Matiu 22:44 - Buka Blahi Ka Cheke Holo

⁴⁴ “ ‘God ne cheke ranghini nogu mae funei iara na, iagho gnokro agne fei nhetagu iara. Naugna iara ginauna lisei soru nou naoka iagho re ke parigna nou nolaghi iagho na.’

Matiu 22:44 ပူးပေါင်းရင်းမြစ်များ

Nodi Khoje Hatimare Mae Jiu 110:1

Lord ne cheke eghu ka nogu King iara na: “Iagho gnokro fei nhetagu iara ghilei lisei soru iara nou naoka iagho re ke parigna nou nolaghi na.”

Hibru 1:13

Eghuteuna God neke theome cheke eghu ka kaisei mae engel unha teke cheke eghu mana ka mae Thugna na, “Iagho gnokro agne fei nhetagu, mala ghilei tapla sorudi iara nou mae naoka iagho gre ke parigna nou nolaghi na.”

Ululahu Korin 15:25

Eigna Kraes ginauna mala funei frunidi gobigna lepore ghilei thokeni narane God nate lisei soru nogna naoka Kraes re ke parigna nogna nolaghi na.

Hibru 1:3

Mae Thugna na ne fathakleni u siasigla gna God. Eghuteuna mana ngala te thofno hata puhigna God na. Mana ne loku fodu gobigna lepore kau chekegna te nolaghi. Ke leghugna te hata fadelei mana u nakhibodi naiknore, mana ne gnokro soru kau sape nafnakno kligna ka khame nhetagna God mae ihei te nolaghi fara.

Hibru 12:2

Fifilo kolho ka mae Jisas. Mana neke fatutuani ni God, eghuteuna kate eni igne mana neke batu ghita ka nabrou te mala fatutuani ni God na nei mana jaola toghoni noda fatutuani na ghilei thoke ka narane leghu lahu na. Mana neke lehe ka gaju fafatha na. Nu mana neke theome ghathoni u mamaja eigna u glehe papara ke kligna gaju fafatha igne, naugna mana tangomana te filoni thofno gleale'a ofoni teu mana. Eghuteuna mana gognaro gnokro fei nhetagna God mala funei fruni balugna mana.

Jenesis 3:15

Iara ginauna na eni igne ka iagho mala nogna naoka gaꞌase igne, eghuteuna gaꞌase igne mala nou naoka iagho. Eghuteuna iara ginauna na jaola eni igne ka vikemu iagho re mala nogna naoka vikegna gaꞌase igne. Mare ginauna na tapla poaposa phaꞌumu iagho na, eghuteuna iagho ginauna nake figri faleghu nake kakathu ka ghahedire.”

Thakle 19:19

Aonu iara ne filoni bosu ulu lahu na baludi hatimare mae king gna nauthoglu igne nei hatimare mae soldia ne salofodu kaisei vido mala magra. Mare tarabana mala magra ka mae ihei te saghe ka hose vegha na, baludi hatimare nogna mae soldiare.

Filipae 3:8

Uve, iara magnahaghei te lisa faleghu te gnafa gobigna lepo teke ghatho tahudi iara kau nauthoglu igne. Naugna gognaro na iara thofno lase fakelini mae Jisas Kraes. Eghume te laseni iara na glepo tuare theo nafudi kolho. Tutuani fara, glepo igre jateula chara eghu ka gaoghathogu iara na. Eghuteuna iara magnahaghei te koko fadelei glepo tuare naugna iara magnahaghei te loku ranghini nogu Lord Jisas Kraes,

Ululahu Korin 1:2

te riso ari letas igne ka ghotilo naikno khiloau te au ka namono biꞌo Korin. God kilo ghami ghotilo mala nogna naikno blahi mana baludi naikno heva heva te tore ka nanghagna noda Lord Jisas Kraes. Jisas noda Lord tahati gnafa!

Jone 20:28

Mae Tomas ne cheke eghu ka mana, “Tutuani fara, iagho nogu Lord nei nogu God!”

Luku 19:27

Eghuteuna, nogu mae naoka iara te theome magnahaghei ghau iara te funei frunidire, hata mei agne mala falelehe ke ulugu iara.’ ”

Nodi Khoje Hatimare Mae Jiu 21:9

Kate thakle mei iagho na, iagho ginauna na fahuidi jateula gnognofi te nhako fahui ka khaꞌaghira eghudi kolho. Tutuani fara, Lord, iagho diꞌatamudi fara na eni kaisei khaꞌaghi biꞌo mala nako fahuidi.

Matiu 22:45

Mae Devet ne kiloni mae Mesia gne nogna ‘Mae funei’. Nu mae Mesia na jaola vikegna mae Devet. Faꞌunha eghu kafe tutuani si phei glepo igrea?”

Matiu 26:64

Mae Jisas ne cheke eghu ka mana, “Uve, iara ngala! Nu te chekeni iara ka ghotilo na. Nauthuꞌu nauriha na ghotilo ginauna filo ghau iara mae teke mei funu ka God na gnokro fei nhetagna God mae te nolaghi tulao. Eghuteuna ghotilo ginauna filo ghau iara mei ke kligna grokho ka maloa na.”

Nonomho Te Keli Teke Risoi Mae Mak 16:19

Kate gnafa cheke Lord Jisas ka nogna mae fanomhore, God ne hata hagheni mae Jisas kligna. Eghuteuna mana gnokro fei nhetagna God.