Matiu 23:16 - Buka Blahi Ka Cheke Holo

¹⁶ “Puhi biꞌo ka ghotilo mae velepuhi nei mae Farasi teu igre! Ghotilo baubatudi naiknore, nu ghotilo mae baubatu dofu! Naugna nomi farirhiu ghotilo themi ia eghu agne, ‘Mae ihei te baubahu ka Sugablahi na, mana tangomana te huhughuni baubahu tuana. Nu mae ihei te baubahu kau sesere te au ke lamna Sugablahi na, baubahu tuana te mala leghuni na.’

Matiu 23:16 ပူးပေါင်းရင်းမြစ်များ

Matiu 15:14

Eghume thosei ghatho tahudi ghotilo mae Farasi gre. Mare mala batudi mae te iho gre, eghuteuna mare thedi na jateula mae dofu eghu. Laseniu ngala ghotilo cheke igne, naikno te dofu nu ke batuni keha naikno te dofu la teuna, phiamare ginauna na kafe tei snoꞌo ka khora.”

Matiu 23:24

Ghotilo baubatudi naiknore, nu ghotilo mae baubatu dofu eghu! Naugna ghotilo krisu koko sisimi te thoti ke lamnagna nomi tapera na, nu ghotilo aga soruni ngala kamel biꞌo na ka thi'ami re!

Matiu 23:17

Ghotilo mae noli nei dofu eghu! Aheva gne te glepo ulu na, sesere ba Sugablahi gne? Sugablahi igne glepo ulu te mala fablahidi sesere igre.

Jemes 5:12

Kheraguro, kaisei glepo biꞌo te mala laseni ghotilo na igne. Ne nhaꞌa cheke nganu, ghotilo thosei baubahu lao ka kaisei glepo kligna ba pari ba unha langau. Chekeni ngala, “Uve, tutuani fara” ba chekeni ngala, “Theo, theome tutuani.” Te theome eni ghotilo igne na, God ginauna na fate ghami ghotilo.

Matiu 23:26

Ghotilo mae Farasi igre, ghotilo mae dofu fara! Kulu famane fagagae ghu si ghotilo nagnafami re. Aonu, ame tangomana nga ghotilo te keli puhimire eghu.

Matiu 23:19

Ghotilo mae dofu! Aheva gne te glepo ulu na, fafara ba olta? Olta igne te glepo ulu te mala fablahini fafara igne.

Galesia 5:3

Eghuteuna iara gne nake chekei ngala ka ghotilo, iheire fateo te snakredi thedi te vahe are, mare mala thofno leghudi vetula fateore.

Profet Isaia 9:16

Mae igre batudi naiknore ka puhi te theome doglo.

Matiu 23:13

“Puhi biꞌo ka ghotilo mae Farasi nei mae velepuhigna vetula nogna mae Moses teu igre! Ghotilo chaghi fara! Naugna ghotilo fanagra nabrou te mala tei ka God na. Ghotilo themi na tiromi ruma eghuteuna ghotilo fanagradi naikno te magnahaghe ruma fari hoteidi naikno te funei frunidi God re.