Matiu 23:38 - Buka Blahi Ka Cheke Holo

³⁸ Eghume gognarona God ginauna tei kokoni nomi namono ghotilo gne mala nagou.

Matiu 23:38 ပူးပေါင်းရင်းမြစ်များ

Profet Jeremaea 22:5

Nu jame te theome leghuni ghotilo nogu cheke iara igre na, tutuani fara, iara ginauna goigoni ni fara suga biꞌo igne.’ ”

Luku 13:35

Eghume gognarona God ginauna tei kokoni nomi namono ghotilo gne mala nagou. Te chekeni iara ka ghotilo na, ghotilo ginauna theome filo ghau iara ghilei thokeni narane te mala meigu iara na, eghuteuna ghotilo ginauna kafe cheke eghu, ‘God fablahini mana te mei ka nanghagna Lord!’ ”

Luku 21:24

Kehare ginauna ghoreho ka naflahi, eghuteuna kehare ginauna hata tei mala sosolo ka keha namono delei. Naikno te theome Jiu igre ginauna mei goigoni ghami nei funei frunini namono Jerusalem ghilei thoke mei nodi narane leghu lahu na.”

Luku 21:20

Mae Jisas ne cheke eghu, “Kate filodi ghotilo mae soldia te kafe khegra falithuni Jerusalem, ghotilo na laseni mare namo phaꞌe namono biꞌo Jerusalem.

Luku 21:6

“Gobigna lepo te khuakhuda te filodi ghotilo igre ginauna groꞌe. Ka narane tuana thina igre ginauna khoko soru pari. Eghuteuna ginauna theo kaisei thina nate au teu ka teke au gna gognaro gne.”

Ululahu Kings 9:7

iara ginauna na khi fajifla ghami ghotilo mala jifla ghotilo ka namono teke tusu ari iara ka ghotilo igne. Eghuteuna iara ginauna theome au ka Sugablahi teke fablahi iara mala pogho soruni nanghagu iara na teku igne. Eghuteuna naiknodi keha kantri are ginauna cheke fadiꞌa ghami nei maꞌe ghami eghu ghotilo naiknomi Israel.

Nonomho Te Keli Teke Risoi Mae Mak 13:14

Mae Jisas ne cheke eghu, “Ghotilo ginauna filoniu kaisei glepo te diꞌa fara ginauna kegra ka vido aheva te theome nabagna te mala au na.” (Iagho mae ihei te iu'ijuni igne lase fakelini gaoghathogna na.) “Kau narane tuana naikno te au ka Provins Judia are na rikha tei mala poru ka thogele gro.

Matiu 24:2

Mana ne cheke eghu ka mare, “Uve, ghotilo filodi suga igre. Nu tutuani fara te chekeni iara ka ghotilo na, gringni thina igre ginauna kafe koko pari. Nu ginauna theo kaisei thina nate au ka vido te au teu gognaro gne.”

Profet Sekaraea 11:6

Iara magnahaghei nigho iagho te eni glepo igne, naugna iara ginauna theome ke kokhonidi naikno gna vido igne. Iara ginauna tusu lao gaoghatho te diꞌa ka mare mala goigonidi kheradire, eghuteuna iara liliseidi mae igre ke paridi nodi nolaghi nodi mae lida re. Mare ginauna goigoni glose igne, eghuteuna iara ginauna na theome fakarhini kaisei ka mare eigna puhi biꞌo igne.”

Profet Daniel 9:26

Ka gnafadi narane igre, mae te vavahi God igne, mare ginauna faleheni mana ka puhi te theome doglo. Nogna armi kaisei mae king te rheta fara na ginauna ruma mei ke lamnagna namono biꞌo Jerusalem. Mare ginauna mei goigoni namono biꞌo igne balugna nogna Sugablahi God na. Armi igne ginauna mei jateula kaisei nabritha biꞌo te mei goigoni gobigna lepo ra eghu. Magra biꞌo igne ginauna na theome gnafa ghilei thokeni narane leghu lahu na. Glepo igre ginauna thoke mei leghuni unha teke chekeni God na.

Nodi Khoje Hatimare Mae Jiu 69:24

Diꞌatamu sagho nei paradi eghu mare, uve, mala thokedi mare hoholo.

Nodi Khoje Hatimare Mae Jiu 69:25

Falehedi gnafa sagho mala theo kaisei naikno te karha teu ka nogna suga tapuale na.

Profet Isaia 5:9

Iara nomhini Lord mae ihei te au nolaghi fateote'o igne ne cheke eghu, “Tutuani fara, nomi famane suga biꞌo ghotilo are ginauna krogha, eghuteuna nomi chogho ghotilo are ginauna theo kaisei naikno nate au tadi re.

Profet Sefanaea 3:6

Lord ne cheke eghu, “Iara neke roꞌedihi naikno te gnafa, baludi nodi namono te bara te maku teu igre. Eghuteuna ginauna na theo kaisei naikno nate nolo tafri ke lamnagna nabrou na, naugna theo kaisei naikno te au faleghu na.