Matiu 23:35 - Buka Blahi Ka Cheke Holo

³⁵ Naugna igne, God ginauna fate ghami ghotilo eigna glehedi nogna mae te doglore funu ka glehegna Abel mae te keli ia ghilei posa ka glehegna mae Sekaraea, thugna mae Barakia. Mae ku'emi ghotilo re neke faleheni mana rhegna olta na ka Sugablahi na.

Matiu 23:35 ပူးပေါင်းရင်းမြစ်များ

Profet Sekaraea 1:1

Ka fahana nhigra gna fapea finogha te King Darius te funei fruni kantri Pesia, cheke gna Lord na ne mei ka Profet Sekaraea, thugna Berekaea, gragna Ido. Mana ne cheke eghu,

Hibru 11:4

Tifa na mae Ebol neke fatutuani ni God, naugna igne nogna fafara mana na ne keli fara uluni nogna fafara mae thabusigna mae Kein. Eigna te fatutuani mae Ebol, God filo glani mana kaisei mae te doglo fara eghuteuna God neke cheke fakelini nogna fafara mana na. Neubane lehehi mana tifa, chekegna mana na chekeu ngala ka tahati gognaro gne naugna unha teke eni mana tifa igne farirhiu ghita tahati fabrahu eigna fatutuani ni God.

Jenesis 4:8

Nu mae Kein ne tirogna fanomho ka Lord. Kaisei fata mae Kein ne cheke ka mae Abel tahigna na mala tei nonolo balugna. Eghuteuna kate au teu phiamare mhata na, mae Kein ne kegra haghe ne akni faleheni mae tahigna na.

Thakle 18:24

Papara igne thokeni Babilon naugna naiknogna namono tuana neke falehedi hatimare mae profet nei keha nogna naikno God teke au ka namono tuana. Tutuani, mare neke falehedi naikno te gnafa ka nauthoglu igne.

Profet Jeremaea 26:15

Nu kaisei glepo te mala lase fakelini ghotilo na igne. Jame te falehe ghau iara ghotilo na, ghotilo ginauna thofno nakhibomi fara, naugna ghotilo ne faleheni mae ihei te theome eni kaisei najafra na. Eghuteuna ghotilo balugna namono igne nei iheire fateo te au ka namono igne nabami na au papara eigna glepo igne. Naugna Lord thegna neke kuru mei ghau iara ka ghotilo mala toutonudi glepo igre mala nomhidi ghotilo.”

Fapea Kings 24:4

Mana neke aknu falehe kmana naikno te theo nakhibodi igre Jerusalem, eghuteuna Lord na theome tangomana te hata fadelei nakhibo igre.

Fapea Kings 21:16

King Manase jaola ne aknu falehe kmana naikno fara, aonu dadaradi naikno te theo kaisei nakhibodi igre ne fodu ka namono Jerusalem. Nu jaola, mana neke batudi naiknodi Juda igre neke edi glepo te diꞌa ka tathagna Lord.

Hibru 12:24

Ghotilo mei ka Jisas, mae ihei teke thofno farhetani nogna nhaꞌa cheke majaghani God na. Ghotilo mei mala fagagae ka dadaragna mae Jisas te au kaisei nonomho te keli te uluni dadaragna mae Ebol. Naugna mae Jisas neke lehe te mala falalase ka naiknore nogna namha biꞌo God, nu mae Ebol neke lehe naugna mae thabusigna thegna na neke faleheni mana.

Luku 11:51

Tutuani fara, God ginauna fate ghami ghotilo eidi glehedi mae blahi tifa ra, fufunu ka glehegna mae Ebol mei posa ka glehegna mae Sekaraea teke falehe mare rhegna olta gna nogna Sugablahi God.

Profet Jeremaea 26:23

Mare lokini mae Iuraea atha neke pulo ka King Jehoiakim. Aonu king chekedi nogna mae glokure ne faleheni mana. Aonu mare atha thinigna mana na ne tei koko soru ka bekudi naikno te kumare.

Profet Isaia 26:21

Mana ginauna soru mei funu kligna mala paradi naikno te gnafa ka nauthoglu igne eidi nakhibodi. Puhi te falehe poru naikno igre ginauna kakhana, eghuteuna dadaradi naikno te lehe ra ginauna kakhana ke kligna glose.

Profet Jeremaea 2:34

Ghotilo chaghidi naikno te kuma te theome eni kaisei najafra na. Eghuteuna mae te kuma igne ne theome ruma ne blau ka nomi sugare. Neuba, puhi te eni ghotilo igne jateula puhigna mae ihei te faleheni mae kheragna fofodu na ia eghu. Puhi te eni ghotilo ka naikno te kumare igne goigoni ghami fara ghotilo, jateula vido dadara te goigoni nomi pohe ghotilo ra eghu.

Profet Jeremaea 2:30

Iara neke para ghami ghotilo, naugna iara magnahaghei te fadoglodi puhimi ghotilore, nu ghotilo tiromi tughu puhimi te diꞌare. Eghuteuna ghotilo jateula lion te rofo ra neu ne falehedi koba nogu mae profet iara ra.

Naba 35:33

“Ghotilo laseni hila, mae aknu poru na tangomana te goigonini nomi namono ghotilo na. Eghume ghotilo thosei lisadi keha mae are mala goigonini nomi namono ghotilo na. Ghotilo mala faleheni kolho mae te khuru falehe naikno fara tuana, mala ke keli nomi namono ghotilo na.

Profet Isaia 14:21

Hata mei thugna king ra mala aknu falehe agne. Uve, mare mala kafe lehe eidi puhi te diꞌa teke edi mae kuꞌedi tifa ra. Eghuteuna ginauna theo kaisei ka mare na teke funei fruni ni kantri igne, ba horo nodi namono biꞌo heva heva ka nauthoglu igne.”

Profet Jeremaea 26:8

Nu kate cheke te gnafa mae Jeremaea gobigna lepo teke chekedi Lord ka mana igre na, mae pris, mae profet nei naikno te gnafa teu igre ne lokini mae Jeremaea ne eha eghu fabiꞌo, “Iagho mala lehe!

Mae Khuru 5:28

“Tore! Ghehati neke cheke fahetahi ka ghotilo mala thosei ke farirhiudi naiknore ka Nangha tuana. Filoni si ghotilo, u nomi nafnata farirhiu ghotilo igne la tei thoke heva heva Jerusalem. Eghuteuna ghotilo magnahaghei te fariuriu mala faghoroni ka ghehati glehegna mae tugne.”