Matiu 23:13 - Buka Blahi Ka Cheke Holo

¹³ “Puhi biꞌo ka ghotilo mae Farasi nei mae velepuhigna vetula nogna mae Moses teu igre! Ghotilo chaghi fara! Naugna ghotilo fanagra nabrou te mala tei ka God na. Ghotilo themi na tiromi ruma eghuteuna ghotilo fanagradi naikno te magnahaghe ruma fari hoteidi naikno te funei frunidi God re.

Matiu 23:13 ပူးပေါင်းရင်းမြစ်များ

Luku 11:52

“Puhi biꞌo ka ghotilo, mae velepuhigna vetula nogna mae Moses ra! Naugna ghotilo ne pophoru ki gna suga te mala filo glanini puhigna God na. Eghuteuna ghotilo themi na theome nanga nomi kolho la te mala ruma ka suga tuana, nei ghotilo fanogradi naikno te fariuriu ruma lamna.”

Matiu 23:29

“Tutuani fara, puhi biꞌo ka ghotilo mae velepuhi nei mae Farasi teu igre! Ghotilo mae chaghi fara! Ghotilo hohoro tuthuana ka bekudi hatimare mae profet teke aknu falehe mae kmami ghotilo ra, nei ghotilo lalaoni bekudi mae teke au doglo ra. Eghuteuna ghotilo cheke eghu, ‘Jame au dedi tahati naranedi mae kmada ra meuna, tahati jame theome toghodi mare ka glehedi mae profet ra.’

Matiu 23:27

“Puhi biꞌo ka ghotilo mae velepuhi nei mae Farasi teu igre! Ghotilo mae chaghi fara! Ghotilo jateula beku te famane simede te klino ke kosi na, eghuteuna keli fara fifilogna na teu ia eghu. Nu ke lamna na fodu ka nhubra nei thinidi naikno te lehe te boto re.

Matiu 23:23

“Puhi biꞌo ka ghotilo mae velepuhi nei mae Farasi teu igre! Ghotilo mae chaghi fara! Ghotilo fafara ka God fabothodi ghemi khuromu te ikodi ka nomi thobire. Nu ghotilo theome leghudi kolho glepo te ulu fara ka vetula na igre. Ghotilo mala edi fadoglo gobigna lepo te jafra, nei mala lolokelidi naiknore nei thofno fatutuani ni God. Glepo ikodi igre te mala edi ghotilo re, nu thosei ghatho ihodi langau glepo te biꞌo ka vetula na igre eghu.

Profet Sekaraea 11:17

“Kokhoni ni fara mae ihei te tirogna reireghidi sipu re tuana! Uve, nabagna na mae tuana mei armi mala goigoni ni mana! Nabagna na mei naflahi mala kusu khamegna na! Nabagna na bilo koko tathagna fei nheta na mala dofu mana!”

Mae Khuru 8:1

Nu ka gaoghathogna mae Sol na, glepo keli kolho mare te faleheni mae Stivin na.

Fapea Timoti 4:15

Fiofilo nighoi ka mana, glahu ke jaola mana tamu, naugna mana cheke faparini fara noda farirhiu tahati na.

Profet Isaia 33:14

Gognarona naiknodi Jerusalem te leghuni puhi nakhibo na mare nanga nodi nei mhaghu nodi eghu fara, eghuteuna mare neke cheke eghu, “Nogna faefate Lord na jateula khaꞌaghi te brana fara te gnhubra fateo gobigna lepora eghu, eghuteuna theome tangomana kaisei naikno naba te lao au namo rhegna khaꞌaghi igne.”

Fapea Timoti 3:8

Mae te diꞌa igre tirodi leghuni thofno cheke te tutuani na, jateula mae Janisi ghe mae Jabrisi teke eni tifa ranghini mae Moses. Mare theome au kaisei nodi gaoghatho te doglo kolho, eghuteuna nodi fatutuanire la tei jafrahi.

Mae Khuru 13:8

Nu mae Bajisas ne tirognadi fara mae Banabas ghe mae Sol. Naugna mana theome magnahagheni fara mae Primia te fatutuani ni mae Jisas.

Mae Khuru 5:40

Mare kilo fapulodi mae khurure ne puphuri. Eghuteuna mare ne cheke faheta ranghidi mare mala thosei ke cheke ka nanghagna mae Jisas. Ke leghugna igne mare ne snakre teidi mae khurure.

Mae Khuru 5:28

“Tore! Ghehati neke cheke fahetahi ka ghotilo mala thosei ke farirhiudi naiknore ka Nangha tuana. Filoni si ghotilo, u nomi nafnata farirhiu ghotilo igne la tei thoke heva heva Jerusalem. Eghuteuna ghotilo magnahaghei te fariuriu mala faghoroni ka ghehati glehegna mae tugne.”

Jone 9:34

Aonu, hatimare diꞌa tadi fara ka mana ne cheke eghu, “Ghema, iagho mae tuana diꞌa fabrahu ngala puhimu na funu karha mei mu! Iagho theome naba te farirhiu ghami ghehati na!” Aonu, hatimare ne faꞌau kosini mana kau suga tharai na.

Jone 9:24

Hatimare ne fapea kilo meini mae teke dofu tifa na ne cheke eghu ka mana, “Ghema, iagho mei agne mala nhaꞌa cheke ke ulugna God, mala chekeni iagho unha te tutuani na! Ghehati laseni mae te fakelidi phei tathamu iagho gre mana kaisei mae diꞌa fara puhigna na.”

Jone 9:22

Idogna kmagna teu mana ne cheke eghu naugna repa ne mhaghudi mae biꞌodi mae Jiure. Mae Jiure la kulu chekenihi mae ihei te chekeni mae Jisas gne ngala mae Kraes na teuna mala au kosi kau suga tharai na.

Matiu 23:25

“Puhi biꞌo ka ghotilo mae velepuhi nei mae Farasi teu igre! Ghotilo mae chaghi! Ghotilo jateula kapu ba tapera te famane titihi te klino ke kosi na ia eghu. Ghotilo filo fakeli kolho ke kosi na, nu ke lamna na fodu ka puhi magra, nei goghotu, nei chaichaghi eghu.

Matiu 3:7

Kmana mae Farasi nei mae Sadiusi eghu ne mei ka vido aheva te faꞌapublahi naikno mae Jone na, naugna mare ne magnahaghei mei apublahi ka mana. Eghuteuna, kate filodi mare na, mae Jone ne cheke eghu ka mare, “Ghotilo jateula mogo eghu! Naugna ghotilo lase chaichaghi fara! Ihei teke cheke ranghi ghami ghotilo te mala mei apublahi na, eghuteuna ihei teke cheke te mala rikhani ghotilo diꞌatagna God tela namo meihi igne?

Matiu 23:16

“Puhi biꞌo ka ghotilo mae velepuhi nei mae Farasi teu igre! Ghotilo baubatudi naiknore, nu ghotilo mae baubatu dofu! Naugna nomi farirhiu ghotilo themi ia eghu agne, ‘Mae ihei te baubahu ka Sugablahi na, mana tangomana te huhughuni baubahu tuana. Nu mae ihei te baubahu kau sesere te au ke lamna Sugablahi na, baubahu tuana te mala leghuni na.’