Matiu 22:29 - Buka Blahi Ka Cheke Holo

²⁹ Mae Jisas ne cheke eghu ka mare, “Ghotilo thono jafra fara! Naugna ghotilo theome lasedi gaoghathodi grioriso te blahi igre, nei ghotilo theome laseni la nogna nolaghi God na.

Matiu 22:29 ပူးပေါင်းရင်းမြစ်များ

Jone 20:9

Phia mae igre theome lasedi ngau grioriso te blahi teke kulu cheke eigna mae Jisas mala teke khegra fapulo kau glehe na.

Letas Teke Riso Tei Mae Pol Ka Khiloau Rom 15:4

Gobigna lepo teke rioriso soru mare ka buka blahi na tifa igre, mare neke rioriso mala farirhiu ghita tahati. Eghuteuna kate iu'ijudi grioriso igre, tahati thofno laseni God na eni ranghi ghita unha teke nhaꞌa cheke ranghi ghita na. Eghume gaoghathoda na heta fara nei tahati tangomana te ofoni God te mala togho ghita.

Profet Jeremaea 32:17

“Lord God, iagho neke vuavuha maloa ghe nauthoglu igre ka nou nolaghi biꞌo. Theo kaisei glepo te ninhigrana ka iagho na.

Luku 1:37

Naugna theo kaisei glepo te ninhigrana ranghini God na.”

Profet Isaia 26:19

Ghotilo nogu naikno iara ra! Kherada teke lehehi tifa ra, ginauna nake karha fapulo kau glehe. Ghotilo iheire te thuru lamna beku ra, ghotilo ginauna dofra haghe glealeꞌa. Jateula nakhete bongiro te soru mei teke pila nei majaghani fapulo teu glosera eghu, jateula tuana eghu Lord ginauna nake fakarhidi iheire teke lehehi ra.

Nodi Khoje Hatimare Mae Jiu 17:15

Nu iara gne neke theome eni kaisei najafra, eghume iara gne ginauna na thofno ari filo nigho. Kate dofra haghe te filo nigho na, iara ginauna na thofno glealeꞌa fara.

Filipae 3:21

Eghuteuna mana ginauna tughu thinida tahati te diꞌa gre mala jateula thinigna thegna te au kligna na eghu. Mana tangomana te eni igne naugna mana au nolaghi te biꞌo. Eghuteuna ka nolaghi te biꞌo tuana mana ginauna funei frunidi gobigna lepo te au ka nauthoglu igne.

Mae Khuru 26:8

Naugna unha si keha ka ghotilo te theome tangomana ghami te fatutuani ni God te fakarha fapulo naikno ka glehe gnea?

Profet Isaia 25:8

Lord ginauna bobotho fabrahu u glehe na, eghuteuna mana ginauna nuju koko kholo ka tathadi naikno te gnafare. Eghuteuna mana ginauna hata fadelei mamaja te au ka naiknogna na. Lord thegna ngala teke chekeni igne.

Profet Hosia 13:14

“Nu iara ginauna na hata fafigridi ka namonodi mae tela lehehi ra. Glehe! Aheva nou nolaghi iagho te mala faleheni naikno na? Beku! Aheva nou nolaghi iagho te mala goigonini naikno na? “Uve, iara ginauna na fakarhidi nogu naiknore, eghuteuna iara na theome tughu nagnafagu na.

Jenesis 18:14

Theo kaisei glepo te ninhigrana ranghini Lord na. Iara ginauna nake pulo mei ka iagho ka thofno narane na, ka nhigra jateula gognaro gne eghu. Eghuteuna Sera gne ginauna na karha kaisei thugna nalhaꞌu.”

Matiu 22:28

Hatimare fitu mae thabusigna igre neke kafe tolaghi ka naꞌa. Eghume chekeni ka ghehati, ka narane mala kegra fapulo ka karha na, gaꞌase igne na khetogna mae ihei ka hatimare fitu mae thabusigna igre?”

Nonomho Te Keli Teke Risoi Mae Mak 12:24

Mae Jisas ne cheke eghu ka mare, “Tore, thono jafra fara si ghotilo gne! Naugna unha? Naugna ghotilo theome laseni grioriso te blahi na, nei theome lase nila nogna nolaghi God na eghu.

Ululahu Korin 15:34

Ghotilo mala ke funu ghaoghatho fakeli, eghuteuna ghotilo mala thosei ke edi puhi te diꞌare. Keha ka ghotilo, mare theome laseni God, eghuteuna iara chekeni igne mala mamaja ghotilo.