Matiu 23:15 - Buka Blahi Ka Cheke Holo

¹⁵ “Uve, puhi biꞌo ka ghotilo mae velepuhi nei mae Farasi teu igre! Ghotilo chaghi fara! Naugna ghotilo tei kasa nhorora ba moumolu mala harini ihei te mala leghudi puhimi ghotilo re. Ke leghugna te leghudi puhimi ghotilo re, mana ginauna diꞌa fara ke tulaomi ghotiloi, eghuteuna naba te tei Gehena jateula ghotilo themi eghu.

Matiu 23:15 ပူးပေါင်းရင်းမြစ်များ

Efesus 2:3

Tifa na, tahati te gnafa na neke au jateula mare neku. Tahati neke diꞌa nei leghuni kolho unha te magnahagheni theda na, eigna tahati eni unha thini nei gaoghathoda te magnahagheni. Naugna igne, God nabagna te para ghita jateula keha naikno te theome leghuni mana re eghu.

Mae Khuru 13:43

Ka suga tharai na, jare kmana Jiu nei keha naikno teke theome Jiu tifa re, eghuteuna gognaro na mae Jiu kela pogho soru ranghini God. Ke leghugna tharai na, mare leghudi mae Pol ghe mae Banabas ne tei ka nabrou na. Phiamare ne cheke ranghidi mala leghuni fabrahu u nogna nabrou khokofakasai God na.

Mae Khuru 13:10

ne cheke eghu ka mana, “Ghema, iagho thugna mae Satan! Iagho tiroudi gobigna lepo te kelire. Eghuteuna iagho fodu salaꞌui ka nafnata puhi te chaichaghi nei puhi te diꞌa nei batu fadiꞌadi naiknore eghu. Iagho leuleghu fata na fadiꞌani koba thofno chekegna Lord na ne jateula te khogla cheke chaichaghira neu kolho.

Mae Khuru 14:2

Nu keha mae Jiu te tirodi fatutuanire ne toutonu chaichaghi ka naikno te theome Jiure mala diꞌa tadi nei theome magnahagheidi eghu mare naikno khiloau re.

Jone 8:44

Ghotilo mae kmami na mae Satan. Ghotilo nogna naikno mana eghuteuna ghotilo magnahaghei edi unha glepo te magnahaghedi mana re. Mana kaisei mae falehe naikno funu tifa. Mana theome magnahaghei te leghuni u nabrou te tutuani na, naugna theo kaisei tutuani ke lamnagna mana. Mana kaisei mae chaichaghi, eghuteuna mana jateula chaichaghi te chekedi thegna tuare eghu. Eghuteuna, u chaichaghi te gnafare mei funudi ka mana.

Galesia 6:12

Mae iheire te fariuriu huhuru ghami ghotilo te mala vahe na, mare magnahaghei keli ka tathadi naiknore ngala. Mare eni igne naugna mare theome magnahaghedi naiknore te paradi jame te toutonuni mare eigna glehegna mae Jisas Kraes ke kligna gaju fafatha na.

Galesia 4:17

Keha naiknore fariuriu fara mala sagu ghami ghotilo, nu gaoghathodire mare theome mala eni kaisei glepo te keli kolho. Mare magnahaghe ghami ghotilo te fnota ka iara mala tangomana mare te fofodu fakeli ka ghotilo.

Matiu 5:22

Nu te chekeni iara ka ghotilo gognarona, mae ihei te diꞌatagna fara ka mae kheragna fofodu na, mare ginau na hatani mana kau fate. Eghuteuna mae ihei te cheke fadiꞌani mae kheragna fofodu na, mare na hatani mana kau fate ke uludi hatimare mae biꞌo. Eghuteuna mae ihei te cheke nolini mae kheragna fofodu na, mana ginauna tei Gehena kau khaꞌaghi te karha fabrahu na.

Mae Khuru 17:13

Nu kate nomhini mae biꞌodi Jiu te au Tesalonika te toutonuni mae Pol chekegna God Berea na, mare jifla Tesalonika ne tei thokela Berea. Mare faꞌeiꞌeidi naiknore mala diꞌa tadi ka mae Pol ghe mae Silas.

Mae Khuru 14:19

Keha naikno Jiure ne mei funudi Antiok nei Aekoniam. Mare mei ne huhurudi naiknore mala thosei leghuni mae Pol. Aonu mare fadi thina ni mae Pol ne korho teini mana ke kosi namono. Mare gaoghathodi na jaula lehehi mae Pol eghu.

Mae Khuru 2:10

Frijia, Pamfilia, Ijep, ka nohigna Libia rhegna namono Saerini. Keha ka tahati mae Jiu mei funudi Rom kolho,

Mae Khuru 6:5

Naikno te gnafare ne keli tadini u cheke igne. Aonu mare ne vahidi fitu mae igre: mae Stivin, kaisei mae te biꞌo nogna fatutuani na, eghuteuna mae Tharunga te Blahi na au balugna mana. Mae Filip nei mae Prokoras nei mae Nikano nei mae Timon nei mae Pamenas nei mae Nikolas. Mae Nikolas gne kaisei mae gna ka namono Antiok. Tifa na mana neke theome mae Jiu, nu gognaro na mana kela leghuni puhidi mae Jiure.

Nogna Buka Esta 8:17

Nogna cheke mae King igne ne tei tongana ka naikno Jiu te au ka namono biꞌo te gnafa ka provins te gnafa igre. Naiknore kelitadi fara ne eni kaisei gaghamu biꞌo. Eghuteuna kate filoni igne, kmana naikno ka keha vike igre ne mhaghu nodi fara ne salofodu mei baludi mare.

Matiu 5:29

Nu, jame te batu nigho tatha fei nhetamu na kau puhi te diꞌa na, iagho bilo koko. Theome keli te lisa lao iagho thinimu fateo na Gehena ka khaꞌaghi te karha fabrahu na. Te keli na iagho koko ngala vido ikoi tuana.

Matiu 3:7

Kmana mae Farasi nei mae Sadiusi eghu ne mei ka vido aheva te faꞌapublahi naikno mae Jone na, naugna mare ne magnahaghei mei apublahi ka mana. Eghuteuna, kate filodi mare na, mae Jone ne cheke eghu ka mare, “Ghotilo jateula mogo eghu! Naugna ghotilo lase chaichaghi fara! Ihei teke cheke ranghi ghami ghotilo te mala mei apublahi na, eghuteuna ihei teke cheke te mala rikhani ghotilo diꞌatagna God tela namo meihi igne?

Matiu 23:13

“Puhi biꞌo ka ghotilo mae Farasi nei mae velepuhigna vetula nogna mae Moses teu igre! Ghotilo chaghi fara! Naugna ghotilo fanagra nabrou te mala tei ka God na. Ghotilo themi na tiromi ruma eghuteuna ghotilo fanagradi naikno te magnahaghe ruma fari hoteidi naikno te funei frunidi God re.