Matiu 23:37 - Buka Blahi Ka Cheke Holo

³⁷ Aonu mae Jisas ne cheke eghu, “Ghotilo naikno te au Jerusalem! Ghotilo falehedi hatimare mae profet ra nei fada falehedi ka thina mae teke kuru mei God ra. Kmana fata iara magnahaghei ghami ghotilo mala mei ka iara. Iara magnahaghei reireghi ghami ghotilo jateula khokorako gaꞌasegna te opo tafru thugnare ke pari baghigna ra eghu. Nu ghotilo tiromi magnahagheni ngala.

Matiu 23:37 ပူးပေါင်းရင်းမြစ်များ

Thoutonu Eigna Rut 2:12

God gna Israel ginauna taba nigho eidi unha gloku te keli teke edi iagho ra. Eghuteuna mana ginauna reireghi fakeli nigho, naugna iagho ne mei ka mana jateula kaisei sua nanghaji te deni nogna vido mala poru na ia neu.”

Nodi Khoje Hatimare Mae Jiu 91:4

Mana ginauna reireghi fakeli nigho jateula khokorako gaꞌasegna te toku tafrudi thugnare ke paridi bagigna ra eghu. Eghuteuna mana ginauna tajini nogna nhaꞌa cheke na mala reireghi nigho nei baubatu nigho eghu.

Nodi Khoje Hatimare Mae Jiu 17:8

Reireghi ghau jateula iagho te reireghi fakelidi tathamu are eghu. Pophoru fakeli ghau jateula khokorako gaꞌase gna te toku tafrudi thugnare ke paridi phia bagignara eghu.

Nodi Khoje Hatimare Mae Jiu 36:7

God, puhimu iagho te namha ghami ghehati na thofno keli fara. Eghume ghehati tangomana te ari poru ka iagho na jateu sua khokorako te poru ke paridi bagi gna idodi na ia eghu mala taji fakeli ghami ghehati.

Nehemaea 9:26

“Nu neuba ngau, mare figri tagru nigho nei theome leghu nigho, nei theome magnahaghedi nou vetulare. Mare falehedi nou mae profet, mae iheire te mala cheke ranghidi mala teke pulo mei mare ka iagho. Mare edi thua nafnata glepo te diꞌa mala goigoni nigho iagho.

Nodi Khoje Hatimare Mae Jiu 63:7

Naugna iagho ne togho ghau iara koba. Iara gne au fakeli nogu ke parimu iagho jateula khokorako te toku tafru thugnare ke paradi phei bagi gnara eghu na. Eghume iara koje balu gleꞌa.

Profet Jeremaea 35:15

Kmana fata iara kuru mei nogu mae gloku, hatimare mae profet. Mare mei toutonu koba ka ghotilo nogu cheke iara na. Mare cheke eghu koba ka ghotilo, “Ghotilo te gnafa na mala koko puhimi te diꞌare mala leghuni puhi te doglo na. Ghotilo thosei leghudi nei tarai eghu ka keha god are. Jame te eghu ghotilo na, ghotilo ginauna na au fakeli ka glose teke tusu lao iara ka mae kuꞌemi ghotilo tifa ra.” Nu leuleghu fata na ghotilo tiromi fanomho ka nogu cheke iara igre, nei tiromi leghu ghau iara.

Matiu 22:3

Mae funei na ne kilodi keha naikno mala mei ka gaghamu igne. Kate tarabanahi gaghamu na, mae funei na ne kuru teidi nogna mae glokure mala chekedi naiknore mala mei ka gaghamu na. Nu mare ne tirodi mei.

Matiu 5:12

Neuba, ghotilo gleꞌa nei keli tami eghu, naugna ginauna Kmada na taba fabiꞌo ghami ghotilo kligna. Naiknore ginauna para ghami ghotilo jateula teke edi hatimare mae Jiu ka nogna mae profet God tifa ra eghu.”

Profet Hosia 11:2

Nu kmana fata iara neke ehadi mala mei ka iara, nu mare tirodi neke tei fakhaba ka iara. Mare fafara nei jaola gahu insens koba ka mumuju god Baal igre.

Nodi Khoje Hatimare Mae Jiu 57:1

God, kokhoni ghau iara. Naugna iara au ka puhi biꞌo te jateula goigovi biꞌo teu igne. Iara mei mala poru ka iagho jateula sua nanghaji te poru ke paridi bagignai idodi na ia eghu mala au fakeli nogu ka iagho, ghilei salaꞌu ari u puhi biꞌo jateula goigovi biꞌo teu te goigoni ghau iara igne.

Ululahu Tesalonika 2:15

Mae Jiu tuare neke faleheni noda Lord Jisas nei hatimare mae profet. Eghuteuna mare jaola huhuru ghita mala jifla ka namono tuana. Mare theome keli ranghini God, eghuteuna mare nodi naoka naikno te gnafa.

Profet Jeremaea 44:4

Leuleghu fata na iara kurudi koba hatimare mae profet nogu mae gloku iara ra, mala mei cheke eghu ka mare, ‘Ghotilo thosei eni glepo te diꞌa te tiroguni fara iara igne!’

Matiu 22:6

Eghuteuna, kehare tei ne lokidi mae glokure, ne puridi, nei falehedi.

Profet Sekaraea 1:4

Ghotilo ginauna thosei leghudi puhidi kuꞌemi ghotilo tifa ra. Tifa na, mae profet neke chekeni nogu cheke iara na ka mare gnafa mala lilisei puhi te diꞌa re nei nakhibodi re. Nu mare tirodi fanomho ka nogu cheke iara na, eghuteuna mare jaola tirodi te leghu ghau iara na.

Profet Hosia 11:7

Nogu naikno iara igre au nodi gaoghatho te mala figri tagru ghau iara na. Uve, neuba mare ne eha mei ka iara God mae ihei te au nolaghi fateote'o, iara ginauna na theome toghodi.

Profet Jeremaea 26:23

Mare lokini mae Iuraea atha neke pulo ka King Jehoiakim. Aonu king chekedi nogna mae glokure ne faleheni mana. Aonu mare atha thinigna mana na ne tei koko soru ka bekudi naikno te kumare.

Profet Jeremaea 6:8

Ghotilo naiknomi Jerusalem! Ghotilo fanomho mei ka nogu cheke iara igne! Na eghunu tei koko ghami iara eghu, eghuteuna nomi namono ghotilo igne ginauna krogha jateula namono nagou ra eghu na theo kaisei naikno te au tagna na.”

Profet Jeremaea 4:14

Ghotilo naiknomi Jerusalem, niha nau ame tughu nakarha nga eghu si ghotilo ia? Koko si ghotilo puhimi te diꞌare mala ke au klino, eghuteuna God ginauna na fakarhi ghami ghotilo.

Profet Jeremaea 2:30

Iara neke para ghami ghotilo, naugna iara magnahaghei te fadoglodi puhimi ghotilore, nu ghotilo tiromi tughu puhimi te diꞌare. Eghuteuna ghotilo jateula lion te rofo ra neu ne falehedi koba nogu mae profet iara ra.

Profet Isaia 50:2

Kate mei iara na, iara theome filoni kaisei naikno jare. Kate eha iara na, theo kaisei naikno te cheke tughu na. Ba, na theome fakarhi ghami iara neu si ghotilo ia? Ba, ne theo kaisei nogu nolaghi iara te mala fakarhi ghami na neu si ghotilo ia? Filo si ghotilo, kate cheke kolho iara na nhorora biꞌo na ginau moja, khoꞌure ginauna jaola figri ke kaisei namono nagou, eghuteuna sasare ginauna kafe lehe.

Thakle 17:6

Eghuteuna iara ne filoni gaꞌase igne naꞌa ne dranga, eigna naꞌa ne koꞌu dadaradi nogna naikno God re. Naꞌa neke falehedi naikno khiloaure, naugna mare ne fatutuani ni mae Jisas. Aonu kate filoni iara te eghu naꞌa igne, iara ne jaglo nogu fara nei diꞌanagnafagu.

Luku 15:28

“Mae tighagna na ne diꞌatagna fara ne tirogna ruma ka gaghamu na. Aonu mae kmagna na jifla ne toreni mae thugna na mala ruma ka suga na.

Profet Isaia 5:4

Iara la edihi gobigna lepore ka nogu nagare iara igne eghuteuna iara theome laseni unha nate eni tagna na. Kate tei mala hata sisi teu iara tagna na, iara ne filodi kolho sisi te diꞌare.

Profet Jeremaea 32:31

Kani teke funu eni gna mae kuꞌedi mae igre namono igne tifa na, iara neke diꞌatagu fara. Naugna igne te goigoni ni iara namono igne mala theome filoni iara.

Profet Jeremaea 36:26

Aonu mae king ne kuruni Jeramel thugna mana na, mae Seraea thugna mae Asriel, nei mae Selemaea thugna mae Abdel teu igre mala tei lokidi mae profet Jeremaea ghe mae Baruk. Nu mare ne theome filodi mae Jeremaea ghe mae Baruk, naugna Lord ne pophorudi phei mare.

Profet Hosia 7:13

Naikno igre kokhonodi fara! Naugna mare ne tirodi ghau iara ne tei koko ghau iara. Eghuteuna iara ginauna na thofno roꞌedi fara mae igre, naugna mae igre ne figri tagru ghau iara. Iara magnahaghei te fakarhidi, nu mare ne cheke chaichaghi eigu iara.

Matiu 23:31

Ka nomi cheke themi tuare ghotilo cheke thakle ghauhi themi, ghotilo ngala thofno vikedi hatimare mae teke falehedi mae profet ra.