Aonu, mae Judas doglo ne tei ka mae Jisas ne cheke eghu ka mana, “Pharikeli, mae velepuhi!” Mae Judas ne gnanghoni mana.

Matiu 10:25

Mae sikolu na nabagna te mala jateula nogna mae velepuhi na teuna, nu mae gloku na nabagna te mala jateula nogna mae funei na teuna. Nu keha naiknore kilo ghau iara Bielsebul, kaisei nanghagna mae Satan. Nu te cheke eghu mare ka iara nomi mae funei ghotilo na, mare ginauna na eghu la cheke fadiꞌa ghami ghotilo ke tulao gu iarai.”

Matiu 23:7

Mare magnahaghedi naiknore te ghatho tahudi nei kilodi ‘Mae Velepuhi’ ke lamna glalaba. Gaoghatho te edi mare glepo te keli igre mala filo naiknore eghu kolho.

Matiu 26:25

Mae Judas ne cheke eghu, “Tutuani fara, Lord, theome iara si nate majora nigho iagho na ia?” Mae Jisas ne cheke eghu ka mana, “Uve. Iagho ngala.”

Nonomho Te Keli Teke Risoi Mae Mak 9:5

Mae Pita ne cheke eghu ka mae Jisas, “Velepuhi, thono keli fara te au tahati agne na. Ghetilo na hohoro thilo grorofe agne, kaisei malamu iagho, kaisei malagna mae Moses, nei kaisei malagna mae Elija.”

Nonomho Te Keli Teke Risoi Mae Mak 10:51

Mae Jisas ne ghusna eghu ka mana, “Unha te magnahagheni iagho te mala eni iara ranghi nigho na?” Mae te dofu na ne cheke eghu ka mana, “Velepuhi, iara magnahaghei teke fifilo fapulo.”

Nonomho Te Keli Teke Risoi Mae Mak 11:21

Mae Pita neke ghathoni teke cheke mae Jisas na ne cheke eghu ka mana, “Velepuhi, filo sagho ka gaju fig teke tibrini iagho ia la lehe hila sia!”

Nonomho Te Keli Teke Risoi Mae Mak 14:45

Aonu mae Judas ghosei ne tei ka mae Jisas ne cheke eghu, “Ghema Velepuhi!” Eghuteuna gnanghoni mana.

Jone 1:38

Mae Jisas figri ne filodi phiamare te mei ke leghugna re. Mana ne cheke eghu ka phiamare, “Magnahaghei unha si ghopa ia?” Phiamare ne cheke eghu ka mana, “Rabae, au aheva si iagho ia?” Cheke “Rabae” teu igne gaoghathogna na “Mae velepuhi” eghu.

Jone 1:49

Mae Natanel ne cheke eghu ka mana, “Mae velepuhi, iagho thofno Thugna God! Iagho nodi King hatimare mae Israel!”

Jone 3:2

Kaisei bongi mana neke mei ka mae Jisas, ne cheke eghu ka mana, “Velepuhi, ghehati lase nigho iagho kaisei mae velepuhi biꞌo neke mei funu ka God. Naugna jame te theome togho nigho God na, iagho jame theome tangomana te edi kofubobhoi igre.”

Jone 3:26

Aonu mare ne mei ka mae Jone ne cheke eghu ka mana, “Mae velepuhi, laseni sagho kaisei mae teke au balumu ka keha phile Kho'u Jordan ia? Mae teke chekeni iagho ka naikno ra, gognarona mana la faꞌapublahi naikno, eghuteuna naiknore la kafe tei ka mana!”

Jone 4:31

Ke leghugna teke pulo naꞌa ka namono Saeka na mae fanomhore ne cheke eghu ka mana, “Velepuhi, ima gheu!”

Jone 6:25

Naiknore ludeni mae Jisas ka keha phile kholo na ne cheke eghu ka mana, “Velepuhi, neke mei niha agne sagho ia?”

Jone 9:2

Nogna mae fanomho mana re ne ghusna eghu ka mana, “Mae velepuhi, nakhibogna mae ihei si te fadofuni mae ignea? Nakhibogna thegna ba idogna kmagnare?”

Jone 11:8

Mae fanomhore ne cheke eghu ka mana, “Mae velepuhi, iagho theome laseni ngala si teke rodi fadi falehe nigho hatimare mae biꞌodi mae Jiure ka thina jare ia? Nu gognarona iagho ke magnahaghei pulo ngala jare sia?”

Jone 20:16

Mae Jisas ne cheke eghu ka naꞌa, “Meri.” Meri figri ne filo glanini mae Jisas ne cheke eghu, “Raboni!” Gaoghathogna ka cheke Hibru na “Velepuhi”.

Filimon 1:16

Eghuteuna gognaro na mana theome kaisei mae sneka kolho. Theo. Gognaro na mana kaisei mae ke tulao gna mae snekai, nu mana thofno mae thabusida ka khiloau. Iara magnahagheni fara mana nu jau iagho ginauna magnahagheni fara mana ke tulao gu iarai, naugna mana nou mae sneka keli iagho nei mae kheramu kelila ka khiloau gne.