Matiu 23:29 - Buka Blahi Ka Cheke Holo

^29-30 “Tutuani fara, puhi biꞌo ka ghotilo mae velepuhi nei mae Farasi teu igre! Ghotilo mae chaghi fara! Ghotilo hohoro tuthuana ka bekudi hatimare mae profet teke aknu falehe mae kmami ghotilo ra, nei ghotilo lalaoni bekudi mae teke au doglo ra. Eghuteuna ghotilo cheke eghu, ‘Jame au dedi tahati naranedi mae kmada ra meuna, tahati jame theome toghodi mare ka glehedi mae profet ra.’

Matiu 23:29 ပူးပေါင်းရင်းမြစ်များ

Mae Khuru 2:29

“Uve, kheraguro, iara magnahaghei te toutonu fakeli ka ghotilo eigna mae kuꞌeda King Devet tifa ia. Mana neke lehe eghuteuna mare neke giugilunihi mana, eghuteuna bekugna mana na au ngala ka namonoda tahati gne ghilei posa ka narane gognaro gne.

Matiu 23:27

“Puhi biꞌo ka ghotilo mae velepuhi nei mae Farasi teu igre! Ghotilo mae chaghi fara! Ghotilo jateula beku te famane simede te klino ke kosi na, eghuteuna keli fara fifilogna na teu ia eghu. Nu ke lamna na fodu ka nhubra nei thinidi naikno te lehe te boto re.

Matiu 23:28

Ghotilo jateula tuana eghu blahi fara filomi ka tathadi naiknore. Eghuteuna, ke lamna na ghotilo fodu ka chaichaghi nei ka puhi te diꞌa fara.